تسجيل الدخول

يا دهر وشبيــــك زعــــــلان *** شربتنا المُر روينــــــــا
عاقبتنا على الزور و البهتان *** حفظنــاه بلا ما قرينــــــا
وثبتنــــا ليك عديـــــــــــــان *** ورميت سلاحـك عليـنــا
وضربتنا بيــــه فتــّـــــــــاك *** وبالفعــل أثـر علينـــــــا
وصّلتنا للضّـــــر ولهــــلاك *** انت فاكر واحـنا نسينـــا
نراك إلاّ مثــل صيّـــــــــــاد *** أوّل رصاصة جات فيـنا
صيّـــد ولقانــــا رقــــــــــود *** بحبـال كتــف يدينــــــــا
ولا حـــد يقلول عـــــــــلاش*** وأثبت حقــــو علينـــــــا
وحتى عدونا عـــاد هــــــدّار*** بالشّمت والعــــــار فيــنا
وحب من يعمـــر الصّـــــاك *** وختار لحوايج الزيــنــة
و لا تقول مــــوش هكـــذاك *** يبدى يشنتــر علينــــــــا
لا نهبنا مالـــو و دينــــــــاه ***و لا قطعة من ارضو سعينا
كاينّاه حنــــا ما قرينـــــــاش*** و هو المطرجم علينـــــــا
و فـوقارا و مـــا عندنــــاش *** و هــو لّي يمون فيـــــــنا
لفق برنامـــج الــــــــــــزور*** وحب يطبقــوا عليــــــــنا
قال طفــــوالنار بالنــــــــــار*** هــذي دبارتو عليـــــــــنا
والربــــع وخمسيــــن لازال*** و سالـوه ما صـــار فيـــنا
وسالوا الغيب وسالوا الحجار*** والتاريـــخ يشهد عليــــنا
مليون ونصف ماكفــــــــاش*** وفي كل شعبــة دفيـــــــنا
وجرحنا لازال مابـــــــراش*** وباقي حاقــــــــد عليـــــنا
وتخلط العجيـــن و الطيـــــن*** وا زرع إلا الحقـــد فيــنا
و خالقنا عليــنا يسجـــــــــل *** وأحنا غافلين ما دريـــــنا
وعلينا الف كتـــــــــــــــاب *** في البادية و في المدينة
لو تقـــراه بدم تبكــــــــي *** الضحكة ترجع حزينـــــــة
كتبوه في السـر كتمــــــوه *** ويشارعك يـوم الدّفيــــــنا
و ماينفعو وكيل بالمــــــال *** وما تنفـع الأم لحنيـــــــــنا
و ينفع هروبك لربــــــــي *** بالقلب و لفعال زيــــــــنا
نزل علينا ريح صرصـــار*** هلك الخايبـة و السميـــــنا
و حصينا و ما حصينــــاش*** البراكــــة فـي إلّي بقيـــنا
شتيــــنا و ما شتينـــــــاش *** و الأمر ليه موش ليـــــــنا
و من خالق الديــنا حساب *** هو إلي يقود السفينــــــــــة
ومنوا لا ويــن تهــــــرب *** و هـو زارع الروح فيــــنا
قال الدنيا تضحك عليكــم *** فارحين وتقولوا سعيــــــنا
ملوك منـاش عمـّــــــــال *** البــر و البحــــــر ليـــــــنا
كلـش محظـــر موجــــود *** واش نطلــــــــب يجيــــــنا
تبّعنا الزهو و المـــــــال *** و في حق الخالق خطيـــــنا
و الزّهـو بدون تفكيـــــر *** مولاه يبقــــى رهيــــــــــنا
و بليس هو بايـع السوق *** هو باع واحـــنا شريـــــــنا
وحطّ لينا ما حــرم اللــه *** قالـنا كولــــوا كليــــــــــــنا
احكمـــنا مرض قتــّـــال *** عالجــنا كثيـر مـا بريـــــنا
هـاذي رسائــــــــــل الله *** في حـــق الافعال شيــــــنة
و مولانا قــال لحســــاب *** و بعد الشــرادة هديـــــــنا
قال وينهو كتاب ستين *** وين هي وصاية نبيــــــــــنا
حشمنا ولعرق ســـــال *** ما ضحكـــنا ما بكيــــــــــنا
احصلنا ما عرفنــــاش*** منهو إلي يدافع عليـــــــــنا
قال نطقناك وعدت هدار*** و في الأول خلقناك طينـة
و تبّعت بليس لنـّــــــــار *** و تركنا كل ما وصّيــــنا
و يوم رحيلك لعسل يمرار*** و ما تبقى حاجة بنيـــنا
و تذبل هاذوك لشفـــــــــار*** و تصد لا رجوع ليـــنا
اصنعنا بابور من الّريـــح*** وبالفعل صنعت يديـــــنا
وقت لي ركبنـــــــــــــــاه *** في البحر وغرق بينـــا
و صّلنا لعمق لبحـــــــــــار*** النجــدة لامن يجيـــــنا
و لبحر هو بحر لهــــــوال *** لافيه قرية ولا مدينـــــة
لافيه بنـــوك بالمــــــــال *** و لا ذهب في الفيترينـة
و ما تنظر إلا إلحـــــراس*** و ثم يبدا الفرز فيـــــــنا
و ما يسلكو إلا حباب ربي *** و بنصر ليهم و ليـــــــنا
و لباقي دفعوه للنــــــــــار *** يا خلقنا روف بيــــــــنا
بكيتنا يا شاعر الدهـــــــر *** و ندّمتـنا في الّي زهينا
و كلامك منظــــم و حق *** يا ريت بعنا ما شرينـــا
قدواري شاعر لكــــــلام *** و صلاتــنا على نبيــــنا