تسجيل الدخول

يا فاعل الخير، وعد تلقـــاه ......يوم لحساب بالعين تشوفو
ويا فاعل الشر بلاك تنساه ......بلسان لحياة تقرا حروفـــو
الشر بالشر، شر مثنـــــاه ......والخير بالخير تترص صفوفو

بقلمي

والايمان بالله نور يعلاه ....يوم القيامة بيه تعرفو
لا جاه ولامال يدوم لمولاه....غير الصّحة بالدعا يرفع كفوفو
وهاذ العوم ماني موالفاه....غير التّيار يجبدني مجدافو
نطلب من الله العالي في سماه....يرفع شان كاتب حروفو

العاقل يشكر الي خلقو او رباه.......او عمرو ما يطغى با كتافو
في الخير و الضيق يحمد الله......يحذر من الشيطان و ازعافو
يرضى بالمكتوب ما يقول و اعلاه......من غير الله ما كان شي اخافو
هذا هو المومن قولو لي و ين راه.....من اهل الجنة باينة اوصافو
ما شي كل من يسب يماه او باباه.......و بدراهم الحرام على الكعبة طافو
اعوذ بالله من المنافق ما كلاه.......ما نحب عشرتو و لا معروفو
يا رب قلبي مريض و انت دواه......النبي حبيبنا عز من شافو


بقلمي

ياسامع القول ،هاذالنّظم محلاه....وفي بحور الشّعر أجمعت صدافو
كلام الخير على الخير زكّاه..........وقلامنا في الحقّ صارت سيوفو
ياغافل اسمع النّصح وعلاه..........سلّمت للشّيطان وقبلت بأعرافو
لحلال بيّن ولحرام مكواه.............بلاك يهفّك بهفوفو
هذا قولي،وعندي طلبة لمول الجاه......يغفرلي ومن الكوثر نغرف مغرافو
وفي الجنّة نلقى لحباب وآآآآآآآه...........ونقطف من كل ثمرة قطوفو

ويا حاسد الناس ما تترجاه؟!...قسَّام لرزاق لازم تخافو
يعطيك مالخير ما تتمناه...حالك الصعيب يصير لخلافو
والقناعة كنز مغطي بغطاه...الفرح تذوقو بكل صنافو
بالكرم والجود تتقرب لله...يا سعد البيت يضيق بضيافو

ياسلااااااااااااااااااااااام

أبدعتم يا فطاااحل
واصلوااا و أمتعونا
بوركتم و لا هنتم

واللي فات قديموتاه ..... عايش وحداني بلا وليفو
والحارث في غيرارضه مغباه .... حسب حساب ومنو شاطلوصرفو
ولمكسي بكسا الناس ماعراه .... . ولوكان يلفوه بحريرهم وصوفو
والداق على ببان الغيريامخسرمسعاه ..... من غيرالله يندل ويطيح نيفو
وكل طيريلغابلغاه...... لعذب منو في القلب يرفرف هتافو
احرص على الموت وجري وراه ..... تصيب مال قارون بصح عندك تسرف اسرافو

ذكرني بقول مأثور للشيخ المجدوب

يا زاارع الخير حبة
يا زراع الشر ياسر
مولا الخير ينبا
ومولا الشر خاسر