نحكيليك يا بنتي اول حكاية .....( الدخان يخرج من دارك صَاڤْ صَاڤْ )
18-06-2015, 08:41 PM

السلام عليكم
صح رمضانكم... و صح فطوركم و كل عام و انتم بالف خير
بسم الله نبدا الكلام ... و الصلاة و السلام على سيدنا محمد خير الأنام
اليوم غادي نحكيلكم قصة القايد سي البشير مع الراعي عمي دحمان
قالك في وحد الزمان كان قايد غني و عندو المال و الجاه يسموه سي البشير ... وحد النهار اقعد يحوس على راعي امين و ولد حلال باه يصرحلو بالغنم و الابقار ... الله يبارك ماشاء الله تبارك الرحمن عندو الخيرات... نعتولو الناس على وحد الراعي اسمو عمي دحمان ... امين و عاقل و ڤْليل
القايد سي البشير راح عندو و اطلب باه يجي للفريمة نتاعو و راح يمدلو بيت هو و العايلة
و راح يمدلو شهرية مليحة .... عمي دحمان عجبو العرض ... و قالو من غدوة نجيب المْرا و الذْراري
و من الفجر كان عمي دحمان مع العايلة نتاعو في الفِيرمة نتاع سي البشير
اداه الخديم للبيت نتاعو... حط قشو و عجبو الڤُرْبي ... من بعد جَا عندو سي البشير و فهمو على الخدمة و قالو لازم تنوض بكري و تدي الزْوايْل تَفْلا ... المهم يا خاوتي الصباح من ذاك كي ناض القايد سي البشير
صاب المواشي و الابقار في الكَوْرِي ... اتخلع ؟؟؟ و قال : واش هذا وين راه الراعي ؟؟؟ و راح للڤربي و الشر يتطاير من عينيه و كي ادخل للڤربي ما لقاش عمي دحمان !!!! اووووف وين راح الراعي ؟؟؟
اركب في العَوْد و اقعد يحوس عليه ... حتى ألقاه ... راح عندو و قالوا: واش هذا يا راعي علاه رحت من الفِيرْمة ؟؟؟
قالو عمي دحمان : البارح في الليل كي اخرجت برا شفت الدخان يخرج من المدخنة نتاع دارك .. صَاڤْ صَاڤْ ..( . يعي بشكل ساق ) و المفروض الدخان يخرج كثيف... و هذا يدل انك إنسان مُشْرَارْ و بْخِيلْ ... و انا مستحييييل نعيش عندك ... نستحمل كل شيئ الا البخل ...
سبحان الله حلل الراعي شخصية سي البشير من دخان بيته ؟؟؟
من مواضيعي
0 حمار ميت امام المسجد ؟؟؟؟؟!!!؟!؟؟؟
0 انت تعيش حياة اكثر بذخا من حياة كسرى و إمبراطور فارس ،،،،،،،،
0 هكذا كانت الحياة قبل الانترنيــــــــــت ،،،،،
0 تجاربكم يا ال الشروق في الشفاء من فيروس كورونا ، من يدري قد يكون العلاج بيننا
0 في رأيك ،،، لماذا عبرت الدجــــــــــــاجة الطريق ؟؟؟؟؟
0 دونالد ترامب يحقق فوزا ساحقا في 5 ولايات ،،،،
0 انت تعيش حياة اكثر بذخا من حياة كسرى و إمبراطور فارس ،،،،،،،،
0 هكذا كانت الحياة قبل الانترنيــــــــــت ،،،،،
0 تجاربكم يا ال الشروق في الشفاء من فيروس كورونا ، من يدري قد يكون العلاج بيننا
0 في رأيك ،،، لماذا عبرت الدجــــــــــــاجة الطريق ؟؟؟؟؟
0 دونالد ترامب يحقق فوزا ساحقا في 5 ولايات ،،،،
التعديل الأخير تم بواسطة دائمة الذكر ; 18-06-2015 الساعة 08:46 PM