يا نفسي الأمارة بالسوء **بقلمي**
27-02-2016, 07:36 PM
يا نفسي و علاه تتعني لوعار***عييتيني غافلة ديمة في الشدات
يا نفسي راكي خفيفة فالتدوار***نقبك ضيق راميتني في الزلات
خراجة للعيب ما تنهي لنكار***ما تتبهي واه ما تفيقي هيهات
يا شومة راكي طيحتيني في النار***و بهدلتيني في عقاب اشيبات
يا سهم الهانة كثرتي لضرار***و خافي ربي في آخر ليامات
أمارة بالسوء و لمعاصي لكبار***منعوتة شينة بأقبح الصفات
ذليتيني بالمناكر وزدتي فالتكبار***لاتتوعضي ياك ماتدي عبرات
أتولي واش بيك هذا عيب وعار***وانت أصلك قاطوينة واتربات
ما فقتي موحال من شدة لعسار***واش جنيتي قاع من هذالحياة
وين الأب وين أمي وين الجار؟***سلفو كامل مابقات لهم جرات
ياودي بركاك العاقل فيك احتار***حشمتيني دايما وسط اللمات
لابدة و يجوك لملاك الشطار*** تنقرعينك من هول العصرات
واش جوابك ياغافلة في لسحار***لاهربة لاوين هاذ الساعة جات
ساعتها لامعيط لافكاك ولا نعار***حشومة عيب عليك ياسر بركات
راها زلباحة ذيك قصافت لعمار***ولا تتغري راها الدنيا دلات
يا نفسي يهديك توبي للقهار***متين العروة راه ايقيل العثرات
فيه الشدة خالقي عالم لسرار***يستر قاع الجاية و اللي فات
نطلب ربي في لعقوبة تنوار***و يهدينا للخير واتزل الروعات
وفي طلبتنا ياخالق الجنة والنار***وارحم زلتنا من لمعاصي اتقوات
لاخوناش عاهد لاخوناش الجار***ماكشفنا مستور ماهتكنا سترات
لاتحرمنا يا الله في ذيك الدار***وارضى عنا يوم تحضر الممات
بجاه النابي شفيعنا طيب لذكار***مول الخاتم صاحب المعجزات
نور قبر أمي و بويا بالأنوار***ومن ربانا وعلمنا نطق الآيات
وجميع اللي بحقو عنا ياغفار***تغفر قاع ذنوبنا وتمحي السيئات
يامن نجى جدنا من حر النار***و بردها عنو و رجعت سلامات
ياسلاك يونس من بطن البحار***ولولا ذكر الله وسرو فالكلمات
من رجع يوسف البوه المحتار***من كيد الخاوة و فعل المنكرات
يا ناصر موسى مهون لو لقدار***يا قاهر فرعون لأسفل دركات
ياناصر عيسى من قوم الكفار***ورفعو دارو فوق سبع اسماوات
بجاه الأنبيا والصالحين ولخيار***بلا ما ننسى قاع مقبولي ادعوات
سلكني من كل حاسد و مشرار***احفظ لي أهلي مع البن و لبنات
لاتحرمني شوفت الكعبة و الديار***و اتقبل طلبي قانوصلها وانبات
آآآآآآآآآآآآآآآآآآآآآآآآآآمين
تمت بقلمي chawki dz كما أتمنى أن تنال رضاكم وشكرا
يا نفسي راكي خفيفة فالتدوار***نقبك ضيق راميتني في الزلات
خراجة للعيب ما تنهي لنكار***ما تتبهي واه ما تفيقي هيهات
يا شومة راكي طيحتيني في النار***و بهدلتيني في عقاب اشيبات
يا سهم الهانة كثرتي لضرار***و خافي ربي في آخر ليامات
أمارة بالسوء و لمعاصي لكبار***منعوتة شينة بأقبح الصفات
ذليتيني بالمناكر وزدتي فالتكبار***لاتتوعضي ياك ماتدي عبرات
أتولي واش بيك هذا عيب وعار***وانت أصلك قاطوينة واتربات
ما فقتي موحال من شدة لعسار***واش جنيتي قاع من هذالحياة
وين الأب وين أمي وين الجار؟***سلفو كامل مابقات لهم جرات
ياودي بركاك العاقل فيك احتار***حشمتيني دايما وسط اللمات
لابدة و يجوك لملاك الشطار*** تنقرعينك من هول العصرات
واش جوابك ياغافلة في لسحار***لاهربة لاوين هاذ الساعة جات
ساعتها لامعيط لافكاك ولا نعار***حشومة عيب عليك ياسر بركات
راها زلباحة ذيك قصافت لعمار***ولا تتغري راها الدنيا دلات
يا نفسي يهديك توبي للقهار***متين العروة راه ايقيل العثرات
فيه الشدة خالقي عالم لسرار***يستر قاع الجاية و اللي فات
نطلب ربي في لعقوبة تنوار***و يهدينا للخير واتزل الروعات
وفي طلبتنا ياخالق الجنة والنار***وارحم زلتنا من لمعاصي اتقوات
لاخوناش عاهد لاخوناش الجار***ماكشفنا مستور ماهتكنا سترات
لاتحرمنا يا الله في ذيك الدار***وارضى عنا يوم تحضر الممات
بجاه النابي شفيعنا طيب لذكار***مول الخاتم صاحب المعجزات
نور قبر أمي و بويا بالأنوار***ومن ربانا وعلمنا نطق الآيات
وجميع اللي بحقو عنا ياغفار***تغفر قاع ذنوبنا وتمحي السيئات
يامن نجى جدنا من حر النار***و بردها عنو و رجعت سلامات
ياسلاك يونس من بطن البحار***ولولا ذكر الله وسرو فالكلمات
من رجع يوسف البوه المحتار***من كيد الخاوة و فعل المنكرات
يا ناصر موسى مهون لو لقدار***يا قاهر فرعون لأسفل دركات
ياناصر عيسى من قوم الكفار***ورفعو دارو فوق سبع اسماوات
بجاه الأنبيا والصالحين ولخيار***بلا ما ننسى قاع مقبولي ادعوات
سلكني من كل حاسد و مشرار***احفظ لي أهلي مع البن و لبنات
لاتحرمني شوفت الكعبة و الديار***و اتقبل طلبي قانوصلها وانبات
آآآآآآآآآآآآآآآآآآآآآآآآآآمين
تمت بقلمي chawki dz كما أتمنى أن تنال رضاكم وشكرا
