[quote=ذياب رضا;32734][quote=ذياب رضا;32454][quote=ذياب رضا;32201]
السلام عليكم ورحمة الله وبركاته
جازية وذياب الهلالي
_بكري بكري تحكي جدتي ربيحة امية وتقول الشعر الشعبي كلامها موزون وظريف وخفيف .وكل معاني .كانت تقول نحكيلك قصة كلها معاني لا فهمت يعطيك العافية والعفو ولمفهمتش روح عين الفوارة اشرب سبع شربات وروح عين الدروج اغسل راسك سبع غسلات .
تقول كانت قبيلة يسموها بني هلال مشهورة بزاف عند العرب وخاصة في منطقة سطيف وماجورها واختلطو بقبيلة بني عامر (عامر الاحرار)تزاوجو من بعضهم البعض
وكان كلامهم الغاز ومعاني شعبية .فيهم شيخ القبيلة معروف عليه بالحكمة والدهاء متزوج بزوج نسا وحدة من بني عامر والثانية شاوية ناقصة فهامة .
واحد النهار صرات هوشة بين الشيخ والمراة الشاوية واسمها جازية .
الشيخ;;ويلي ويلي على الشاوية فارغة الراس لا فهامة ولا تدبار !???
جازية ;; واش حسبتو رواحكم غير نتوم لتعرفو انا في بلادي العلم والعلما واعين وطايرين.
الشيخ:هذي معلومة جديدة شوفي روحي اهلك وجبيلي هذي المعاني ستة (حلمناش _مرمناش_خفمناش_الحر في الحجر _ الحر في الشجر _الحرف الطاير)
تتبع القصة ان شاء الله بعدما ارى مشاركتكم وتجاوبكم او حل هذه الرموز.
اعضاء المنتدى يحبو يقراو برك .معليش نكمل القصة وربي ايساهل على كل مومن ومومنة .
اولا نعطي اصل المعاني
_حلمناش ما هو احلى شيء
_مرمناش معناه اي ماهو امر الشيء
_ خفمناش ما هو اخف الشيء
_الحر في الحجر اي ماهو الحجر المبارك
_ الحر في الشجر اي ماهي الشجرة المباركة
_الحرف الطاير اي ماهو الطير الحر .
وقيلة سهلت شوية.ارجو الاجابة من الاعضاء.
دمت اوفياء باش نكملو القصة .في خاطر حراير المنتدى نكملو القصة .عايدة سمراء بنت الرفاعة ارجو ان ينظم بعض الاعضاء .....شكرا.
_خملت جازية قشها وراحت عند الموليها في جبال الاوراس .مغبونة مهمومة .تهدر مع نفسها وتقول شكون يحل المعاني خاطر عمرها ما سمعت هذه الكلمات .وصلت بخير وعافية وخبرت اهلها ما حدث لها .شبعو عليها ضحك وسخرو منها بزاف .قالو سهلة مافيها والو ريحي واستارحي فرحت وبكات من الدهشة .وفي الليل عند السمر اعطولها الحل قالو لها ;
_حلمناش هو التمر
_مرمناش هو الدفلة
_خفمناش الريشة
_الحر في الحجر هو الزناد
_والحر في الشجر البقنون (نوع من انواع الاشجار)
_الحر الطاير هو جرادة ( الجراد)
في الصباح الباكر ناضت جازية بدون ما تبقي اهلها بخير خملت قشها وطارت بلا جنحين باش توصل بكري وتعاير رجلها وهي فرحانة وزاهية وفي الطريق تلقات مع ذياب الهلالي حسبتو بنها من الفرحة ولكن هو في الاصل ربيبها .سالها وقال;
ذياب الهلالي ;واش جابك هنا !!?.وين كنت !!?وين راحية ???
جازية ;كنت عند اهلي وراني مروحة لداري .(ابتسامة عريضة وطويلة )
وحكتلو واش صرا وحبت تعرف منو الصحيح من الخطا في ما يخص المعاني .
قلها راني سمعت بلي بابا قال كون ماتبيش الزوادة مليانة راكي مطلقة .وحسب زوادة تاع اهلك راهي فارغة .شي لقلوه كلو غالط والصح راهو عندي وباش تدي الصح عندي شرط واحد .ما تخبريش بابا بلي انا لعطيتلك الحل ولازم تقسمي امامي .
جبد المصحف من تحت البرونس .وقلها حطي يدك واقسم بالله بلي ما شفتك ما تلاغيتك .
حلفت وقسمت بلي اسمو لا تذكره على لسلنها لمدة اسبوع كامل .
احبائي الاعضاء ارجو منكم المشاركة وحل المعاني بحيث ان حسب ذياب شي لحلوه اهل جازية غالط وريحة تطلق بهذه الحلول .وقيلة نخلوها تطلق خير يالله عونوها .....
سبحان الله على هذا المنتدى واعضائه جازية رايحة تطلق .ماشي حرام عليكم .
لمزية ذياب رضا كاين .سنو صبحت جازية هجالة .
على بركت الله نكملو القصة .
قام ذياب الهلالي باعطاء حل المعاني على النحو التالي
_حلمناش هو لعب الاولادفوق الفراش
_مرمناش هو الرجال ترفد النعاش
_خفمناش هو البارود كي يخرج من لخباش
_الحر في الشجر هي النخلة تولد التمر
_الحر في الحجر هو الحجر الاسود بمكة
_ الحر في الطاير هو الطير الحر كي يتحكم ما يتخبطش
فهمت جازية بلي الحلول من عند اهلها غالطة وان ماجاء به ذياب الهلالي هو الصح جرت حمارها وراحت مسرعة الى بيتها وهي كلها فرح .
وصلت لدارها ودفرت الباب بقوة .
الشيخ ناض مفزوع وسمى باسم الله الرحمن الرحيم واعاذ من الشيطان الرجيم .
قال واش جنس ولا ونس .
قالت جازية ; مرتك العزيزة رجعت .وهي تضحك عليه من فزعه .
قال الشيخ ;واش الزوادة مليانة ولا فرغانة ,???
قالت جازية ; واش حسب اهلي بخالة .هم اهل الجود والكرم واخرج شوف الحمار .!!!!
قال الشيخ ; حمارة تهدر على حمار .جاور المصلح تصلح جاور المعطب تعطب !!!!.راني نقصد جبتي حل المعاني ,,???
قالت جازية ; انعم يا رجلي .ناس اهلي ما بخلو علية في حل المعاني وهي تتبختر في مشيتها .وتتغزل على رجلها واعطاتو حل المعاني .كما حكاها ذياب الهلالي .
دهش الشيخ وسالها .وقيلة تلقيتي بوليدنا ذياب الهلالي ,????نفت نفي قاطع بالتاقه وعلامات الارتكاب والخوف ارتسمت على وجهها .
تفطن الشيخ وهو مشهور عليه بالحنكة والذكاء .وقال لاحد خدامه ان يجلب له براح القبيلة فورا وبسرعة .
بعد برهة عاد الخادم ومعه براح القبيلة .
البراح .,;سلام على سيدنا وشيخنا .فرح ولا قرح ,????
الشيخ .; قرح بالبندير وزغاريد .روح ناس القبيلة ونادي فيهم وقول واق واق البل غزات وذياب مات !!!!!!
مكملش حديثو حتى صرخت جازية باعلى صوتها ولطمت وجها وبدات في النداب وتقول هذا وين كنت معاه كيفاه مات .????
يبسم الشيخ وضحك عليها .وقال كاين اللي جوابه في فمه وكاين جوابه كمه وكاين اللي جوابه عند امه .والكذب حرام في دينا .كل شييء يبرا يا هبرة وكلام العار ما يبرا .
ثما ندى الشيخ الخدام وطلب منهم ان يجيبو ذياب الهلالي حي ولا ميت .وامرهم بتحضير الغلابة وهي عبارة كومة كبيرة من الحطب ويتم اشعالها ورمي كل من يخرج عن قوانين القبيلة منها الكذب لانه في مصطلحهم عار .
ليجيب العار يرمى في النار .!!!!!!!
بعد برهة من الزمن اتى الخدام يجرون ذياب الهلالي من رجليه وهو يصيح .سال باباه واش عملت من عار باش ترميني في الغلابة .????
قال الشيخ .; حضرتها لمرتي لجلبت العار لداري .اقسمت انني نطلقها كون ماجيبش حل المعاني وانت نجيتها من الطلاق .ولان ما عليك غير تنجيها من الرمي في الغلابة .
لم ينتهي الشيخ من الكلام حتى تجمع اهل القبيلة كلهم لما شافو نار الغلابة .
تتبع القصة ان شاء الله
