بسم الله واسمك
28-10-2017, 09:37 PM
بِسْم الله وَ اسْمَكْ يا حْبِيبْ المُولَى يا تَاجْ الأُوْلِيَاء يَا خَاتَمْ الارْسَالْ
يا غُوثْ الأُمَّة المُفَضَّلَة ** صَلَّى الله عْلِيكْ يَا نُورْ انْجَالِي
نَسْتَفْتَحْ القُولْ فِي مدِيحَك وَ ثْنَاء اوْصَايْفَكْ يَا قُرَّةْ لَنْجَالْ
نَنْظَمْهَا تُحْفَة امْفَصّْلَة ** وَ كُلْ ارْجَايَا تْلِيقْ بَمْقَامَكْ العَالِي
نَمَّدْحَكْ بَالقَلْبْ و َالجُوَارَحْ فالسَّرِ وَ الجَهْرْ مَا احْيِيتْ الدَّهْرْ وَ مَا طَالْ
يَا مَنْ صَلَّى عَلِيكْ فَالعُلَى ** المُولَى وْ الَمْلاَكْ دَرْتْ مَدْحَكْ فَالِي
عَاسَى انْفُوزْ بَرْضَاكْ اتْجِيرْنِي وَ تَرْفَقْ بِيَّا لِيلَةْ قَبْرِي عَنْدْ السُّؤَالْ
بَوْجُودَكْ الخُوفْ يُنْجَلَى ** انْجَاوَبْ المَلاَكِينْ بَفْصِيحْ اقْوَالِي
يَا المَبْعُوثْ لَثَّقَلِينْ رَحْمَة يَا شْفِيعْ الخَلْقْ جِيرْنِي كِي يظْيَاقْ الحَالْ
يُومْ انْ تَكُونْ النَّفْسْ حَاصْلَة ** فِي شَدَّاةْ الذِّيقْ ارْفَقْ بِحَالِي
صَلَّى الله عَلَى شْفِيعْنَا وَ الرِّيضَا عَالْأنْصَارْ كَافَّة وَ اصْحَابُه وَ الألْ
صَلاةْ مْدِيدَة وْ طَايْلَة ** مَطْيَبْهَا فِي اللِّسَان لَذَّةْ تَحْلاَلِي
اعْتَقْنِي يَا غُوثْ كُلْ مُذْنِبْ يُومْ انْ لاَ يَفْدِي العَاصِي إبْنْ وَ لاَ مَالْ
يَا مُنْقَذْ مَنْ جَاكْ مُبْتَلَى **خُفْتْ مَن ذَنْبِي الثْقِيلْ ؤ سُؤْ افْعَلِي
يَا مَنْ خَصَّكْ الله بَالشَّفَاعَة مَنْ دُونْ الخَلْقْ كَافَةْ وَ الانْبِياء وَ الارْسَالْ
يَا مَنْ صَلاتَكْ اتْحَايَدْ البَلاَء ** لُو لاَ انْتَ مَنْ يَكُونْ سَنْدَة لأمْثَالِي
يَا مَنْ تَرْجَاكْ سَايْرْ الخَلاَيَقْ يُومْ الحِسَابْ اتْفُكْهَا مَنْ شَدَّةْ لَهْوَالْ
نَفْسِي فِي الاوْزَارْ وَاحْلَة ** ارْجَايَا فِي الله وَ فِيكْ اتْفُكْ اخْبَالِي
يُومْ وُقُوفْ الخَلْقْ يَا شْفِيعْ العُصَاةْ نَرْجَى افْضَايْلَكْ كِي تَحْظَرْ لَعْمَالْ
وَ النّْفْسْ مَرْعُوبَة وْ ذَاهْلَة ** انْظُرْ لْحَالِي النَّحِيلْ وَ لْظَعْفْ احْيَالِي
مُعْصِيَاتِي الظَّاهْرَة وْ الخَافِيَة مَنْ حَمْلَهَا كَلِّيتْ يَا الهَادِي وَ الحَمْلْ اثْقَالْ
احْمُولْهَا عَلَى لَكْتَافْ نَازْلَى ** مَنْهَا رَانِي مَرِيضْ وَ اقْوَاتْ اعْلاَلِي
صَلَّى الله عَلَى شَفِيعْنَا وَ الرِّيضَا عَالأنْصَارْ كَافَّة وَ اصْحَابُه وَ الآلْ
صَلَاةْ امْدِيدَة وْ طَايْلَة ** مَطْيَبْهَا فِي اللِّيسَانْ لَذَّةْ تَحْلاَلِي
تَعْتَقْنِي مَنْ هُولْ لَخْرَة يَا مَنْ جَاء لِيكْ البَعِيرْ هَارَبْ مَنْ الضّلاَلْ
الغُزَالَة مَرْعُوبَا وْ وَاجْلَة ** فِي يَدْ الصِّيَادْ تَشْتَكِي بَالدَّمْعْ احْمَالِي
يَا مَنْ رُوِّيتْ الجُيُوشْ مَنْ اضْمَاهَا مَاء عَذْبْ زْلاَلْ صَافِي مَنْ كَفَّكْ سَالْ
وَ الغَمَامَة جَاتَكْ مُظَلَّلَة ** فُوقْ رَاسَكْ الشَّرِيفْ دَارَتْ اظْلاَلِي
يَا مَن ْ فِي يَدَكْ الحَصَى تْكلَّمْ انْطَقْ بَالتُّوحِيدْ وَ الشَّهَادَة بَفْصِيحْ اقْوَالْ
وَ الجَدْعْ ابْكَى وَ النَاسْ ذَاهْلَة ** يُومْ انْ اتْرَكْتُه وَ اصْعَدْتْ فُوقْ مَنْبَرْ عَالِي
صَلاتَكْ هِيَ ذَخِيرْتِي وَ اعْوِينِي وَ الزَّاد للصَّفَر وُ هِيَ رَاسْ المَالْ
دُونَهَا كُلْ الاعْمَالْ بَاطْلَة ** بِجَاهَكْ نَرْجَا القَبُولْ عَنْ كُلْ ا سْألِي
اصْلاَّتَكْ هِيَ تْمَامْ فَرْحِي وَ اهْنَايَا وَ عَزْ فُخْرِي وْ رَاحَتْ البَالْ
وْ تَرْيَاقْ الْنَفْسِي الضَّالَة ** تَسْنَدْنِي يَا سْنِيدْ مَنْ لاَ لُو وَالِي
صَلَّى الله عَلَى اشْفِيعْنَا وَ الرِّضَا عَالأنْصَارْ كَافَّة وَ اصْحَابُه وَ الألْ
صَالاَةْ امْدِيدَة ؤ طَايْلَة ** مَطْيَبْهَا فِي اللِّسَانْ لَذَّةْ تَحْلاَلِي
فِي اصْلاتَكْ النَّجَاتْ وَ الشّْفَا لْمَنْ هُوَ مَثْلِي سَقِيمْ طَايَحْ فَانِي مَعْلاَلْ
وَ دْوَا لَفْكَارِي المْهُوْلَة ** يَا مَنْ حُبَّكْ سَاكَنْ مِيرْ ادْخَالِي
يَا مَنْ عَلاَّ قَدْرَكْ رَبْ لَعْبَادْ وَ اصْطَفَاكْ عَلَى الوَرَى مَا تُوجَدْ لِيكْ امْثَالْ
يَا مَنْ ابْنُورَكْ الانْوَارْ شَاعْلاَ ** وْ كُلْ مَا هُو فِي الوُجُودْ بَضْيَاكْ ايْلاَلِي
لِيمْتَا تَأذَنْلِي انْجِيكْ زَايَرْ رَانِي نَرْجَا اعْيِيتْ صَابَرْ وَ ارْجَايَا طَالْ
ؤ تصْفَى شْوَاقِي المخَبْلَة ** يَا طْبِيبْ العَلَّة الخَافِيَة فِي الإدْخَالِي
نَسْعَدْ بَالزُّورَة لْرُضْتَكْ قَطْعَة مْنَ الجَنَّة يَا سَعْدْ مَنْ شَاهَدْهَا بْالانْجَال
نَسْتَبْشَرْ وَ النّكْدْ يَنْجْلاَ ** تَبْرَدْ نَارْ الظَّمَاء ؤ سَعْدِي يَزْهَالِي
نَطْلُبُو مْنَ لاَ ايْرَدْ طَالَبْ يُوفِي قَصْدِي ايْقَرَّبْ لِيَا المِجَالْ
نَرْجَا فَضْلُو عَالِي العُلاَ ** مُولْ المُلْكْ العَظِيمْ يَقْبَلْ سؤالِي
صَلذَى الله عَلَى اشْفِيعْنَا وَ الرِّضَا عَالأنْصَارْ كَافَّة اصْحَابُو وَ الألْ
صَلاةْ امْدِيدَة ؤ طَايْلَة ** مَطْيَبْهَا فِي اللِّسَانْ لَذَّة تَحْلالِي
يُوفِي مَرْغُوبِي سَامَعْ الدُّعَاء نَبْلَغْ ارْجَايَا انفُوزْ بَالمَقْصُودْ وَ انَّالْ
كِمَا نَالَتْ قُومَانْ سَائْلَة ** ؤ ظَفْرَت بَالقَبُولْ مِنَ الله العَالِي
بَعْثَكْ نِعْمْ الكْرِيمْ رَحْمَة نُوَّرْتْ قْلُوبْ غَارْقَة فِي الكُفْر وَ الضَّلاَلْ
بِيكْ صَبْحَتْ الأُمَّة مُفَضّْلَى ** أحْسَنْ أُمَّة فِي الكُون الأوَّلْ وَ التَّالِي
يَا مَنْ نُورَكْ الكُونْ بِهْ ضَاوِي سَاطَعْ وَهَّاجْ لاَمَعْ مَا اخْفَاهْ احْيَالْ
وَ كَاذَاكْ المَخْلُقَاتْ كَامْلَة ** ابْنُورَكْ اهْتَدَاتْ يَا النُّورْ الجَالِي
يَا مَنْبَعْ الخِيرْ وَ الهَنَاء وَ افْضَالْ اكْثِيرَة عَلَى الوَرَى مَا يَفْدِيهَا مَالْ
يُومْ انْ تَفْنَا العُمْرْ وْ تُبْلَى ** كُونْ لِي سَنْدَة وْ كُلْ مَنْ اعْصَاوْ ابْحَالِي
بَصْلاَةْ المُصْطَفَىى اخْتَمْتْهَا وَ ارْجِيتْ المُولَى ايْعَدْهَا مَنْ صَالَحْ لَعْمَالْ
يَجْعَلْهَا لَلْمِيزَانْ امْثَقْلَة **بْجَاه الصَّدِيقْ ؤ عُمَرْ وَ بِذِي النُّرِينْ وَ السِيَّدْ عَلِي
جَاوَزْ عَالعُوصَات ذَنْبَهُمْ وَ امِي معَ بُويَا وْ خَاوْتِي ؤُ كَافَةْ آلْ رِيَّالْ
يُومْ انْ اتْكُونْ الجُثَّة امْقَبْلَة ** فِي اللَّحْدْ عَلَى الثَّرَاء وَ امْلاَكْ اسْوَالِي
صَلَّى الله عَلَى اشْفِيعْنَا وَ الرِّضَا عَالأنْصَارْ كَافَّة وَ اصْحَبٌه وَ الآلْ
صَلاَةْ امْدِيدَة ؤُ طَايْلَة ** مَطْيَبْهَا فِي اللِّسَانْ لَذَّةْ تَحْلاَلِي
تمت بفضلِ الله (محمد رِيَّالْ)
