يا رحمة شفقي على قلبي رحميه بالمحبة والود
18-12-2010, 08:45 AM
يا رحمة شفقي على قلبي رحميه بالمحبة والود.........طفي نار اجفاك او جودي بوصال
رحمي عاشق شاف زينك زين الزين يازينة القد.......سبحان الخلاق خالق دلجمال
آش يصبرني صبرت اصبرت ايلين صبري فات الحد....لهوى محني وضري راهو طال
ايلا قلبك يا رحيمة متهني قلبي ما يهمد..................يا رحمة يزاك فكي لي لوحال
ساعد يا مسعود في سعدي وقتاش يطلع نجم السعد ......او نسعد معا ارحيمة ام دلال
عاشق يا معشوق معشوقة عيات عاشقها بالصد........والعاشق كيفاش يهنى ليه البال
ارسل يا مرسول ارسلتك وارسلت ترسل ليا رد........كيما كان الرد رسلو لي فالحال
راضي باش ارضات نرضى وارضاها مالي منو بد .....الميت آش ايدير في يد الغسال
شاكي واشكايا اشكيتو بالدمعات تجري فوق الخد........شكيت او ما شكيت شكايا بيه انال
رحمة يا مرحوم ما ترحم محروم حرقت ليه الكبد .......عودو راه الوى من لهجر واذبال
ظالم يا مظلو م ظلمتها واظلام حالي وتسود ...........يا نكار الخير تستاهل لا زال
مرغوم امغروم غامرت او لغرام مرغني فالصهد ...زوخي يارحمة اغرامك م لبطال
عمري ما نحساب اغرامك غلاب فالصرعة مجهد ....حتان اصرعني وكرفني بحبال
مقواه ايلا كان قيس على ليلى تمحن وتمرمد .......اللي ما جرب ما يامن بقوال
يا رحمة لفراق بوغة من لشواق فيها نتمرغد.......تشفاي او شفي قليبك من لغلال
شوطني لبعاد باعجاجو وقاد جمرو ما يخمد.....هب اللوم اوزاد للشعلة تشعال
اندادي بالوحشة انهاري نتمشى وليلي نتقند .....نتبرم وانين من شدة لهوال
تبخ لي لعتاب لهوة من لعذاب واعطاني نزقد ..........جغمة عقلي داب في غمرة لهبال
يا ناس الفقرة امالين الحضرة والجدبة والوجد ....عشت اللي عشتوه في سكرة لحوال
يا قاري لكتاب بحرمة لحزاب والسورة والورد ....ادعي لعلى نبرا من لعلال
يا قلبي عافاك ارجع لمولاك بالتوبة وارشد ......واترك من جافاك بزينو يختال
ناظم هاد القول بن الطيب جلول وبن يعيش الجد .....ساكن أرض توات باعمر يالفضال
رحمي عاشق شاف زينك زين الزين يازينة القد.......سبحان الخلاق خالق دلجمال
آش يصبرني صبرت اصبرت ايلين صبري فات الحد....لهوى محني وضري راهو طال
ايلا قلبك يا رحيمة متهني قلبي ما يهمد..................يا رحمة يزاك فكي لي لوحال
ساعد يا مسعود في سعدي وقتاش يطلع نجم السعد ......او نسعد معا ارحيمة ام دلال
عاشق يا معشوق معشوقة عيات عاشقها بالصد........والعاشق كيفاش يهنى ليه البال
ارسل يا مرسول ارسلتك وارسلت ترسل ليا رد........كيما كان الرد رسلو لي فالحال
راضي باش ارضات نرضى وارضاها مالي منو بد .....الميت آش ايدير في يد الغسال
شاكي واشكايا اشكيتو بالدمعات تجري فوق الخد........شكيت او ما شكيت شكايا بيه انال
رحمة يا مرحوم ما ترحم محروم حرقت ليه الكبد .......عودو راه الوى من لهجر واذبال
ظالم يا مظلو م ظلمتها واظلام حالي وتسود ...........يا نكار الخير تستاهل لا زال
مرغوم امغروم غامرت او لغرام مرغني فالصهد ...زوخي يارحمة اغرامك م لبطال
عمري ما نحساب اغرامك غلاب فالصرعة مجهد ....حتان اصرعني وكرفني بحبال
مقواه ايلا كان قيس على ليلى تمحن وتمرمد .......اللي ما جرب ما يامن بقوال
يا رحمة لفراق بوغة من لشواق فيها نتمرغد.......تشفاي او شفي قليبك من لغلال
شوطني لبعاد باعجاجو وقاد جمرو ما يخمد.....هب اللوم اوزاد للشعلة تشعال
اندادي بالوحشة انهاري نتمشى وليلي نتقند .....نتبرم وانين من شدة لهوال
تبخ لي لعتاب لهوة من لعذاب واعطاني نزقد ..........جغمة عقلي داب في غمرة لهبال
يا ناس الفقرة امالين الحضرة والجدبة والوجد ....عشت اللي عشتوه في سكرة لحوال
يا قاري لكتاب بحرمة لحزاب والسورة والورد ....ادعي لعلى نبرا من لعلال
يا قلبي عافاك ارجع لمولاك بالتوبة وارشد ......واترك من جافاك بزينو يختال
ناظم هاد القول بن الطيب جلول وبن يعيش الجد .....ساكن أرض توات باعمر يالفضال
من مواضيعي
0 نغمات يابسة ((2))
0 نغمات يابسة
0 نخلة** تينيسمت**
0 نخلة** تينيسمت**
0 ستعيش رغم هراوة الحكام ( 02)
0 الشعر الشعبي في منطقة توات
0 نغمات يابسة
0 نخلة** تينيسمت**
0 نخلة** تينيسمت**
0 ستعيش رغم هراوة الحكام ( 02)
0 الشعر الشعبي في منطقة توات
التعديل الأخير تم بواسطة جلول بن يعيش ; 22-12-2010 الساعة 04:04 PM
