|
خلاصت المسرحية...... بقلمي
السلام عليكم
بعد غياب طويل راه رجع خوكم الزاهي بقصيدة جديدة في الحقيقة الغياب لم يكن عن المنتدى فقط و إنما كان أيضا عن الكتابة لأني شخصيا أهتم بالنوعية لا بالكمية سأضع هذه القصيدة التي هي آخر ما نظمت خلاصت المسرحية عرفت قبـلك عيطة بنات عرفت فيهم المليـحة و الدونية عديت حكاية و حكايات و كل حكاية تخلي لخرى منسية هاذي راحت هاذي جات و يبقى العيـب فيهم ولا فيا وحدة تخدع و تبدل الصفات و لخرى يا لطيف حاقدة سمية وحدة عشقـت فيا بثبات و ما توالمناش بـرك في العقـلية وحـدة بصراحة زينة البنات لكن الفـعـال غـير شـوية كل مرة نقـول هاذي و فرات رايحة تكـون آخر حـكاية ليـام راحـت و عـدات و تعـرفت على الـوردة المسكية تعـاشرنا و سـكنتلي في الذات حـتى في منامي نقـول هي القـمر ضحك و النجـوم زهات و الفـجر ديما طـالع بهدية كـبرنا و كـبرو الأمنيات و محـلاها ذيـك الأمــنية تمنـيتها مـعايا في كـل الأوقـات تمـنيت تكون ديما حذايا تمـنيتها تبقى معـايا للـممات و نهـار نموت نكتبلها وصية تمنيت نجيب معاها وليدات و نعيشو كـامل عـيشة هـانية أنا نويت و هي نوات كل واحد كيفاش كانــتلو النيــة راح القمر و النجـوم تـنسات و حتى الفـجر غـاب عليا الشمعة الضـاوية طفات و ليام الحـنينة قـباحـت مـعايا هـبـت الريـح و قوات راب السـاس و بقيـت في بليـة الخـبر شـاع و الهـدرة مشـات و شحال فرح بيها عدويا بقاو بيناتنا غير الذكريات كـل ذكـرى عـزيزة و غـالية يا حسراه يا حسراه هيهـات شحـال لعبـتي فـي هـوايا اللي يلـعب يلعـب ايامـات حتى الضربة ما تكونش قوية أنت لعـبتيلي بكامل الحياة خليتينتي طايح ما جبـرت دوايا كنت عزيزة و سومتك غلات كنت روحي راحتي و هـنايا ما نلومش نيتك اللي ماصفات نلومك على هاذ المسرحيـة يادرى وين راهي الكلمات اللي نقولها و تكـون كافيـة سنين و أنت معيشتني في منامات عمري ما شكيـت يا الجافية سكت و ألف معنى للسكات و خليت كـلشي لـربي مولايا خليتي في قلبي كيات و اللـي خليتيهـا كـملتها بـيـديا كويت لـساني و حطيتلو جمـرات و مـا بقاتلو حتى حرية الدمعة سالت على خدي و جرات أنت عمرك لا حسيتي بيا خـلاص يا يامـنة بركات مسرحيتك راها وصلت للنهاية جربي غيري و مع الـنهارات تتـمناي الـحب يــا بنية أنا مع غيرك نعاود حياة و اذا تستاهل نعطيلها مــن قلبي شوية في القلب هموم و في العين دمعات و في بالي ربـي راه مـعايا من محنتي عرفت بزاف حاجات لقيت قدامي غـيـر والديـا يما العزيزة و قاع الـمويمات و بابا الحنين ربــي يخلـيهم ليا عبدو الزاهي ناظـم الأبـيات و الزهو ما بقـى في حـشايا بقلم عبدو الزاهي / عثماني عبد السلام / 15/02/2013 |
رد: خلاصت المسرحية...... بقلمي
الحقيقة.......
أثرت فيا هذه الكلمات كثيرا حقيقة إبداع أظن أن الغياب زاد كتاباتك جمالا و روعة قصيدة تستحق المرور أخي الكريم سعدت كثييرا بمروري من هذا الطريق شكرا كبيييييييييييييييرة و لا أظنها تكفي دمت مودتي[color="deepskyblue"][/color] |
رد: خلاصت المسرحية...... بقلمي
في الحقيقة عندما أكتب كلمات و تعجبني و تعجب الآخرين افرح و لكن سرعان ما أتحسر لأني كتبتها عن أناس لا يستحقون حتى أن نذكرهم بكلام عادي
شكرا لمرورك العطر |
رد: خلاصت المسرحية...... بقلمي
ربي يحفظك أخي، كلمات وتعبار معبر، هذي هي الدنيا وهذو هوما أحوالها.
إنشاء الله يعوظلك ما خير في دنيتك |
رد: خلاصت المسرحية...... بقلمي
اقتباس:
الزهو يازاهي بهاذ الصيفات ..... ما يجيب كان الضيم ولبليـــة هكذا مولانا خبّرنا في الأيــات ..... قال عليه فاحشة وسوء ثنية أحمدو على محنتك أوفــــات .... واستغفو يا عبدو على كل سيّة من خوك أسمع ذا الكلمــات .... نصيحة لله صافية ونقيـــــــــة تحياتي يا شاعر |
رد: خلاصت المسرحية...... بقلمي
الزهو يازاهي بهاذ الصيفات ..... ما يجيب كان الضيم ولبليـــة
هكذا مولانا خبّرنا في الأيــات ..... قال عليه فاحشة وسوء ثنية أحمدو على محنتك أوفــــات .... واستغفو يا عبدو على كل سيّة من خوك أسمع ذا الكلمــات .... نصيحة لله صافية ونقيـــــــــة تحياتي يا شاعر ****************** بارك الله فيك عى هاذ الكلمات و الكلام في وقتو يداوي لبلية سمعت نصيحتك و خذيتها بثبات معلوم ربي الحنين هو يفرج عليا نحمد ربي مولايا في كل الأوقات سبحانو العالم بكل خفية |
| الساعة الآن 03:36 AM. |
Powered by vBulletin
قوانين المنتدى