خلاصت المسرحية...... بقلمي
23-02-2013, 01:13 PM
السلام عليكم
بعد غياب طويل راه رجع خوكم الزاهي بقصيدة جديدة
في الحقيقة الغياب لم يكن عن المنتدى فقط و إنما كان أيضا عن الكتابة
لأني شخصيا أهتم بالنوعية لا بالكمية
سأضع هذه القصيدة التي هي آخر ما نظمت
خلاصت المسرحية
عرفت قبـلك عيطة بنات عرفت فيهم المليـحة و الدونية
عديت حكاية و حكايات و كل حكاية تخلي لخرى منسية
هاذي راحت هاذي جات و يبقى العيـب فيهم ولا فيا
وحدة تخدع و تبدل الصفات و لخرى يا لطيف حاقدة سمية
وحدة عشقـت فيا بثبات و ما توالمناش بـرك في العقـلية
وحـدة بصراحة زينة البنات لكن الفـعـال غـير شـوية
كل مرة نقـول هاذي و فرات رايحة تكـون آخر حـكاية
ليـام راحـت و عـدات و تعـرفت على الـوردة المسكية
تعـاشرنا و سـكنتلي في الذات حـتى في منامي نقـول هي
القـمر ضحك و النجـوم زهات و الفـجر ديما طـالع بهدية
كـبرنا و كـبرو الأمنيات و محـلاها ذيـك الأمــنية
تمنـيتها مـعايا في كـل الأوقـات تمـنيت تكون ديما حذايا
تمـنيتها تبقى معـايا للـممات و نهـار نموت نكتبلها وصية
تمنيت نجيب معاها وليدات و نعيشو كـامل عـيشة هـانية
أنا نويت و هي نوات كل واحد كيفاش كانــتلو النيــة
راح القمر و النجـوم تـنسات و حتى الفـجر غـاب عليا
الشمعة الضـاوية طفات و ليام الحـنينة قـباحـت مـعايا
هـبـت الريـح و قوات راب السـاس و بقيـت في بليـة
الخـبر شـاع و الهـدرة مشـات و شحال فرح بيها عدويا
بقاو بيناتنا غير الذكريات كـل ذكـرى عـزيزة و غـالية
يا حسراه يا حسراه هيهـات شحـال لعبـتي فـي هـوايا
اللي يلـعب يلعـب ايامـات حتى الضربة ما تكونش قوية
أنت لعـبتيلي بكامل الحياة خليتينتي طايح ما جبـرت دوايا
كنت عزيزة و سومتك غلات كنت روحي راحتي و هـنايا
ما نلومش نيتك اللي ماصفات نلومك على هاذ المسرحيـة
يادرى وين راهي الكلمات اللي نقولها و تكـون كافيـة
سنين و أنت معيشتني في منامات عمري ما شكيـت يا الجافية
سكت و ألف معنى للسكات و خليت كـلشي لـربي مولايا
خليتي في قلبي كيات و اللـي خليتيهـا كـملتها بـيـديا
كويت لـساني و حطيتلو جمـرات و مـا بقاتلو حتى حرية
الدمعة سالت على خدي و جرات أنت عمرك لا حسيتي بيا
خـلاص يا يامـنة بركات مسرحيتك راها وصلت للنهاية
جربي غيري و مع الـنهارات تتـمناي الـحب يــا بنية
أنا مع غيرك نعاود حياة و اذا تستاهل نعطيلها مــن قلبي شوية
في القلب هموم و في العين دمعات و في بالي ربـي راه مـعايا
من محنتي عرفت بزاف حاجات لقيت قدامي غـيـر والديـا
يما العزيزة و قاع الـمويمات و بابا الحنين ربــي يخلـيهم ليا
عبدو الزاهي ناظـم الأبـيات و الزهو ما بقـى في حـشايا
بقلم عبدو الزاهي / عثماني عبد السلام / 15/02/2013
بعد غياب طويل راه رجع خوكم الزاهي بقصيدة جديدة
في الحقيقة الغياب لم يكن عن المنتدى فقط و إنما كان أيضا عن الكتابة
لأني شخصيا أهتم بالنوعية لا بالكمية
سأضع هذه القصيدة التي هي آخر ما نظمت
خلاصت المسرحية
عرفت قبـلك عيطة بنات عرفت فيهم المليـحة و الدونية
عديت حكاية و حكايات و كل حكاية تخلي لخرى منسية
هاذي راحت هاذي جات و يبقى العيـب فيهم ولا فيا
وحدة تخدع و تبدل الصفات و لخرى يا لطيف حاقدة سمية
وحدة عشقـت فيا بثبات و ما توالمناش بـرك في العقـلية
وحـدة بصراحة زينة البنات لكن الفـعـال غـير شـوية
كل مرة نقـول هاذي و فرات رايحة تكـون آخر حـكاية
ليـام راحـت و عـدات و تعـرفت على الـوردة المسكية
تعـاشرنا و سـكنتلي في الذات حـتى في منامي نقـول هي
القـمر ضحك و النجـوم زهات و الفـجر ديما طـالع بهدية
كـبرنا و كـبرو الأمنيات و محـلاها ذيـك الأمــنية
تمنـيتها مـعايا في كـل الأوقـات تمـنيت تكون ديما حذايا
تمـنيتها تبقى معـايا للـممات و نهـار نموت نكتبلها وصية
تمنيت نجيب معاها وليدات و نعيشو كـامل عـيشة هـانية
أنا نويت و هي نوات كل واحد كيفاش كانــتلو النيــة
راح القمر و النجـوم تـنسات و حتى الفـجر غـاب عليا
الشمعة الضـاوية طفات و ليام الحـنينة قـباحـت مـعايا
هـبـت الريـح و قوات راب السـاس و بقيـت في بليـة
الخـبر شـاع و الهـدرة مشـات و شحال فرح بيها عدويا
بقاو بيناتنا غير الذكريات كـل ذكـرى عـزيزة و غـالية
يا حسراه يا حسراه هيهـات شحـال لعبـتي فـي هـوايا
اللي يلـعب يلعـب ايامـات حتى الضربة ما تكونش قوية
أنت لعـبتيلي بكامل الحياة خليتينتي طايح ما جبـرت دوايا
كنت عزيزة و سومتك غلات كنت روحي راحتي و هـنايا
ما نلومش نيتك اللي ماصفات نلومك على هاذ المسرحيـة
يادرى وين راهي الكلمات اللي نقولها و تكـون كافيـة
سنين و أنت معيشتني في منامات عمري ما شكيـت يا الجافية
سكت و ألف معنى للسكات و خليت كـلشي لـربي مولايا
خليتي في قلبي كيات و اللـي خليتيهـا كـملتها بـيـديا
كويت لـساني و حطيتلو جمـرات و مـا بقاتلو حتى حرية
الدمعة سالت على خدي و جرات أنت عمرك لا حسيتي بيا
خـلاص يا يامـنة بركات مسرحيتك راها وصلت للنهاية
جربي غيري و مع الـنهارات تتـمناي الـحب يــا بنية
أنا مع غيرك نعاود حياة و اذا تستاهل نعطيلها مــن قلبي شوية
في القلب هموم و في العين دمعات و في بالي ربـي راه مـعايا
من محنتي عرفت بزاف حاجات لقيت قدامي غـيـر والديـا
يما العزيزة و قاع الـمويمات و بابا الحنين ربــي يخلـيهم ليا
عبدو الزاهي ناظـم الأبـيات و الزهو ما بقـى في حـشايا
بقلم عبدو الزاهي / عثماني عبد السلام / 15/02/2013
