مطلوع الغرب الجزائري

[أمل الرّبيع]

السّلام عليكم ورحمة الله وبركاته

نبقى دائما في الأكلات التقليدية

وكلنّا لايستغني عن الخبز ،وخاصة خبز الدّار

والمطلوع فيه أنواع كثيرة وهذا نوع من أنواع مطلوع الغرب الجزائري

وتشتهر به مدينة ما (...........):5::5:

للّي عرفها من نصيبو خبزة سخونة



المقادير :

يعني صراحة أنا عيني ميزاني

خذي 2كيلو فرينة أنا نستعمل سفينة سوبار ورطل سميد رقيق يعني الدّقيق واذا كان عندك دقيق القمح أحسن

4ملاعق صغار خمارة الخبز واذا كانت عندك الخميرة الطّبيعية عملي حفنة

ملح حسب الّذوق

أنا طريقتي أضع الماء الدّافئ أولاّ ونذوّب فيه الملح ونضيف الخماّرة والفرينة والدقيق نخلّط جيّدا ونخليّه يتشرّب ويرتاح مدة15د

من بعد نشمخ يديّ بالماء وندلكو شوية 5د ونخلّيه يرتاح 10د من بعد نطّلقو يعني ندلك بشوي ونضيف الماء ونلطخو مليح ونخليه يشرب الماء ونعاود نفس الطّريقة للمرّة الثانية

لازم يكون مرخوف بزّاف ونخليوه يخمر ...ومين يطلع مليح نقطعوه خبيزات صغار نوضعوهم في الدقيق ونخليوهم يخمروا ثاني 15د نسخنوا الفرن مليح وطواجن وهو يطيب على ثلاث مراحل أولا نضع الخبزة في الطّجين سخون على (التريبي)وبمجرد ماتشد روحها ندخهلوها للكوشة سخونة ونارها تكون قوية ...باه الخبزة نتاعنا نتجي خفيفة وبها فراغات من الداخل ..ومن بعد نطلعوها الفوق باه تتحمرّ ...وأنا نخدم باثنين طواجن وبسرعة نكمل لخبيز ......

فهمتي أم خير الدّين ؟؟؟؟؟؟؟
http://i43.tinypic.com/ne99xi.jpg

http://i42.tinypic.com/fx7975.jpg

http://i42.tinypic.com/2ag6uds.jpg

http://i41.tinypic.com/1y8oyr.jpg

http://i44.tinypic.com/30212f5.jpg

http://i40.tinypic.com/35b870i.jpg

http://i43.tinypic.com/3005je8.jpg

http://i43.tinypic.com/ettc3m.jpg

http://i43.tinypic.com/344wr43.jpg

http://i44.tinypic.com/33tpmhy.jpg


أتمنّى أن تكنّ قد فهمتّن الطّريقة الموضّحة بالصّور .

والى القديم المميّز

تحيّاتي

[ام البنات]

الله يعطيك الصحة هذا مطلوع و عليه الكلام.

[أم زيد]

بارك الله فيك
يعطيك الصحة أمل الربيع
مطلوع هايل يشهي ويظهر أنه لذيذ جدا
العلامة20 على20
.................................
مطلوعنا في الشرق الجزائري يختلف عن هذا
سأورد كيفيته ذات يوم إن شاء الله
أكتبي لنا المقادير من فضلك
متقوليش عيني ميزاني.
أتكهن و أقول المدينة هي سيدي بلعباس
أتمنى أن تكون الإجابة صحيحة حتى أظفر بخبزة.

[رحيل]

السلام عليكم و رحمة الله وبركاته

ما شاء الله اختي على هذا المطلوع...
ليتك تقدمين لنا المقادير بالضبط...
انا مشكلتي في طريقة وضعه في الطاجين...
لان العجينة تكون خفيفة و يتخرب شكلها...
اظن انه مطلوع تلمساني...و الله اعلم

[دائمة الذكر]

http://n4hr.org/up/uploads/n4hr_12935479772.jpg



جبتيها يا رحيل

هذا مطلوع تلمساني

انا نخدم المطلوع بصح نطيبو في طاجين نتاع الطين

مشكورة حبيبتي امال:16:

[أمل الرّبيع]

الله يعطيك الصحة هذا مطلوع و عليه الكلام.

الله يبارك فيك أم البنات

ربّي يحفضلك بنيّتك

سعدت بردّك

[أمل الرّبيع]

بارك الله فيك
يعطيك الصحة أمل الربيع
مطلوع هايل يشهي ويظهر أنه لذيذ جدا
العلامة20 على20
.................................
مطلوعنا في الشرق الجزائري يختلف عن هذا
سأورد كيفيته ذات يوم إن شاء الله
أكتبي لنا المقادير من فضلك
متقوليش عيني ميزاني.
أتكهن و أقول المدينة هي سيدي بلعباس
أتمنى أن تكون الإجابة صحيحة حتى أظفر بخبزة.



شكرا حبيبتي أم زيد ،فعلا هو خفيف ولذيذ

فعلا عيني ميزاني لكن لأجل عيونك سأحدّد المقياس

بارك الله فيك وخبز الشّرق كليتو وهو تاني لذيذ وروعة

أنتظر تحيطّي الطّريقة مع الصّور

تحياتي أم زيد لا ماشي خبز بلعباس

[أمل الرّبيع]

السلام عليكم و رحمة الله وبركاته

ما شاء الله اختي على هذا المطلوع...
ليتك تقدمين لنا المقادير بالضبط...
انا مشكلتي في طريقة وضعه في الطاجين...
لان العجينة تكون خفيفة و يتخرب شكلها...
اظن انه مطلوع تلمساني...و الله اعلم

أهلا بك رحيل في مواضيعي (وين وصلتي مع النّباتات نتاعك )

سأحطّ المقادير ان شاء الله ،فعلا طريقة وضعه في الطّاجين هي أصعب مرحلة

ان شاء الله نحطلّك الطّريقة فيديو

موفقة غاليتي
لاّ ماشي تلمسان زيدو هبطوا شويّة؟؟؟؟؟؟

[أمل الرّبيع]

http://n4hr.org/up/uploads/n4hr_12935479772.jpg



جبتيها يا رحيل

هذا مطلوع تلمساني

انا نخدم المطلوع بصح نطيبو في طاجين نتاع الطين

مشكورة حبيبتي امال:16:

لا لا ماشي تلمسان

بصّح خبزهم تاني مليح

بوه عليّ الجزائر طويلة وعريضة متكملش عند تلمسان فقط ؟؟؟؟؟

تحيّاتي دائمة الذّكر

[amina 84]

الخبزة هشيشة وباينة لذيذة جداااااااااااا
اريد الوصفة رجاءا
وشكرا

[ريحانة13]

ممممممممممم هذا الخبز تاع مغنية علاحساب مارانيش نشوف
جاك هايل يعطيك الصحة ممكن تعطينا الوصفة بارك الله فيك

[algerie dz]

مشكوووووووووووووووور

[أم خير الدين 46]

يعطيك الصحة أختي امل الربيع ..الله يكثر من امتالك ..تقبلي مروري

[salam08]

السلام عليكم

ماشاء الله ....مطلوع و عليه الكلام ....يبدو لذيذ و خفيف بورك فيك سيدتي أمل الربيع ...

لا أعرف اين مطقة ساقول عين تموشنت :19:

[أم خير الدين 46]

السلام عليكم

ماشاء الله ....مطلوع و عليه الكلام ....يبدو لذيذ و خفيف بورك فيك سيدتي أمل الربيع ...

لا أعرف اين مطقة ساقول عين تموشنت :19:

أواااه ما شكيتش في تموشنت وخاصة اني مانقدرش نعمل كيفه و من مستحيلات السبع بصح نقدر نجربه أذا اعطاتنا المقادير ..ولكن هذا لا يعني ان تموشنتيات ما يعرفوش .. كل بنات بلادي فحلات وكل اصبع بصنعة خمسة وخموس عليهم
على حساب ماراني نشوف هذاالمطلوع يا من غزوات ولا مغنية

[ام رائد]

ام ام ام مطلوع شهي يا اخت امل

امي اطلعت على مطلوعك وقالتلي هادو هوما النساء لاه زي ناس(مقهورة من كنتها)

يبدو خفيفا وشهي نرجو منك وضع المقادير لاننا في الشرق نختلف عنكم تماما في صنع

المطلوع

اظنه من مستغانم

[زهرة أستر]

على حساب ماراني نشوف هذاالمطلوع يا من غزوات ولا مغنية



مطلوع مغنية اكيد لأن شكله و العجين ديالو يشبه تاع لخفاف لكن إذا يعملو مثله في مدينة أخرى الله أعلم

[أمل الرّبيع]

الخبزة هشيشة وباينة لذيذة جداااااااااااا
اريد الوصفة رجاءا
وشكرا

أهلا بك حبيبتي أمينة

من عيوني ...سأحطّ الوصفة

ان شاء الله

سررت بردّك

[أمل الرّبيع]

ممممممممممم هذا الخبز تاع مغنية علاحساب مارانيش نشوف
جاك هايل يعطيك الصحة ممكن تعطينا الوصفة بارك الله فيك

وأخيرا جابتها جويدة ...فعلا هو خبز ناس مغنية والضّواحي

وطريقة الخبز فيه هاذ الطّريقة وطريقة أخرى أصعب ...ربّما سأحاول تصويرها

وتنويركم بها ....

اذن فزت معنا الأخت جويدة بمجموعة من الخبزات ستصلك ريثما نستلم عنوانك

تحيّة والى ألغاز أخرى .....ههههه

أهلا بك الغالية وسرّني ردّك كثيرا

[أمل الرّبيع]

مشكوووووووووووووووور

الشّكر موصول

بنّي .......

[أمل الرّبيع]

السلام عليكم

ماشاء الله ....مطلوع و عليه الكلام ....يبدو لذيذ و خفيف بورك فيك سيدتي أمل الربيع ...

لا أعرف اين مطقة ساقول عين تموشنت :19:

فعلا هو لذيذ وخفيف ومانقولّكش عليه وهو سخون مع زبدة البقر الطّبيعية وعسل النّحل الحرّ ...

وابريق شاي منعنع ........

سبقوت بنيّتي سلام وداّولك الخبيزات .....خيرها في غيرها


تحيّة من قلب طيّب الى قلب أطيب

[أمل الرّبيع]

أواااه ما شكيتش في تموشنت وخاصة اني مانقدرش نعمل كيفه و من مستحيلات السبع بصح نقدر نجربه أذا اعطاتنا المقادير ..ولكن هذا لا يعني ان تموشنتيات ما يعرفوش .. كل بنات بلادي فحلات وكل اصبع بصنعة خمسة وخموس عليهم
على حساب ماراني نشوف هذاالمطلوع يا من غزوات ولا مغنية


اذن انتي من تموشنت حبيبتي أم خير الدّين ...ماكانش ساعة من عندي لعندك

ايّاي عندي نعلمه لك على المباشر ...بصّاح أنا ما معاياش الخطأ .....نموت على الاتقان

واذا خسّرتي كاش خبزة :18::18:

صراحة أحب عين تموشنت ولي أهل وأخوات في الله هناك أزورهن ويزرنني

وأتمنّى زيارتك لي أهلا بك

سررت بردّك

[أمل الرّبيع]

ام ام ام مطلوع شهي يا اخت امل

امي اطلعت على مطلوعك وقالتلي هادو هوما النساء لاه زي ناس(مقهورة من كنتها)

يبدو خفيفا وشهي نرجو منك وضع المقادير لاننا في الشرق نختلف عنكم تماما في صنع

المطلوع

اظنه من مستغانم


سررت بردّك غاليتي ايهان ...وشكرا لمدح أمّك وأظّن أنّ لكل امرأة شيئ تتقنه وتتفنّن فيه ...وليسا عيبا التّعلم والسّؤال.....

فعلا غاليتي الأكلات بين شرق الجزائر وغربه تختلف وتتنوّع وتتفنّن فيها نساؤنا

حاضر مع المقادير

[أمل الرّبيع]

مطلوع مغنية اكيد لأن شكله و العجين ديالو يشبه تاع لخفاف لكن إذا يعملو مثله في مدينة أخرى الله أعلم


أهلا بك حلل وناقش فعلا هو مطلوع مغنية لكن يعملوه كل الضّواحي مثل الغزوات ...ندرومة ...مرسى بن مهيدي ...جبالة ......


واش هو(لخفاف)(سفنج) عندنا ؟؟؟

اذا كان نعم.... فنعم نفس العجينة وأحيانا نقطع من عجين الخبز ونقليه فالزّيت

سأحطّ الطّريقة في وقت لاحق

تحيّاتي

[salam08]

واش هو(لخفاف)(سفنج) عندنا ؟؟؟

اذا كان نعم.... فنعم نفس العجينة وأحيانا نقطع من عجين الخبز ونقليه فالزّيت

سأحطّ الطّريقة في وقت لاحق

تحيّاتي

نعم الخفاف هو نفسه السفنج ...

كم مرة اردت ان اتعلم من امي كيف ياتي دائري داخل المقلة لكنني في كل مرة افشل و لم اصل لنتيجة مرضية لليوم ..ربما لانني لا اطبقه كثيرااااا..


عموما عجينة الخفاف تشبه عجينة الكسرة ..برك تجي جارية
نتمنى ان نتعلمه منك سيدتي امل ..

[ريحانة13]

وأخيرا جابتها جويدة ...فعلا هو خبز ناس مغنية والضّواحي

وطريقة الخبز فيه هاذ الطّريقة وطريقة أخرى أصعب ...ربّما سأحاول تصويرها

وتنويركم بها ....

اذن فزت معنا الأخت جويدة بمجموعة من الخبزات ستصلك ريثما نستلم عنوانك

تحيّة والى ألغاز أخرى .....ههههه

أهلا بك الغالية وسرّني ردّك كثيرا

اهلا اختي راني نستناك ابعثيلي غي مطلوعة واحدة ولخرين خليهم للاحباب والعنوان راه غي مجيهت مغنية يدور هههه,,,,
تاكلوه بالصحة,,,, رانا نستناو الوصفة

[أم خير الدين 46]

اذن انتي من تموشنت حبيبتي أم خير الدّين ...ماكانش ساعة من عندي لعندك

ايّاي عندي نعلمه لك على المباشر ...بصّاح أنا ما معاياش الخطأ .....نموت على الاتقان

واذا خسّرتي كاش خبزة :18::18:

صراحة أحب عين تموشنت ولي أهل وأخوات في الله هناك أزورهن ويزرنني

وأتمنّى زيارتك لي أهلا بك

سررت بردّك

الله يسلمك اختي أمل و رب يحفظك
ههههههههههههههه معليش المهم نتعلم من عندك..
و مادابيك تعطيني المقادير نجربها ونوريهالك ان شاء الله ...

حتى انت مرحبا بيك عندي يا لالا امل رايحة تشرفيني ..بصح ماقلتيليش وين تسكني :5:
نشوفك على خير حبيبتي

[أمل الرّبيع]

اهلا اختي راني نستناك ابعثيلي غي مطلوعة واحدة ولخرين خليهم للاحباب والعنوان راه غي مجيهت مغنية يدور هههه,,,,
تاكلوه بالصحة,,,, رانا نستناو الوصفة


أهلا بناس مغنية والنّواحي ...اذا كنتي من سكانها أو حواليها فأظن الوصفة تعرفيها وكذا الطّريقة

شكرا لمرورك ريحانة الغرب

[أمل الرّبيع]

الله يسلمك اختي أمل و رب يحفظك
ههههههههههههههه معليش المهم نتعلم من عندك..
و مادابيك تعطيني المقادير نجربها ونوريهالك ان شاء الله ...

حتى انت مرحبا بيك عندي يا لالا امل رايحة تشرفيني ..بصح ماقلتيليش وين تسكني :5:
نشوفك على خير حبيبتي

الله يسلمك الغالية أم خير الدّين أنا أسكن في تلمسان ...وان شاء الله بعد انتهاء ابني من الباك سأزور صديقتي وحبيبتي ......وباذن الله سأراك ونجيبلك شي خبزات ومسمنات ........

تحيّاتي

[أمل الرّبيع]

المقادير :

يعني صراحة أنا عيني ميزاني

خذي 2كيلو فرينة أنا نستعمل سفينة سوبار ورطل سميد رقيق يعني الدّقيق واذا كان عندك دقيق القمح أحسن

4ملاعق صغار خمارة الخبز واذا كانت عندك الخميرة الطّبيعية عملي حفنة

ملح حسب الّذوق

أنا طريقتي أضع الماء الدّافئ أولاّ ونذوّب فيه الملح ونضيف الخماّرة والفرينة والدقيق نخلّط جيّدا ونخليّه يتشرّب ويرتاح مدة15د

من بعد نشمخ يديّ بالماء وندلكو شوية 5د ونخلّيه يرتاح 10د من بعد نطّلقو يعني ندلك بشوي ونضيف الماء ونلطخو مليح ونخليه يشرب الماء ونعاود نفس الطّريقة للمرّة الثانية

لازم يكون مرخوف بزّاف ونخليوه يخمر ...ومين يطلع مليح نقطعوه خبيزات صغار نوضعوهم في الدقيق ونخليوهم يخمروا ثاني 15د نسخنوا الفرن مليح وطواجن وهو يطيب على ثلاث مراحل أولا نضع الخبزة في الطّجين سخون على (التريبي)وبمجرد ماتشد روحها ندخهلوها للكوشة سخونة ونارها تكون قوية ...باه الخبزة نتاعنا نتجي خفيفة وبها فراغات من الداخل ..ومن بعد نطلعوها الفوق باه تتحمرّ ...وأنا نخدم باثنين طواجن وبسرعة نكمل لخبيز ......

فهمتي أم خير الدّين ؟؟؟؟؟؟؟

سلامي وتحيّتي للجميع

[ريحانة13]

أهلا بناس مغنية والنّواحي ...اذا كنتي من سكانها أو حواليها فأظن الوصفة تعرفيها وكذا الطّريقة

شكرا لمرورك ريحانة الغرب

[نسمة الجنة]

مرحبا هذا المطلوع كثييييير لذيذ يا ريت تعطينا الوصفة

[أمل الرّبيع]

لحم العيد والملفوف ..والبكبوكة ...

ما يستغناوش على المطلوع ...

يرفع ...بكلّ ثقة

[أم عبدالحق]

لحم العيد والملفوف ..والبكبوكة ...

ما يستغناوش على المطلوع ...

يرفع ...بكلّ ثقة

:16::16::16:



ما شاء الله على مطلوعكم يبان مدلوك مليح:16:
حبيت نجربو لكن معنديش طاجين كيما هذاك نخاف متخرجلش كيما تاعك:10:
أظن نفس طريقة مطلوع تنس كانت جدة الله يرحمها
تطيبو في كوشة الطين تسخنها بالحطب تاع الدالية اليابس:16: وكانت تشمخ الدوم وتحطوا تحت الخبزة ممممم وش نقولك يا ختي الخبزة تشمي ريحتها من العاصمة:11:
و درك خدموا كوشة تاع الغاز:19:
أنا ندير مطلوع بطريقة أخرى سأضع لها موضوع خاص:11:
هنا في ديار الغربة يحبوها بزاف -العزاب- أصدقاء زوجي يطلبوها بزاف خاصةً في رمضان
جزاك الله خيراً

[أمل الرّبيع]

:16::16::16:



ما شاء الله على مطلوعكم يبان مدلوك مليح:16:
حبيت نجربو لكن معنديش طاجين كيما هذاك نخاف متخرجلش كيما تاعك:10:
أظن نفس طريقة مطلوع تنس كانت جدة الله يرحمها
تطيبو في كوشة الطين تسخنها بالحطب تاع الدالية اليابس:16: وكانت تشمخ الدوم وتحطوا تحت الخبزة ممممم وش نقولك يا ختي الخبزة تشمي ريحتها من العاصمة:11:
و درك خدموا كوشة تاع الغاز:19:
أنا ندير مطلوع بطريقة أخرى سأضع لها موضوع خاص:11:
هنا في ديار الغربة يحبوها بزاف -العزاب- أصدقاء زوجي يطلبوها بزاف خاصةً في رمضان
جزاك الله خيراً

أهلا بك أم عبد الحق

تشرّفت بمرورك في مواضيعي

عزيزتي بلادنا تزخر بأكلات طيّبة من غربها الى شرقها وصولا الى جنوبها

وهناك كثير من الوصفات تتشابه لكن الأسماء وطريقة التّحضير هي التّي تختلف

ذكّرتيني بالكوشة نتاع لحطب انّه الخبز الطّبيعي الأصيل

تصوري من كثر حبّي في كل ماهو طبيعي حبا نصنع كوشة بالطّين في حوش به حديقة والحطب موجود :19:

عرضت الفكرة على زوجي قال لي (راكي في مدينة يامرا ماتهبليش )

[حبةسكر]

هايل وللامانة منقدرش نتحكم فيه طري ياسر يعطيك الصحة نحاول اذا صلح نقلك

[KARINA KAPOUR]

merci ما شاء الله في سيدي بلعباس
نديروا
هاك

[samsoura]

njarabha nchallah

jamais ma njahte fih

choukran

[Samouha1]

رائع جدا و سهل بارك الله فيك على الوصفة

[narriman]

يعطيك الصحة على المطلوع الهاااااااااااااااااااااااااااااااااايل
http://photos.azyya.com/store/up2/081113090049Pzwr.gif

[samora nanin]

ya3tik 1000 saha

[دائمة الذكر]

ليك وحشة يا ام طارق ،،،،