منتديات الشروق أونلاين - تيراميسو اكثر من رائع و سهل من مطبخ ام نيفين

http://im69.gulfup.com/OPHFW1.jpg

السلام عليكم و رحمة الله و بركاته
اليوم جبتلكم وصفة تاع تيراميسو سهل جدا و بنيييييييييين ممممممممم بشهادة الجميع

http://cdn.top4top.net/i_4d8c4d87491.jpg

المقادير:
4 بيضات كبار
300 غ بتي سويس (10 علب صغار)
2 م ك معمرين كرام فراش ثقيلة
150 غ غبرة الشونتيي
3 ساشي صغار نسكافي
100 غ سكر عادي
بيسكوي طويل (boudoirs)
كاكاو
فاني

الطريقة سهلة جدا
اولا =بالخلاط الكهربائي نخلط السكر و البيض ملييييح + فاني حتى يبياضو و هذا شرط ===> (1)
ثانيا = نطلع بياض البيض كالثلج مع رشة ملح ===> (2)
ثالثا = نطلع الشونتيي مع الكرام فراش ===> (3)

كي نكمل كلش نبدا نخلط 2 و 3 في 1 بهدوء بالسباتولا من تحت لفوق حتى يتجانس الخليط تماما
الآن نبدا نركب التيراميسو .. نحط طبقة من الكريمة ثم لي بودواغ مشمخين فالنسكافي نحلحلوها في شوية ماء.. و نستفوهم ثم رشة كاكاو ثم كريمة و هكذا حتى نكمل و الطبقة الاخيرة لازم تكون كريمة و نرش عليها كاكاو و ندخلها للثلاجة تبرد مليح و تتماسك ليس اقل من 4 ساعات و تاكلوهم بالصحة و الهنا ان شاء الله

ملاحظة : ممكن تستعملو مول كبير كيما درت انا او ممكن ديرو في كيسان يكونو شفافين باش يبانو الطبقات

ان شاء الله يكون الشرح مفهوم ..و دعوة خير تكفيني..