بَرْقْ النُوْ
15-03-2016, 06:54 PM
يَا السَّاهِي شَمَّرْ لَلْجَدْ لاَ يْغُرَّكْ بَرْقْ النُوْ **** كُونْ تَمْدَحْ طَهَ المَكَّوِي **** بَدْرَكْ يَصْوَى
يَا الِلي بْزَهْوَكْ امْسَلِّي اسْلِيمْ يَكْفِيك مْنَ السَّهْوْ**** رُدْ بَالَكْ عَنْ كُلْ اسْهَاوِي **** وَ اتْرَكْ لَهْوَى
لاَ تْقَرَّبْ طْرِيق لاَ تْشُوفْ فِيهَا حُسْنْ الضُّوْ**** لاَ تْخَلَطْ مَنْ جَبْحُه خَاوِي **** قَلْبُه قَسْوَى
لاَ ايْغُرَّكْ زَهْوْ الدُّنْيَا وْ حِيْهَا تَبْقَى فِي اللَّهْوْ **** وِينْ حَاتَمْ وِينْ العَلْقَاوِي **** غِيرْ الكَنْوَا
وِينْ كًلْ امْوالْ الدُّهَاتْ وِينْ سَارُو قُومْ الطَّغْوْ**** لِيسْ يَبْقَى مَنْ غِيرْ القَاوِي **** مُولْ القُوَّة
لاَ تَظُنْ اقْبَالَكْ بَالهَزْلْ بِيهْ تَصْعَدْ فُوقْ الجُوْ**** كُلْ شِي فِي التَّقْوَى يَا رَاوِي **** سَرْ وْ نَجْوَى
صِيغْ لَعْلُومْ أهْلْ التَّحْقِيقْ كِيفْ احْتَكَاوْ اهْلْ النَّحْوْ**** كُلْ عَالَمْ يَعْطِيكْ افْتَاوِي**** مَنُّه تَرْوَى
لَلرَّحِيلْ اتْحَزَّمْ بَحْزَامْ مَا يَنْفَعَكْ حَسْ الرَّخْوْ**** دِيرْ لَعْضَاكْ طْبِيبْ ايْدَاوِي**** تَبْلَغْ عُلْوَة
لَلصَّلَاحْ يَقُصْدَكْ يُورِيكْ بَاشْ تَبْلَغْ نَهْجْ العَفْوْ**** بَاشْ يُغْدَى فَرْحَكْ امْتَاوِي**** لَعْضَاكْ دْوَى
أشْ تَقْضِي بَالفَعْلْ لاَّ ايْفِيدْ خُوذْ الفَاظْ النَّهْوْ**** لاَ يَسَّلْبَكْ مَتْحَدَثْ رَاوِي **** رِيقُه حَلْوَى
لاَ تْخَالَطْ لَقْلُوبْ ألاَّ اتْخَاشْعُوا تَمْثِيلْ القَسْوْ**** رُومْ نَاسْ الفَضْلْ وْ لَمْسَاوِي **** بِيهُمْ ارْتَوَى
شُوفْ أهْلْ الله الصُّلاَّحْ نَاسْ لَذْكَارْ أهْلْ التَّقْوْ**** لِيسْ فِيهُمْ نُكْتَة وَ اتْلاَوِي **** جَلْ القَسْوَة
إذَا جْعَلْتْ يَقِينَكْ فِي الله كُلْ شِي يَرجَعْلَكْ ضُوْ**** يَعُودْ بَدْرَكْ بَجْمالُو ضَاوِي **** عَنَّكْ عُلْوَة
دِيرْ طَهَ فِي اكْتافَكْ مَا اتْخَافْ مَنْ شَرْ اهْلْ البَلْوْ**** شَمْ عَطْرْ الطِّيبْ النَّبَاوِي **** زَهْرُو يَهْوَى
دِيرْ مَا تَحْتَاجْ الْحِسَابْ وْ لَعْقَابْ فِي يُومْ السَّهْوْ**** ذُوقْ خَمْرْ السَّرْ المَعْنَاوِي **** فِيهْ السَّلْوَة
دِيرْ تَكْلَكْ فِي الخلآَّقْ العَظِيمْ لِيسْ يَرْزَقَكْ مَرْوْ **** لَلْكَرِيمْ ارْفَعْ كُلْ اشْكَاوِي **** قَدْرَكْ يَسْوَى
إذَا اعْشَقْتِي عِينْ الهُدَى اشْفِيعْنَا أتْرَكْ اللَّغْوْ **** عَادْ فَرْحَكْ مَكْمُولْ امَتَاوِي **** غَرْسَكْ يَرْوَى
يَا الحَافَظْ هَاكْ اقْصِيدَة امْرُونْقَة مَاهِي لَلَّهْوْ **** صُولْ بِيهَا وَ افْخُرْ يَا رَاوِي **** تَرْكْ الدَّعْوَة
وَ السَّلاَمْ اهْدِيهْ لَلْأشْيَاخْ مَا اسْكَبْ عَبْرَاتْ النُّوْ **** عْلَى الحَافَظْ وَ اللِّي مَعْنَاوِي **** عَارَفْ لَهْوَى
وَ اسْمِي مَا يَخْفَا عَبْدْ العَزِيزْ مَنْ صِيلْ اهْلْ السَّخْوْ**** وَلْدْ طَهَ سِيفُه عَلْقَاوِي **** لِيهْ السَّطْوَة
يَا المُولَى تَغْفَرْ ذَنْبِي ابْحَقْ لَشْرَافْ اهْلْ التَّقْوْ **** لاَ اتْخَيَّبْ كُلْ مَنْ هُو نَاوِي **** جُودْ ابْتَقْوَة
يَا السَّاهِي شَمَّرْ لَلْجَدْ لاَ ايْغُرَّكْ بَرْقْ النُوْ**** كُونْ تَمْدَحْ طَهَ المَكَّاوِي **** بَدْرَكْ يَضْوَى
تمت بعون الله.. عبد العزيز الوزاني
من مواضيعي
0 يَا مالكي اعفو
0 تَبْكِي عَلَى ابْكَايَا
0 الحب رحمة
0 اللهُم صَلِّ علَى الحَبِيبْ
0 اللهُم صَلِّ علَى الحَبِيبْ
0 أهْ مَنْ غَدْرْ اللِّي حْسَبْتُه حْبِيبْ
0 تَبْكِي عَلَى ابْكَايَا
0 الحب رحمة
0 اللهُم صَلِّ علَى الحَبِيبْ
0 اللهُم صَلِّ علَى الحَبِيبْ
0 أهْ مَنْ غَدْرْ اللِّي حْسَبْتُه حْبِيبْ
التعديل الأخير تم بواسطة محمد سعيد ريال ; 26-04-2017 الساعة 10:57 PM
