تسجيل الدخول

أسعد الله اوقاتكم بكل خير

احبائى اعضاء منتدى النكت

هذا الموضوع اقدمه لكل اعضاء المنتدى وهو امتحان اللغه الأردنيه



بسم الله نبدأ :-







امتحان اللغة الأردنية


مرحبا يا مجانين (عفوا)


جبتلكم امتحان اللغة الأردنية (طبعا ملطوش من منتدى مصري)
ويللي بيحللو من غير غش و بجدارة الو عندي .................................اني احطلو علامة كامله


يللا خلينا انبلش..
بس اول شي احكوا بسم الله و اقرؤو دعاء الامتحان و ما تخافوا انشالله بيكون سهل

احم احم..

س1: اختر رمز الإجابة الصحيحة


(1) سلامتك من الـهسهس تقال:
أ) لواحد قرصتو هسهسة (ب) لواحد أهبل(جـ) لواحد عصبي د) لواحد بخاف من الهسهس

(2) اطلع من بين:
(أ) الطلاب (ب) الطابور (جـ) الخبييزة (د)النعنع

(4) إلك ولا لـ
(أ) الذيب (ب) صاحبك (جـ) العقرب (د) ولا اشي مما ذكر


(5)شو في ما في ..الجواب الها هوه:
(أ) ما في شي (ب) كل شي (جـ) صافية وافية (د) أي شي
-----------------------------------------------------------------------------------------------------

س2: أكمل الفراغ ( الباب, راسي, الكراسي ,ظبرطعة, النور)
(1)على راسي .................
(2) شايف هالبنت؟ والله انها.................
(3) اطلع من ................. و سكر ................ وراك
(4)بعرظ .................
--------------------------------------------------------------------------------------------------------

س3: عرف كل من ما يلي
الخاروف الفايع العتعيت الرخيص المشعوط الشنكوتي العرّيط الطنط هزيز الذنب الطربش

س4: ما الوصف ( الحالة النفسية ) التي تدل عليها كل من المصطلحات التالية

خف عقلي , شايف الديك أرنب,طفران,معجوق,قرفان حالي , متدعدر ,فاقعة معي , متكندر, مش طايق جلدة وجهي)
----------------------------------------------------------------------
س5: بكلمتين فقط بين (كيف بتعرف الكذبة ) مع إعطاء مثال.

----------------------------------------------------------------------------------------------------------
س6 فرق بين كل من ما يلي من حيث المبدأ و الاستخدام
(أ)الحُصة, الجماعة, الخسة
(ب) وضعك حريقه, وضعك ( Fire )
(ج( ولا إشي, بس بلاش
(د) بـ حيات شرفك, بـ حيات عرضك
----------------------------------------------------------------------

س7 من خلال مشيتك في الشوارع
(‌ أ) من هم الدواوين ؟
(ب) اذكر 2 ديونجيه من حارتكم و 2 من الحارات اللي جنب حارتكم؟
(جـ) من الفرع (ب) مين اكثر واحد ديونجي من المذكورين مع ذكرالأسباب؟ (خذ بعين الاعتبار مد الشفايف والتشبير و العرط)
(د) هل تعتبر نفسك ديونجي ( نعم \ لا )، و لماذا؟ ( ملاحظة: مادح نفسه كذاب)
(هـ) إذا أجبت عن (د) بالنفي إذا أنت من الطنطات ( نعم \ لا)؟ (كمان مرة..مادح نفسو كذاب)


ان شاء الله تكونو عرفتو تجاوبوا إشي
قصدي تكونو فهمتوا إشي




بالنسبة الى...انا راسب


حكينا انو ملطوش



تحياتى



نعمان25