مطلوع الغرب الجزائري

[أمل الرّبيع]

السّلام عليكم ورحمة الله وبركاته

نبقى دائما في الأكلات التقليدية

وكلنّا لايستغني عن الخبز ،وخاصة خبز الدّار

والمطلوع فيه أنواع كثيرة وهذا نوع من أنواع مطلوع الغرب الجزائري

وتشتهر به مدينة ما (...........)

للّي عرفها من نصيبو خبزة سخونة



المقادير :

يعني صراحة أنا عيني ميزاني

خذي 2كيلو فرينة أنا نستعمل سفينة سوبار ورطل سميد رقيق يعني الدّقيق واذا كان عندك دقيق القمح أحسن

4ملاعق صغار خمارة الخبز واذا كانت عندك الخميرة الطّبيعية عملي حفنة

ملح حسب الّذوق

أنا طريقتي أضع الماء الدّافئ أولاّ ونذوّب فيه الملح ونضيف الخماّرة والفرينة والدقيق نخلّط جيّدا ونخليّه يتشرّب ويرتاح مدة15د

من بعد نشمخ يديّ بالماء وندلكو شوية 5د ونخلّيه يرتاح 10د من بعد نطّلقو يعني ندلك بشوي ونضيف الماء ونلطخو مليح ونخليه يشرب الماء ونعاود نفس الطّريقة للمرّة الثانية

لازم يكون مرخوف بزّاف ونخليوه يخمر ...ومين يطلع مليح نقطعوه خبيزات صغار نوضعوهم في الدقيق ونخليوهم يخمروا ثاني 15د نسخنوا الفرن مليح وطواجن وهو يطيب على ثلاث مراحل أولا نضع الخبزة في الطّجين سخون على (التريبي)وبمجرد ماتشد روحها ندخهلوها للكوشة سخونة ونارها تكون قوية ...باه الخبزة نتاعنا نتجي خفيفة وبها فراغات من الداخل ..ومن بعد نطلعوها الفوق باه تتحمرّ ...وأنا نخدم باثنين طواجن وبسرعة نكمل لخبيز ......

فهمتي أم خير الدّين ؟؟؟؟؟؟؟





















أتمنّى أن تكنّ قد فهمتّن الطّريقة الموضّحة بالصّور .

والى القديم المميّز

تحيّاتي

[ام البنات]

الله يعطيك الصحة هذا مطلوع و عليه الكلام.

[أم زيد]

بارك الله فيك
يعطيك الصحة أمل الربيع
مطلوع هايل يشهي ويظهر أنه لذيذ جدا
العلامة20 على20
.................................
مطلوعنا في الشرق الجزائري يختلف عن هذا
سأورد كيفيته ذات يوم إن شاء الله
أكتبي لنا المقادير من فضلك
متقوليش عيني ميزاني.
أتكهن و أقول المدينة هي سيدي بلعباس
أتمنى أن تكون الإجابة صحيحة حتى أظفر بخبزة.

[رحيل]

السلام عليكم و رحمة الله وبركاته

ما شاء الله اختي على هذا المطلوع...
ليتك تقدمين لنا المقادير بالضبط...
انا مشكلتي في طريقة وضعه في الطاجين...
لان العجينة تكون خفيفة و يتخرب شكلها...
اظن انه مطلوع تلمساني...و الله اعلم

[دائمة الذكر]

جبتيها يا رحيل

هذا مطلوع تلمساني

انا نخدم المطلوع بصح نطيبو في طاجين نتاع الطين

مشكورة حبيبتي امال

[أمل الرّبيع]

المشاركة الأصلية كتبت بواسطة ام البنات

الله يعطيك الصحة هذا مطلوع و عليه الكلام.

الله يبارك فيك أم البنات

ربّي يحفضلك بنيّتك

سعدت بردّك

[أمل الرّبيع]

المشاركة الأصلية كتبت بواسطة أم زيد

بارك الله فيك
يعطيك الصحة أمل الربيع
مطلوع هايل يشهي ويظهر أنه لذيذ جدا
العلامة20 على20
.................................
مطلوعنا في الشرق الجزائري يختلف عن هذا
سأورد كيفيته ذات يوم إن شاء الله
أكتبي لنا المقادير من فضلك
متقوليش عيني ميزاني.
أتكهن و أقول المدينة هي سيدي بلعباس
أتمنى أن تكون الإجابة صحيحة حتى أظفر بخبزة.

شكرا حبيبتي أم زيد ،فعلا هو خفيف ولذيذ

فعلا عيني ميزاني لكن لأجل عيونك سأحدّد المقياس

بارك الله فيك وخبز الشّرق كليتو وهو تاني لذيذ وروعة

أنتظر تحيطّي الطّريقة مع الصّور

تحياتي أم زيد لا ماشي خبز بلعباس

[أمل الرّبيع]

المشاركة الأصلية كتبت بواسطة رحيل

السلام عليكم و رحمة الله وبركاته

ما شاء الله اختي على هذا المطلوع...
ليتك تقدمين لنا المقادير بالضبط...
انا مشكلتي في طريقة وضعه في الطاجين...
لان العجينة تكون خفيفة و يتخرب شكلها...
اظن انه مطلوع تلمساني...و الله اعلم

أهلا بك رحيل في مواضيعي (وين وصلتي مع النّباتات نتاعك )

سأحطّ المقادير ان شاء الله ،فعلا طريقة وضعه في الطّاجين هي أصعب مرحلة

ان شاء الله نحطلّك الطّريقة فيديو

موفقة غاليتي
لاّ ماشي تلمسان زيدو هبطوا شويّة؟؟؟؟؟؟

[أمل الرّبيع]

المشاركة الأصلية كتبت بواسطة دائمة الذكر

جبتيها يا رحيل

هذا مطلوع تلمساني

انا نخدم المطلوع بصح نطيبو في طاجين نتاع الطين

مشكورة حبيبتي امال

لا لا ماشي تلمسان

بصّح خبزهم تاني مليح

بوه عليّ الجزائر طويلة وعريضة متكملش عند تلمسان فقط ؟؟؟؟؟

تحيّاتي دائمة الذّكر

[amina 84]

الخبزة هشيشة وباينة لذيذة جداااااااااااا
اريد الوصفة رجاءا
وشكرا