هل هذا منطقي في حق الجامعيين ؟؟؟؟
17-01-2011, 10:02 PM

بدون إطالة، في أقرب وقت ، دون تراجع، الوقت مناسب ، مللنا الحڤرة ، من يعلو على اخيه بدرجة لا يراه، نحب الجزائر لكن الجزائر لا تحبنا، ولدت في حبيبتي الجزائر وليتنى لم أولد فيها، من يمس الجزائر بكلمة نقطعوا، صبرنا كثيرا متى يفهمنا من على الكراسي يتأرجحون و يأمرون ، ياكلني الحوت في البحر ولا أموت شرا في الجزائر، يا خويا اصبر إن الله مع الصابرين، بلاد الله غالب مافيهاش صبر سيدنا أيوب ، الشعب هو الجيش و الجيش يأكل في الشعب، ندخل كاسكيطا نحارب و ندافع على بلادي ، يلزملك رشوة أو معريفة باش تدخل تحارب و تدافع على بلادك ، سمعت بأن الجامعيين البطالين لهم منحة من بترول ارضهم ، علاش تصدق واش ينقال في الجرنال ، آه على المنتخب الجزائري ، والله كان ابرة منومة للشعب ، واااش تستنى اذا تنجم تشري فريق يلهي الشعب اشريه ، زدنا في منحة الاستاذة ، والله ما يفرحو فيها ، زيد للخبر أقطع لحليب طلع في سومة السكر و الزيت ، الزوالي وين بلاصتوا بينكم ، حبيت ندير مشروع ، عندك رشوة تدي قرض ، حبيت سكنة مرتي ماتتفاهمش مع الوالدة و الضق في بيتنا ، انا المير و انا لي نمدلك سكنة بصح ماشي الآن الوالي يوصي لافامي توصي مول الرشوة أولى ، استنى يا وليدي وانت علاش تزوجت أصلا ، زيد عام في السيام التلاميذ كثروا في الليسي ، نظام LMD لازم تنجحوح بأي طريقة ، طلع طلع ، كملوا مع الماجستير ، دخلت عليها الماستير ، حبس حبس ، الطلبة في 3 سنين عندها ليسانس ، قواو البطالين ، كيفاش نديروا ، كور و أعطي لعور ، الناس هنا وين يجي الريح يديها، و بعد الاجتماع قرر ارجاع النظام القديم ، الناس خصهم النت في الدار حتى تتثقف من كل النواحي، هبط في السعر نخرجوا الخاص فاييت و نربحو الناس بالجملة ، نجحت الخطة ، عاود طلع في السعر ، زيد طلع و قول سيستام جديد خفيف ، راني راكب في الترولي كاتب 14 دج و يخلص 15 دج ، 1 دج والله مانسمح فيها ، امنع المسيرات السلمية ، احكم شكون يأمر بيها ، مكاش حل لازم الفوضى باش الرئيس يفهمنا ، نحبوا الرئيس لكن لي مع الرئيس لا يوصلون امانة حبنا له ، انا لي درت المير و المير هو لي يدير فيا ، امنع مشروع الطاقة الشمسية ، و سونطراك دخلها منين ، عندنا لغيام المشروع ما ينفع ، صدر الغاز لاسرائيل عفوا مصر ، الجزائر غينة واش تدير بالشيفون ، صح غنية ، دخل الصيني اخطيك من الأصلي ، انا 8000 دج ماتكفينيش في الشهر ، جيب شابة هايمة تحوس على خدمة تقبل بيها ، المهم تخرج من الدار، الشباب رجع يشرط ،..... ايه واش نقول واش نخلي

كل هذا يعتبر كلمة واحدة بالنسبة لقلوب الشباب الجزائريين ....

انا شخصيا ذهبت حتى اقوم بامتحان في جامعة تلمسان ، الرقم في ورقة الاستدعاء 426 الرقم على الطاولة 424 ، نفس الاسم ،لا رقابة للشخص القائم بالامتحان و الاسم المكتوب على الطاولة ، لم يمر مراقب ابدا ، و كاننا بدون مراقب داخل الامتحان ، سارعوا في جني 300 دج حقوق التسجيل ، كمل مع جدهم ، حطلهم موضوع في الثقافة يحكي انضمام الجزائر للمنظمة العالمية للتجارة ، لي مايحكيش على السكر و الزيت ، خاطيه الثقافة ، هات موضوع اختياري ، اخترت القانون التجاري ، متي تمسك الاوراق التجارية و القاشي واش يدير بيها ؟؟؟؟ ، خلينا منو ؟؟ ، راج جا الصح ، ديرلهم موضوع في الفرنسية و الانجليزية ، خليهم يعبرونا كيفاش راهم عايشين في البطالة ، اكيد راهم مستمتعين ،....؟

تحيا الجزائر
فاشهدوا ...فشهدوا ..فشهدوا
مواضيع العضو مشاركات العضو
من مواضيعي 0 فيديو جديد حول التقشف
0 ابداع : نسخة كرتونية و فيلمية
0 هل يعتبر هذا الفلم عنوان لتاريخ مزيف
0 فلم قصير برســـالة قوية
0 حمزة المريض يطلب يد المساعدة
0 حمزة المريض يطلب يد المساعدة