علاش غابت نية الاحباب ....... بقلم خوكم الزاهي
24-02-2013, 11:59 AM
الشعبي معمول لناسو وكل باب عندو عساسو
كاين من الناس اللي يذوق وكاين اللي مغلوق
اللي يذوق مرحبا بيه واللي مغلوق الله يسهل عليه
هذا غيركلام عبد السلام ماشي قرأن ولا كلام إمام
نخليكم مع كلامي وكلامي يعبر على همي
همي في قلبي مخبي و معلوم الشكوة لربي
لكن في منتدى الشروق رايحين نصيبو اللي يذوق
علاش غابت نية الأحباب ؟
علاش غابت نية الأحباب و عاد الحبيب جافي وسمسار
علاش اللي تقصدو يغلق الباب علاش الحبيب اليوم عاد غدار
علاش الناس ما تقيس بصواب وين راهم ناس النية الأحرار
بجاه ربي غير فيدوني بجواب قولولي بين الأحباب واش صار
صراتلي حكاية في نهار شباب خرجت نفاجي الهموم ذاك النهار
لقيت حمامة طايحة فوق التراب مكسورة الجناح تشكي الأضرار
راحلها قمري ما عرفت أش حاب كي بدا يتختل عرفتو بلي مشرار
قرب ليها كي شاف خليلها غاب حسبوا غافل مايوصلوه حتى أخبار
لعبها شاطر جاب سيرة الذياب جرح الحمامة خلاه يعمل العار
لكن القمري العشاق محال خاب زين الهدة ذاك الصافي المسرار
صح سماه غطاها اليوم السحاب و غزالتو طارو بيها الأطيار
معيشتو من فراقها بدات تصعاب و بينو وبين الفرح طلعت الأسوار
معلوم الجافية جفاتو بلا سباب معلوم خلات قلبو محروق بالنار
رجعت مع عدو حبيبها احباب هكذا بغات وحكمت الأقدار
كل قصة حكامها موجود في كتاب يا سعد اللي صاب وفسر الأسرار
و الراقد تلقى راسو تمحن و شاب يبكي وينوح وقلبو باقي زهار
أنا ماشي راقد لكن قلبي طاب و مليت من هدرة الذراري الصغار
عرفت بلي صاحبي محال يتصاب ماشي عوام و علمو ذاك البحار
رحلت معاه يا حسراه طال الغياب هجرت مراسمي خلاتني للهموم صبار
حبابي اللي والفتهم ماراهمش قراب اليوم صدقت كلام ذاك البشار
في اليوم الأول قلتلو كذاب ما عندك الصح غير أنسى هاذ الدار
راك حاب تغرقني في العذاب و غزالتي في عيني محال تصغار
قالي ياعبدو يجي نهار قلبك يرتاب وتعرف بلي كنت في الحق هدار
جفاتك و خلات الجمر في ذاتك لهاب غير بدل المراح تستراح من الدمار
قاتلو من غيرها واش من عيش طاب ياك باقي ديما على غزالتي محتار
قالي أربح زهوك ما زالك شاب قلتلو الزهو مع خيال غزالتي طار
قالي روح للطالب يكتبلك حجاب راني نشوف في وجهك تبدل و صفار
قلتلو يا الفاهم الشكوة لربنا الوهاب هو اللي يشفي القلوب و يفاجي الأضرار
أنا ولاف من الفراق راسي شاب عييت نترجى في وصال سويدة الأشفار
لازلت ولا نزول في هواها كتاب حتى نموت باش تغيب من هاذ الأشعار
محبوبتي قلبي بيها ديما رحاب يحبها و يبقى يحبها طول الأعمار
الحب اللي بيناتنا عندها ذاب روحي بالسلامة يا موم الأبصار
يا حبيبتي مهبولك ما نسى ما تاب طيحتيه في هواك وخليتيه مكوي بالنار
بقلم : عدو الريام عثماني عبد السلام
كاين من الناس اللي يذوق وكاين اللي مغلوق
اللي يذوق مرحبا بيه واللي مغلوق الله يسهل عليه
هذا غيركلام عبد السلام ماشي قرأن ولا كلام إمام
نخليكم مع كلامي وكلامي يعبر على همي
همي في قلبي مخبي و معلوم الشكوة لربي
لكن في منتدى الشروق رايحين نصيبو اللي يذوق
علاش غابت نية الأحباب ؟
علاش غابت نية الأحباب و عاد الحبيب جافي وسمسار
علاش اللي تقصدو يغلق الباب علاش الحبيب اليوم عاد غدار
علاش الناس ما تقيس بصواب وين راهم ناس النية الأحرار
بجاه ربي غير فيدوني بجواب قولولي بين الأحباب واش صار
صراتلي حكاية في نهار شباب خرجت نفاجي الهموم ذاك النهار
لقيت حمامة طايحة فوق التراب مكسورة الجناح تشكي الأضرار
راحلها قمري ما عرفت أش حاب كي بدا يتختل عرفتو بلي مشرار
قرب ليها كي شاف خليلها غاب حسبوا غافل مايوصلوه حتى أخبار
لعبها شاطر جاب سيرة الذياب جرح الحمامة خلاه يعمل العار
لكن القمري العشاق محال خاب زين الهدة ذاك الصافي المسرار
صح سماه غطاها اليوم السحاب و غزالتو طارو بيها الأطيار
معيشتو من فراقها بدات تصعاب و بينو وبين الفرح طلعت الأسوار
معلوم الجافية جفاتو بلا سباب معلوم خلات قلبو محروق بالنار
رجعت مع عدو حبيبها احباب هكذا بغات وحكمت الأقدار
كل قصة حكامها موجود في كتاب يا سعد اللي صاب وفسر الأسرار
و الراقد تلقى راسو تمحن و شاب يبكي وينوح وقلبو باقي زهار
أنا ماشي راقد لكن قلبي طاب و مليت من هدرة الذراري الصغار
عرفت بلي صاحبي محال يتصاب ماشي عوام و علمو ذاك البحار
رحلت معاه يا حسراه طال الغياب هجرت مراسمي خلاتني للهموم صبار
حبابي اللي والفتهم ماراهمش قراب اليوم صدقت كلام ذاك البشار
في اليوم الأول قلتلو كذاب ما عندك الصح غير أنسى هاذ الدار
راك حاب تغرقني في العذاب و غزالتي في عيني محال تصغار
قالي ياعبدو يجي نهار قلبك يرتاب وتعرف بلي كنت في الحق هدار
جفاتك و خلات الجمر في ذاتك لهاب غير بدل المراح تستراح من الدمار
قاتلو من غيرها واش من عيش طاب ياك باقي ديما على غزالتي محتار
قالي أربح زهوك ما زالك شاب قلتلو الزهو مع خيال غزالتي طار
قالي روح للطالب يكتبلك حجاب راني نشوف في وجهك تبدل و صفار
قلتلو يا الفاهم الشكوة لربنا الوهاب هو اللي يشفي القلوب و يفاجي الأضرار
أنا ولاف من الفراق راسي شاب عييت نترجى في وصال سويدة الأشفار
لازلت ولا نزول في هواها كتاب حتى نموت باش تغيب من هاذ الأشعار
محبوبتي قلبي بيها ديما رحاب يحبها و يبقى يحبها طول الأعمار
الحب اللي بيناتنا عندها ذاب روحي بالسلامة يا موم الأبصار
يا حبيبتي مهبولك ما نسى ما تاب طيحتيه في هواك وخليتيه مكوي بالنار
بقلم : عدو الريام عثماني عبد السلام
