تسجيل الدخول

جابلي بني نور cdانتاع el cauchemar.
سمعت وانا معمر غش ودمار.
انا مسعود شادين طريق حاسي مسعود.
راك عبرت ياسر.
باين عليك عبيتها *4gega*لوبيا بالكرعين.
خلطتها وجلطتها..الكل اضربت اسود في اسود.
الشبان هاربين....
العجائز قاعدين...
يصبروا ارواحهم بالقهوة والنسيم.
بالنعناع...بالحار والزنجبيل.هذوا يتفرجوا ماتش انتاع اليه.
وهم ديما هنا...
وذوك يتفرجوا في مسلسل غزة الدم.
بعدما بوش لبغداد ردم.
والفايقين يتبعوا في تنصيب باراك اوباما.
يستناوا منه بركة البيت الابيض.
اقتصاد مخلط امجلط...شالا بالا.
الشعب حال فم...مبوه..مافاهم فيها والو.
يحوس على الدراهم...في جيب مقطع سروالو.
لعبتها يا لطفي بشوية فهامة.
راك مافاهم فيها والو.
رانا كرهنا من الكوستا*constat*.
نحب تشريح لهذه الازمة.
فيها الف والف مشكلة مخبلة.
يا لطفي يا خويا...بدوبل كانو.
راك تخدر في الصغير والكبير.
بارودك فشفاشى...
.il soulage un peu ...mais il ne guerri pas
انا نور 4 فار..
انحب معاك نشرحوا هذه الازمة...
كبة مخبلة فيها الف والف مشكلة.
انحبوا حلول...ونعود كالبني ادمين.
عندنا راس وعينيين....
عندنا يدين ورجليين...
عندنا راس لازم يفكر...
عندنا يدين لازم تعمل.
يا لطفي يالطيف من el cauchemardديالك.
انا وانت ...دخلنا فى l engrenage du systeme.
وصرنا متخلفون...اعرجون...اعمشون.
ما تبقى فينا الا الفم يتكلمون...يثرثرون.
فينا فم ياكل ...فينا فم يعبر...
ننتج الهدرة...وناكل كيف البقرة.
ننتج الشعر...زيقواتنا طرطقو من الفضلات ديالنا.
هيا يالطفي نكسر هذا الراس الحابس.
انت تضرب بدوبل كانو.
وانا نعمى با4 فار.
الفار ديالي نيميريك..
ايدير بالياج فى 3d
يمسح الراس الحابس ويفلاشيه بالفكر hard
ويعدل اليدين والرجلين بsysteme soft.
علاه راك حامل وتائه بdouble canon.
شعل 4 فارmulti systeme laser optique.
يا لطفى دوبل كانو...
انا خوك نور 4 فار.
يخي تعرف بلى البرق الاول وبعد يجي الرعد.
هياوا حبسوا عنا دوبل كانو...
وشعلوا ضواوكم.
ياك بنادم هو ليفكر....
ويخدم ويعمر...
وهكذا يسير فى التطور.