تسجيل الدخول

يا حسراه عليك يا الدنيا......

يا حسراه عليك يا الدنيا فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية ظلي تبدلي في الصفات
تعذبي فيا غير بشوية عييت من عذابك براكات
تلعبي بيا والا معايا جاوبيني علاش هاذ السكات
قالوا لي عليك مسرحية وانا المسرح سكن لي في الذات
التذكيرة خلصتها غالية ديت معايا شي وردات
دخلت للقاعة صفقوا علي طلع ستار والضو طفات
لقيت روحي في تمثيلية والديكور خوف ودعات
طمعتيني ودرتي علي عندي جدي بالصحبات
.................................................. .

شحال من سلطان كان في دنيا جيوش الامر وطيعات
مال وعز قصور وسرايا العسة عليه بالالوفات
غفل غفلة تقلبت الحية فليلتو مالقى وين يبات
وكلتي فلان عسل وفاكية وفلان شمختي لو الفتات
فلان قلعتي لو الذرية وحياتو من الفرحة خوات
فلان طلق مرتو المسكية زعف كي جابت لو البنات
.....................

المسجون يرجى الحرية بالدقيقة يحسب لوقات
الشهار يحلم بالشهرية يا حليلو مولا وليدات
كبدة لميمة مشوية على واش سهرت واش ربات
على وليدها بدل الجنسية عجبو زين الروميات
خلى يماه وحدانية من الحرقة والبكا تعمات
باش يبين الرجولية بعث لها زوج محرمات
......................
نهار كانت الدنيا دنيا الوالدين علقوا لهم شيعات
اليوم الوالدين راهي مرمية في مراكز الشيخوخات
انتي دنيا يدك زهرية انا يدي فيه الكيات
مع الواقف درتي جمعية سماها دخلات وخرجات
القليل بعثتي لو خطية جا يصلي تلفت لو الصلاة
كي سلم انسى التحية وكي تحى نسا زوج ركعات
..............
المال فاني والعظام راشية فاتت جناس وتمحات
اللي كان تاقي ودار النية طاع ربي وشد في الصلاة
درجته في الجنة عالية صفة الجنة درجات
والشاقي يمضي النهاية ذاتو بالنار تكسات
جلدة رايحة وجلدة جاية يظل يبدل في الجلدات
نصيحتي نتركها التالية باش نختم بيها لبيات
..................


دعوة الوالدين رسمية منهم الشر والخيرات
الهنا كنز والصحة غالية والباقي كله كذوبات
ياسين ارسلها تحية وامنضى فيها بشي دمعات
بعثها كمال مسعودي برية قراها قيتار وألات
والصلاة على نور عينيا سيد الخلق يا سدات
شكون اللي نجا منك يا دينا غير اللي طلقك بالثلاث
غناها المرحوم كمال مسعودي
شكرا أختاه

و الله يا خويا عايدة +++++++كلامك فيه فايدة
ولات الدنيا غير معاندة ++وعليــها الناس زاهدة
نقول لك خويا واصل++++++و هداك هو العقل

و شكــــرا

دحمان ,الهاشمي و مسعودي ******بكلامهم زاد ليهم ودي
الشعبي في كلامو نجبر سعدي*****فالملحون منانسوش الخالدي

الله يرحمهم الجمــيع والله يغفر لهم ولنا ويسكنهم أعلى جنة


أما انت يأختي الله يحفظك وشكـــرا جزيلا يا عايدة و انا الاسم الحقيقي هو المخفي أخوك في الله وفي المنتدى

رحم الله صاحب جميلة اغنية الشمعة واسكنه فسيح جنانه

www.webchaabi.com/artistes/mess.html

بارك الله فيك اختاه على المجهود

شكرا يا عايدة اجمل كلام سمعتو عن الدنيا كمال مسعودي الله يرحمك

سلمت يمانكي أخي الغالية عايدة

ربي يرحم أخي الكبير كمال مسعودي و يجعل الجنة مثواه

تقبلي مروري المتواضع

كل الود و الورد

أخوك أكرم