تسجيل الدخول تسجيل جديد

تسجيل الدخول

إدارة الموقع
منتديات الشروق أونلاين
إعلانات
منتديات الشروق أونلاين
تغريدات تويتر
  • ملف العضو
  • معلومات
محمد سعيد ريال
عضو فعال
  • تاريخ التسجيل : 06-03-2015
  • المشاركات : 211
  • معدل تقييم المستوى :

    10

  • محمد سعيد ريال is on a distinguished road
محمد سعيد ريال
عضو فعال
غِيثْنَا يَا خَيْر هَادِي
01-03-2017, 12:59 AM
يَا نُورْ اشْعَاعْ اثْمَادِي ** سَلَّكْنِي مَنْ شَرْ العْدَا وْ مَنْ كِيدْ الحْسُودْ
يَذْهَبْ حُزْنِي وَانْكَادِي ** يَشْرَقْ بَدْرِي وَ ايْبَانْ دَارْتُه فِي السّْعُودْ

غِيثْنَا يَا خَيْر هَادِي ** أنَا فِي ظَلْ احْمَاكْ يَا اهْمَامْ الوُجُودْ

يَا رْسُلْ الله الحْبِيبْ ** غِيثْ الِّي الغَرِيبْ
دُونَكْ مَا لِيهْ قْرِيبْ** أمْنُه مْنَ الخُوفْ
جَعْلَكْ عَلاَّمْ الغِيبْ ** لْكُلْ عَلَّة طْبِيبْ
تَشْفَعْ مَنْ هُو مُوذْنِيبْ ** طَالْ بِيهْ الدْنُوفْ
كَدَتْ لَعْذَارْ اتْشِيبْ ** مِنَ الهَمْ النّْشِيبْ
وَ ادْرَكْنِي وَقْتْ اصْعِيبْ ** زَادْ حَالِي اشْغُوفْ
هَلْ لِي نَظْفَرْ بَمْرَادِي ** ابْجَاهَكْ نَسْألْ خَالْقِي الرَّؤُوفْ الوَدُودْ
يَطْفِي نِرَانْ اكْبَادِي ** نَصْحَى مَنْ ذَالسّكْرَة وَاحْسَاسِي اتْعُودْ

غِيثْنَا يَا خَيْرِ هَادِي ** أنَا فِي ظَلْ احْمَاكْ يَا اهْمَامْ الوُجُودْ

يَا رْسُولْ الله العْفِيفْ ** غِيثْ الوْصِيفْ
عَبْدَكْ مَتْعُوبْ اكْلِيفْ ** حَلْ بِيهْ القَدَرْ
جَعْلَكْ لَكْرِيمْ اعْطِيفْ ** بِيكْ قُوَّةْ الضّْعِيفْ
بَالخِيرْ اتْكَافِي الضِّيفْ ** يَا اهْمَامْ البَشَّرْ
يَا رْسُولْ الله الشَّرِيفْ ** غِيثْ اللَّهِيفْ
مَنْ بِيهْ أمْرْ التَّشْغِيفْ ** وَ النّْكَدْ وَ السَّهَرْ
سَرْ الله الجُوَّادِي ** اوْدَعْ فِيكْ الجَبَّارْ يَا اوْثِيقْ العُهُودْ
انْتَ النَّبِي المُهْتَادِي ** يَا عِينْ الجُودْ شُوفْ لْضُعْفْ حَالِي وْجُودْ

غِيثْنَا يَا خَيْر هَادِي ** أنَا فِي ظَلْ احْمَاكْ يَا اهْمَامْ الوُجُودْ

يَا رْسُولْ لَكْرِيمْ ** دَاوِي السَّقِيمْ
عَبْدَكْ مَضْرُورْ اعْدِيمْ ** جُودْ لُه بَالعْلاَجْ
يَا رْسُولْ الله لَحْلِيمْ** بْجَاهَكْ العَظِيمْ
جَعْلَكْ نِعْمْ الكَرِيمْ ** مُفَاجِي الحْرَاجْ
السَمِيعْ العليم ** الرَّاؤُوفْ الرَّحِيمْ
اعْطَاكْ بْلاَ تُوهِيمْ ** حَقْ عُلْوْ الدْرَاجْ
كُونْ الله الأحَادِي ** أنَا دَخَلْتْ عْلِيكْ بالأصْحَابْ الأُسُودْ
أهْلْ النُّورْ الوَقَّادِي ** فَرَّجْ هَمْ اخْلاَقِي يَا اهْلَالْ الثّْمُودْ

غِيثْنَا يَا خَيْر هَادِي** أنَا فِي ظَلْ احْمَاكْ يَا اهْمَامْ الوُجُودْ

يَا رْسُولْ الله الشّْفِيقْ ** كُنْ لِيَ اٍرْفِيقْ
يُوسَاعْ عْلِيَا الذِّيقْ ** حَاجْتِي نَلْتَقَا
نَتْعَافَا مَنْ الحْرِيقْ ** وَ الصّْدَاعْ الزّْعِيقْ
نَظْفَرْ بَالتَّحْقِيقْ ** انْلُوحْ حَمْلْ الشَّقَا
مَهْمَا نَظْفَرْ بَصْدِيقْ ** بْضُعْفْ حَالِي ايْلِيقْ
مُولْ العَهْدْ الوَثِيقْ ** فِي العُلُو نَرْتْقَا
نَبْلَغْ عَزِّي وْ ارْشَادِي ** يَصْفَى قَلْبِي مَنْ بَعْدْ كَانْ بَالهَمْ سُودْ
تَنْحَلْ اقَفَالْ اقْيَادِي ** اسَتَحْرَمْتْ لسِيدِي بَحُرْمَةْ أهْلْ السّْجُودْ

غِيثْنَا يَا خَيْر هَادِي ** أنَا فِي ظَلْ احْمَاكْ يَا اهْمَامْ الوُجُودْ

أعْطِي يَا رْسُولْ الله ** لْقَاصْدَكْ مَا ابْغَاهْ
عَبْدَكْ وَ انتَ مُولاَهْ ** جُودْ بَالعَطْفْ لِيهْ
آ يَا عَظِيمْ الجَاهْ ** وَايَنْ مَا نَرْتْجَاهْ
وَاشْ كُنْ هُو مُولاَهْ** جَادْ بَالوَحْيْ لِيهْ
انْتَ نَاجِيُ اللهْ ** لِيكْ الوْفَا اعْطَاهْ
وَ انْتَ صَافِيُّ الله ** حَقْ وَ انْتَ انْبِيهْ
وَ انْتَ اشْفِيعْ العِبَادِي ** مَنْ اسْتَحْرَمْ بِيكْ مَا ايْخَافْ هَمْ النُّكُودْ
يَا سِيَّدْ كُلْ اسْيَادِي ** قَهْرَتْنِي الغُرْبَة وألضّْنَى وْ ضُعْفْ البْدُودْ

غِيثْنَا يَا خَيْر هَادِي ** أنَا فِي ظَلْ احْمَاكْ يَا اهْمَامْ الوُجُودْ

تَمَّتْ القَصِيدَة –الشِّيخْ –قَدُّور العلَمِي-
التعديل الأخير تم بواسطة محمد سعيد ريال ; 01-03-2017 الساعة 01:02 AM
  • ملف العضو
  • معلومات
الصورة الرمزية دائمة الذكر
دائمة الذكر
مشرفة سابقة
  • تاريخ التسجيل : 29-03-2009
  • الدولة : الجزائر
  • المشاركات : 43,268

  • زسام التحرير 

  • معدل تقييم المستوى :

    61

  • دائمة الذكر is a jewel in the roughدائمة الذكر is a jewel in the roughدائمة الذكر is a jewel in the rough
الصورة الرمزية دائمة الذكر
دائمة الذكر
مشرفة سابقة
مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


الساعة الآن 12:08 PM.
Powered by vBulletin
قوانين المنتدى