تسجيل الدخول

السَّلامُ علَــــيْكُمُ
طبق اليوم هو قراتان بالباذنجان بطريقة مميزة اكتسبتها عن جدتي رحمها الله واسكنها فسيح جنانه ،

المقادير:

لحم مفروم ، باذنجان عينك ميزان حوالي كيلو ، بصل مفروم ، زيتون أخضر مقطع قطع صغيرة ، فغوماج غابي ، بيض حوالي 4 ، معدنوس ودبشة وكرافس ، توابل ،

التحضير :

قطعي الباذنجان قطعا رقيقة طوليا واقليها في الزيت -نصف قلية- ومن جهة اخرى قلي البصل واضيفي له اللحم المفروم وتبليه وملحيه ثم أضيفي له الزيتون وااتركيه الى ان يطهى

ثم لفي اللحم المفروم بالباذنجان المقلي
وضعيه في المول المدهون بالزبدة وصطفيه حتى تكملي


، بعدها اخفقي البيض واخلطي معه القليل من المعدنوس والكرافس والدبشة ثم اسكبيه في المول وذرذري الجبن المبشور على الباذنجان

اطهيه في الفرن ، وشهية طيبة
، ’وهذا شكله بعد الطهي’







هو بنين ويعجبني ، لانو جدتي ربي يرحمها كانت تعملهونّا
أسْتَغْفِرُ الله وأتُوبُ اليْه

راااااائع انا احب البدنجال بجميع انواعة تسلم يديك

السَّلامُ علَــــيْكُمُ
الله يحفظك طاطا ام زيزو انا ثاني نحبووو بزااف هههه ، شكرا لمرورك العطر
أسْتَغْفِرُ الله وأتُوبُ اليْه

يعطيك الصحة اميرة رااكي سااجية في المطبخ

فكرة جميلة دورك نجربها

رب يرحم جدتك ويتغمدها برحمته الواسعة

تعرفي انا اثق في وصفات جداتنا بالرغم ماكانش ميزان يعتمدون على العين فقط

الا انا النتيجة داايما تجي نااجحة ..

انا دايما تشوفيني مع النسا الكبااارات ونجدرد العادات والتقاااليد باش نرسخها في ابني وابناء اخوتي مانخليش عاداتنا تروح هباءا منثورا


رااني كثرت الهدرة
رب يحفظك اميرة

السَّلامُ علَــــيْكُمُ




الله يحفظك يا طاطا ويعطيك الصحة مبادرة جميلة كي تحافظي على تقاليدنا وترسخيها في الأبناء ، جزاك الله الفردوس الأعلى ، الحمد لله كي عجبتك ربي يخليك ، اما هدرتك ماطولتي ماوالو راكي مثل العسل ربي يحميك

أسْتَغْفِرُ الله وأتُوبُ اليْه

أمممممممممممممممممممم
انا كي عدت نحب الباذنجان غير نشوفو في كاش طبق يعجبني
و ضركا عجبني بالبزااف و نجربو ان شاء الله
يعطيك الصحة اميرة
سلمت يمناك لما أجادتا

السَّلامُ علَــــيْكُمُ
اللهم آمين ، بارك الله فيك يا غالية نورتي ، بصحتك ، انا أيضا نحب الباذنجان ، ههههه نبعثلك قاجو هههه

أسْتَغْفِرُ الله وأتُوبُ اليْه

روووووووووعة يا اميرة

تشبه طريقتي فقط انا اضع صوص تومات في قاع المول

راني مصورة الغراتان من بعد اضعه هنا

السَّلامُ علَــــيْكُمُ
مرحبا طاطا أم هديل ، صباحك ورد ، نورتي الصفحة ، هذاك لي نديروه بصوص طوماط هو بنفس الطريقة بصح مكان اللحم نديرو الباطاطا بارسكو الباطاطا تجي شايحة شويا ، اني ننتظر باش نشوفو ، بارك الله فيك يا غاليا
أسْتَغْفِرُ الله وأتُوبُ اليْه

اكلة رايعة باش تبدلي تقدري تعملي شرائح الكوسة بدل البيذنجال
نجربها ان شاء الله بارك الله فيك وربي يرحم جداك