مانسطيب عيش.....بقلمــــــــــــــــي
21-07-2018, 03:48 PM
مانسّطيب عيش عنها قلبي ذاب......مشعالو لهّاب ما ظني يخمد
محمـاح الكبدة مخللهـا نشـاب......راميهـا عطّـاب قنّاص آمعمّد

عينيهـا مقرون برّاقـو رهّـاب......شكيتو ما خاب لـعدوه اِيوَعّد
سلبتني بالعين والشَّفر ولهذاب......عين نتاع عقاب شوفتها تلهد

كُحُل سوالفهامن ريشات غراب......آسّوادو ما جاب للظلمة يجبد
حواجبها نونات خططهم كتاب......مهندس عجّاب خطو ما يفسد

بنعمان على خدودك لونو ساب......رهباني ما تاب سامح فالمعبد
آشفايف رمان دمو أحمر راب......زهرو يا لحباب قاني و آمكبَّد

رقبتها راية ظهرت خلف سحاب......حاملها نقـّـاب سيفـو متهنـَّد
في صدرها بانو ثمة زوج قباب......زايرهم ما خاب بالنية يقصد

طولتها ف الشبه نخلة واد مزاب......دقلتها تطياب للعولة و آزوَد
نسبت باباها من خيرة لآنساب......من جدها للآب معروفين الجد

طواعين سباع من ذرية ذياب......قطّع كم آرقاب و التاريخ آشهد
مانرقدش الليل منها راسي شاب......فكري عني غاب مرة ما نسهد

ياسر كي مثلي مغرور و لولاب.....هايم قلبو طاب مشطون آمقيدد
وادك فاض وجا عني نايا كاب......آبجهـدرو ما جـاب حـامولو زبَّد

آتقوى عن كل دِير معاه آعلاب......ما سَّوخر لا هاب قادي يسّرفد
من يعشق لقمر يتذوق لعذاب......طايح في زرداب عمرو مايسعد


chawki dz
التعديل الأخير تم بواسطة chawki dz ; 21-07-2018 الساعة 03:55 PM سبب آخر: تصحيح غلط