تسجيل الدخول

******************طاح الغيم ********************

طاح لغيم ولنكاد شواري تحوحات*** كتفكر القلب هز عرافي بشواقو
طاف خيال ابي حمد بلحتحات *** ليصد ملدنيا خلاني عزو مشتاقو
مزن مركب برقو يلهب فيلذات*** حتلخد ابياض راه ظاهر تزياقو
حال لقيض علوجه عاطي لنعات*** حزن يلهب منو نواظري اضياقو
نتفكر وقت عقب ويفوتني تنهات*** نحس تحت الجواجي قلبي تفلاقو
نقول حصراه علابي فيلوقت ليفات*** مليكنت يشير قداه نسلذ عناقو
ياحصراه كينبكي ينشفلي الدمعات*** ويقول وليدي انا لي دناقو
ياحصراه مليكان يفاجيلي بحكايات***ويوصيني علاحب ادنيا وتطلاقو
كلمة ياحصراه علقلب نعت ادقات*** ونقول بلشفة كاسحة في تخراقو
ولالقاط فيلكبدة ينترفيها بلضلفات*** ولاموس قاطع يذعر في تطراقو
وحشو قاهرني راه يكوي فيلذات*** كنتفكر يهشمني ماطقت علافراقو
فيجوفي نار قشقاشها ميلضلعات*** سيف مهند علومية نحس ترشاقو
نبكي بكي لحنين علازين الهدات*** وعلاطير العلاقة زايد قلبي تشهاقو
شوق يهضع حزن يبور البسمات*** يامضنوني بعدبي ذاحالي ماطاقو
قحطت اشجرة لسنين بثمرة عطات *** جنان يبس ردا وتحتت اوراقو
نتفكر ايام بكري فينمر الخصلات*** لفعل الخير فيعادتو ديما سباقو
راجل ميجود منطبعو الضيفات *** خلق كبير منبهزاتو راهم ذاقو
يصرش للمحتاج مايبخلش هيهات*** والخير ليكاين مايرضا بتدراقو
يواسي حاضر فيجميع النوبات *** جاهر حبو ليناس بدموع رماقو
حبلجار فينفسو ملكو ميلصفات *** مايخرج العيب هيهات في تنطاقو
زين المنطق يبريك بعتيق الكلمات*** تهدا في لخاطر وتسحلا تمطاقو
مايشتي المعفون ليعيشو ملفضلات*** ويزهى بغير ولادو كي يحذاقو
راح ملدنيا مانخس يوم علصلاة*** ماقصر في فرايض حت اجلو ساقو
انت صديت يابي وجاورت لموات *** وانا منبعدك لاحباب راهم عني تاقو
ضاري نصبحك وتعاونني بدعوات*** وكينولي ليدار فيمجمع لعيال نتلاقو
علاغفلة صديت والكبدة تكوات*** مانيداري الحبيب راني نشوف افهاقو
وناحالتي كل ليلة بلدمعة نبات*** حت ميليام منبعدك سامطين امراقو
سكنت للحاد مقاط وحجرات *** متوقي التراب واهحت الحيوط اضياقو
نبقيك علاخير فيذينوبة ليجات*** وقدوى فيحوض الماجد لابدلينا نتلاقو
الله يرحمك بجاه اهل التقات*** وبجاه سيدنا الامين جملة برفاقو
وبجاه ذي الامة ليعليه صلات*** صلى الله عليه قد الصحاري ونياقو
ذيلكلمة هادفة فيلخاطر جات*** وبوبكر علاخال امو ترجم اشواقو
الله يرحم جميع اللي مات*** ومطر الرحمة ربي يلوح ادفاقو‏

هدية مني لكل اعضاء المنتدى ..مع انها غير مناسبة للعام الجديد...
عام سعيد كل عام وانتم بالف خير انشاءالله...وهذا بعد تراجعي عن قراري
بالحاح من جهات ربي يحفظها.....وشكرا

الله يبارك أيها الإدريسي
لا حرمنا الله من طلاتك
مبدع كعادتك

كان رجلا عظيما بحسب الصفات التي ذكرتها

رحمه الله و أسكنه فسيح جنانه و أسكنه مع الحبيب في رياض جنانه

و ألهمك الصبر و السلوان

كلام رائع و رثاء يلمس اشجان القلب

جزيت خيرا و نفع بك غيرا

غلبتني دموعي لم أستطع إكمالها
ذكرتني في الغالي رحمة الله عليه

يبارك فيك اختي صوفيا...وربي لايحرمنا كذلك من روائعكم انشاءالله...شكرا

رحمة الله عليه يااشراق ..حتى البكاء جميل يريح النفس...ربي يسكنو جنة الرضوان انشاءالله...شكرا اشراق

نعم اخي منير كان قمة في الجود والكرم..رحمة الله عليه...والله يجازيك الخير انشاءالله
هو في حقيقة خال والدتي

بارك الله فيك أخي
الله يرحم موتى المسلمين جميعا

امين يارب ..اطلب منك السماح ماكان بودي فتح الجراح
ولكن كانت الغاية هي الترحم فقط..على كل بارك الله فيك

السماح أخي أنت لم تفتح الجرح لأنه مفتوح أصلا
ربي يطول في عمر الوالدين الكريمين