نوريك جراااااااااااح
08-01-2012, 08:53 AM
نوريك جراااااااااح
أصْغَانِي يَاوَلْد ألْكرَامْ ----------- نَورِيك جْرَاح مَتْهَضْمَّةَ
ألأَسَدْ لْذِيبْ رَامْ ----------- وُالثَعْلَبْ رَاهَا حَاكْمَة
شُوف الْقَوْبَعْ كِيف حَام ----------- وبْسَط جْنَاحَهْ فَاالسْمَّا
يْصَيَّدْ ويَسْعَى بْلاَ سْهَام -------- وطْيُور خَلاَّهَا صَايْمَة
ورْجَعْ مَعْشُوق عَنْد الحْمَامْ --------- وحَجْلاتْ عْلِيه مَتْخَاصْمَة
حتَّى الْفَكْرُون رَاه اسْتقَام -------- رجْلِيه ضْحَاتْ مَتْسَّقْمَة
وتْفَرْسَّنْ في وُسْطْ الهْوَامْ ------- ودَارْ خْدِيمْ وخَادْمَة
أَسْمَعْنِي يَا وُلْد الكْرَامْ ------- نُورِيك جْرَاح مَتْعَدْمَّة
وافْهَمْ منًي مَعْنَى الْكْلام --------- ذًي سَاعة جَات مْظَّلَمة
طَاحو فيها كْبَار الخْيَام ------ ورَجَّالَة رَاها هَايْمَة
الجِيَاح رَافْدِين العْلاَم ----- ولاَبْطال عِيشتْهُم حَارمة
غْلات الْكَرفَة فاالسْوَّام ------ لَعْبَادْ عليها زَادْمَة
أَلْتَهْفت النَّاس عْلَى الحْرَام -------- عَيْنَانِي تَابْعِين العْمَى
والحُرَّة قَاست الْحْزَام --------- بَاْلمَال ضْحَات مَتْسَاوْمَة
أغْواهَا بِيه ولد الحْرَام -------- طَعْنَتْ مْعَاه واد الحْمَى
يَاقَلبي لاَه هَذا المْلاَم ----- وذِي حَاجَة جَات مْحَتْمَّة
انْتَايَا بِيك جُرح الغْرام --------- والنَّار ماتَطْفِيشْ الضْمَى
رَاحتْ ايَّامْنَا كِي المْنَام -------- عَشْنَاها غِير مْخَاصْمَة
ودْخَلْنَا فِي بَحْر الظْلاَم ------ ولْقِينَا شَلَّة عَايمَة
أَشْرَبْنا كِيسَان السْقَام -------- وشْهَرْنَا حَرْبْ مْلاوْمَة
وجْبَرْتَك ماتْشَّد اللْجَام -------- تْعانَدْ عِباد مَتْغَشْمَّة
مْسَهَّرْ جْفَانِي مَاتْنَام ------- تَعْرَف الصَّح وتَنْعْمَى
غِير أنَا وانْتَ تْوَام ---------- نِيفْ عْلِيَّا خُويا ادْمَّى
الحُّر ما يَرْضَى باَالمْقَام ------ بين الْجِياح الْهَادْمَة
بَقًي دُنْيتْهُم باَالسْلام ------- خُلْطتْهُم جَرْبَة سَامَّةَ
رَزْقَك مَتْجَرَّدْ فَاالزْمَامْ ------- وسَيْرَك للدَّارْ الدَّايْمَة
والزًين مْصِيرَه لَلْعْدَام ------ والعَشْق طْريقَه شَاتْمَة
والزَهْو عْقَابَه للنْدَام ----- وعْقُول اصْحَابَه وَاهْمَة
دَارْ الدُنيا مَاهَا دْوَام ------- وايَّام بْنَادم تَامَّة
سُبحان الله مُحْيً العْظَام ------ ولِيه الْخَلْقَة مْسَّلْمَة
ولد مجاهد جاب النظام------- وصلاة النبي خاتمة
عليه الصلاة والسلام----------- شفيع العصاة الظالمة
بالول في /25/01/ 2011
من مواضيعي
0 2/ أين امجادك ياعنتر
0 رأيت عنتر....
0 يارشاقة الظبي
0 أين ؟؟
0 أنت لا تشبهك أحلى الروايات
0 غرّة قمرة
0 رأيت عنتر....
0 يارشاقة الظبي
0 أين ؟؟
0 أنت لا تشبهك أحلى الروايات
0 غرّة قمرة
![[SIGPIC]](image.php?u=120000&type=sigpic&dateline=1434668192)
