تسجيل الدخول

انا نعرف هاذي تتشبه شويا لي غنيتيها مايا

بسم الله بسم الله او بيك يبدا البادي او بيك يبدا البادي و اللي ما صلى على النبي يسمى الشاقي .
تربح تربح يا الرابح و الفال قال انشاء الله .
محمد محمد صلو يالاماعليه سيدنا و حبيبنا ويربح من صلى عليه جينا من طريق بعيدة و كرارسنا يرعد
هذي مرتك ياوليدي و عشرة في عينين العدو
محمد محمد ولدي يا وليدي يا نوار اليسمين جينا ندو لالا البنيا و نخلوههم في السحين.
محمد محمد بنتي يالالا يا رجلين الحمامة خرجي البنات عمك بقيهم بالسلامة .
يا سيدي وليدي خسر مالك لا تخاف جبانالك طفلة صغيرة و حما
مة من راس الكاف.
الزينة يالالا يا عينين الساف ،خطب فيك ميات واحد ،و القليل يخاف...
الله الله يا الميمة خرجي لبنتك و صيها تتهلا في العجوز و الشيخ ودعوة الخير تديها ...
زينة يا لالا ما تبكيش تشياني ،راكي رايحا لوليد الفاميليا ماشي للبراني.
علاي علاي يا البنية كيما يعلو النجوم ،دارك دارك يا البنية ،دار الميمة ما دوم .
انت يا لالا البنية يا غزالة بين زوج جبال واحد باباها اللي رباها ،و الثاني زوج حلال ...
لزينة يا لالا نوضي تلبسي ،شيخك جاب الفاليزا ،ولوسك جاب التاكسي .

لازم تبكي شويا

يويويويويويو ما تضحكوش راني ما نعرفش نزغرت بزاف

هاذي في خاطر ختي اماني اريس ان شاء الله يجيك مكتوبك ونفرحو بيك يا الغالية
يويويويويويويويويويويويويويويويووووووووووووووووويو يويويويويييييييييييييييي
يا لحمامة طيري علي وصلي لبلادي واهلي طيري الله يخليك
في سماء علي بجناحك خفي راح الحال فاتتك طاح الليل عليك
الحنة والله زاناتك والخلخال فضة واتاتك خفي بالجنحيك
وصلي لبلادي يلا وبويا الغالي وباتي ثما وبلغي السلام
سلامي امانة ليهم واهلي كل لا تنسيهم وحبابي الكرام
يا لميمة قلبي تمنى نقربلك يا ريح الجنة يا سعد لي رضيك
يا لحمامة ديري طلة وسالي على ناسي كلة
وقوليلو لعريس استنى متفوتش عليا الحنة ربي يباركلي

اسمعو ليوم نهار يطبخو فيه لمثوم باحشاء الكبش شكون مولات الطناجر

خسارة ما كنتش عارفة أنّي رايحة نقرا موضوع مثل هذا
و إلاّ كنت حفظت تقديمة نتاع جدّاتي توارثوها من جيل لجيل
معليش خلينا في:
أويييييييها تبرّد القلب أيضا
ربّي يزيّن سعدكم يا لعرايس

هههههههههههههههههههههههههههههههههههههههههههه ربي يحفظك اختي ويهنيك مع ابن عمك حشمتينا

يا الغالية مرحبا بيك راني دورتها عربية وتقاليد تاني بردي قلبك طاطا

اواه اختي ساجدة انتي لازمني ندير معاك لافير ونجيبك هنا لعندي تغنيلي ان شاء الله