تسجيل الدخول

السلام عليكم
والله ليكم وحشة
ارجوكم ساعدوني واعطوني مقاسات الكوفرولي والمخاد الكبار والمسند للشورى لي يركبو فيها وحدات الكروشي، طلباتو وحدة وانا خدمتو من قبل مي راحولي وراني حابة تعاونوني ولكن في اقرب وقت راهي حابة تركب الوحدات، وبمساعدتكم انشاء الله كي تكملو نصورولكم
تحياتي

الكوفرولي على حساب السرير اختي لكن سابحث لك عن المقاسات الستوندار

لقيتلك هذا هو كوفوفرلي ساتان مليع صاحبته حطت المقاسات

وشراكي حبيبتي
الف شكر علا اهتمامك لكن هاذا تاع غرزت السموك وانا نحوس كوفرولي تاع قماش الميتيس ويركبو فيه بياسات مصنوعين بالكروشي
زيدي كملي معروفك وحوسي

و عليكم السلام

عاش من شافك شوكولاطة....ههه
حبيبتي نحن لا يمكننا مساعدتك هكذا دون تفاصيل اخرى...
السرير لا نعرف ان كان تقليدي و لا مودرن....عندو هديك الحطبة من الامام ام لا عالى او واطي....؟؟؟
و ايضا كيف تريده صاحبته متدلي الى الارض ام الى المنتصف.....؟؟
المخاد كبار او صغار ؟؟المسند صوف و لا لاواط لانو الصوف يكون عريض و سميك اكثر؟؟؟؟
انا اقترح عليك ان تاتيك صاحبة الشورى بهده التفاصيل و بالنسبة للمخاد يستحسن تعمر مخايدها اولا ان كانت صوف او تشتري ان كانت واط و تقيس.....
انا هذا هو رايي و الله اعلم...

شغل الكروشي متحوف و متعب و خسارة انك تخيط دوني قياسات دقيقة فتكون النتيجة مخيبة

هههههه و شهد شاهد من أهله أنا أقدر حب بعض النسوة لصنعة الإيد و لكن البركة ما عاتش كاينة في الوقت و الصحة على قول جدة على هذا السوق أفضل و أشطر حل للمرأة خاصة كي حالي ما تتفاهمش مع الإبرة سواء كانت طبية أو خاصة بالأشغال اليدوية هههههههه

فكرتني في جداتي...ابي لما يغضب من جيل اليوم يسال والدته بربك قوليلي هذا جيل هدا...؟ تقولوا سمحلي يا ولدي انا هدا الجيل لي يعجبني....هههه
هذا كلو من الحيف و المزيرية و التعب....و لكن....جيل اليوم فنيان اتكالي راقد و يمونجي يكسب زوج سنتيم يصرفهم في في لا شي...صدقيني انا نفرح بشغل ايدي اكثر رغم اني شقيت و تعبت فيه و لا اجد تلك الحلاوة فيما اشتريه واجد..
عملت كول كروشي و الكريستال هيلول...اليوم اشريتلو قماش سقاملي 2100دج غاضتني عمري ماشي الدراهم و تمنيت لو اني كنت قادرة نصنع هذاك القماش....
شغل ايدي يرفع معنوياتي خليكي فاعل خير و شجعي بدل ما تخربي في عقلي

انا ثاني توحشتك يارحيل
دخلتيني في متاهة
نورمالمون الشومبرا عادية والمطرح عندو لوحة من القدام وماهوش كبير بزاف، عندي 5 ميترات قماش الميتيس خدمتو مرة وماعقلتش شحال عبرت القلبة نتاع الدرا باش تركب ليبياس والمسند نتاع لاوات والمخاد الكبار واقيلا درتهم 50 علا 50 نشاله وصلتلك الصورة انا نخاف بزاف المقص ونحب نتاكد من المقاسات مليح قبل الفصالة
انا نموت في خدمت اليدين وعشقي الكروشي

واخييييييييرا وجدته
في منتدى شقيق وجدت المقاسات
2.50 ال 3 متر للدرا، و80 للمسند وهاذا ماكنت ابحث عنه
لكن احب ارائكم ولازلت انتضرها