يا غُزَلْ الفَلَة
04-12-2017, 02:34 AM


يَا غُزَالْ الفَالَة **** بَنْتْ لَمْجَدْ طَهَ سِيدْ الرِّجَالْ
إيمَامْ الفُضَالى **** الزَّمْزَمِيَّة الزَّهْرَة البَتُولْ
دَامِي زَلَّالَة **** نُرَكْ فَاقْ الشَّمسْ وَ الهِلاَلْ
ضِيُه يَتْلاَلا **** فِي المْدُونْ و قَفْرَة وَ تْلُولْ
لَهْبَتْ شَعَّالَة **** فِي صْمِيمْ احْشَيَا شَدْ الشّْعَالْ
كِيَة مَدْمَالَة **** كِيْهَا مَتْخَالَف مَشْعُولْ
مَا صَبْتْ إيقَالَة **** انْفُوزْ يُومْ ايْكونْ الحَرْبْ والقْتَلْ
فِتْنَة غَلْغَالَة **** امْدَهْمَا بَعْسَاكَرْ وَ خْيُولْ
حَالْتِي لاَ حَالَة **** صُرْتْ يَا لاَيَمْنِي هَاذَا اشْحَالْ
لاَ حَوْلَ وَ لاَ **** مَا كَتَبْلِي رَبِي مَقْبُولْ
وَلْفي مُحْتَالَة **** فِي حُلَّة عْرْبِيَة بِينْ البْطَالْ
وَ بِينْ الخِيَّلَا **** مَا يُوصَلْ امْنَاهَا مَخْلُولْ
بِحُرْمْ البُدَالا **** لاَ تْحَافِي ظَنِّي مَنْ الوِصَالْ
نَسْعَدْ بَالفَالَة **** انْطُوفْ بَدْيَارَكْ وَ نَرْمِي الهُولْ
بْجَاهْ العَمَالَة **** وَبِجَاهْ الحَارَمْ وَ العَابَدْ فِي الجِبَالْ
مُولَى فَشْتَالَة**** وْ سَادَتْنَا الاوْلِيَا لَفْحُولْ
جُودِي تَعَالَا **** يَا أنِيسْ الخَاطَر ضِيْ النِّجَالْ
ارْمَاقْ الجَفَالَة **** عَلْجِينِي لاَ نَظْحَى مَخْبُولْ
بِحُرْمْ البَسْمَالَة**** وَ نُورْ مَكَّة وَ البُوقْعَة والضَّلاَلْ
جُودْ بَالرِّسَالَة**** وَ اتْفَكَّرْ رَصْمْ المَرْسُولْ
ضُرِّي مَعْلاَلَة **** اللِّي سَعْدُه رَبِّي ذُو الجَلاَلْ
يَرْشَفْ بَالدَّالَة **** بِيرْ زَضمْزَمْ صَافِي مَعْسُولْ
طَبْعَاتَكْ خَالَة **** فُوقْ خَدَّكْ عَدَّاتْ عَلَى الكْحَالْ
عْيُونَكْ مَذْبَالَة **** مَنْ يَرَاهًمْ يَمْشِي مَقْتُولْ
الجَبِينْ يَتْلاَلَا **** وَ الحُوَاجَبْ نُونِينْ فِي شِي مْثَالْ
وَ الرَّقْبَة دَلَّالَة**** وَ السُوَالَفْ سُودَانْ كْحُولْ
وَ المَبْسَمْ فُالَة **** عَسْلْ شَهْدَة مُخَتَّمْ صَافِي زْلاَلْ
دَالَة بِدَالَة **** مَنْ قَبَّلْ حَجْرَكْ مَقْبُولْ
صَدْرَكْ يَتْخَالاَ **** عْلِيهْ يَتْخَانْقُوا فُرْسَانْ البْطَالْ
جُيُوشْ وْ عُمَالَا **** لاَحْ بِينُه و ْ مَا بِينْ ارْحُولْ
صَارَمْ القَتَّالَة **** سِيفْ عَنْدَكْ شُوَّشْ القُبَالْ
ايْمِينَا وَ شْمَالَى **** اتْوَاجَهْ صُوَارَمْ لَشْمُولْ
قَدَّكْ يَتْخَالَى **** صَرْوَلَة مَحْظِيَة بِينْ الجِبَالْ
تَنْكِي العُذَّالآ **** ثْمَارْهَا شَهْدَة لَلْمَعْلُولْ
بِينْ الرُّجَالَا **** غَانْمِينْ الرَّحْلَة ذُوكْ البْطَالْ
فَالدّاجْ اخْبَالَى **** صَايْقِينْ امْهَامَهْ وَ اقْفُولْ
تَبَّعْتْ غُزَالَة **** مَا لْيِيتْهَا جُرَّة تَدِّي البَالْ
عُرْبَانْ سْلاَلَة **** غَانْمِينْ النَّشْوَة فَالضّْلُولْ
انْعَبَّرْ بَالحَالَة **** كِيفْ مَا عَرْفُوهَا عَرْبْ الهِلَالْ
بِين الخِيَّالَى**** كُلْ فَارَسْ بَابُه مَقْفُولْ
مَنْ غِيرْ جْهَالَة **** كَمْ مَنْ غُرِّي جَاء ايْغَامَرْ بألمَقَالْ
مَشْطُونْ الحَالَة **** فَارَسْ يَدْوِي فِي فُمْ الغُولْ
قُومْ الشَفْسَالَة **** الدَّقْ فِي اعَضَاهُمْ يَضْمَنْ الحْلاَلْ
بِينْ إِيهْ وْلاَلاَ **** كَلْمَة مَتْسَاوْيَة فِي القُولْ
ايْسِيرْ قْبَالَا **** فِي مَقَامُه يَرْعَى بِينْ الشّْبَالْ
مَا يَهِيبْ فْضَالَة**** كُلْ حَرْجْ بْحَرْجُه مَفْضُولْ
اخْتَمْتْ ذَالرِّسَالَة**** وَالسَّلاَمْ انهِيبُه لَهْلِي الفضَالْ
فَاسْ وَدُكَالَة **** سِيفْهُمْ لَلْفَتْنَة مَسْلُولْ
أسْمِي يَتْشَالَى**** قَالْ إبْنُ المَرْنِيسِي سَاغْ القُوَالْ
نَضْمِي يَتْلاَلا **** مَا خْفَى عْلِيكُمْ حَاجْ لَفْضُولْ
رَبِي تَعَالَى **** كُونْ مَعَايَا فِي الذِّيقْ يُومْ السُّؤالْ
مَنْ شَرْ الحَالَة **** غِيثْنِي بِجَاهْ الرَّسُولْ
يَا غُزَالْ الفَالَة **** بَنْتْ لَمْجَدْ طَهَ سِيدْ الفُضَالْ
إيمَامْ الفُضَالَى**** الزّْمْزَمِيَة الزَّهْرَة البَتُولْ
تَمت بِتُوفِيق مِنْ الله- لشَّاعَرْ-الشِيخْ الفضُول إبْنُ المرنِيسِي-