Re: باركولي لأني على وشك مغادرة الجزائر الحبيبة الى الابد ...
28-12-2009, 04:12 PM
السلام عليكم ورحمة الله وبركاته
سبحان الله....لما تنصحو يقلك البلاد راهي في يديكم وانا حالي كيما حال معظم الشعب الجزائري.....ولما يعرف بان طفلة يقول البلاد ولات للنسا ماخلاولنا والو......المهم هو راكب في راسو انو يحرق وخلاص.....وين تروح؟؟؟؟ داير في بالك باللي رايحين يستقبلوك بالورد ويعطيولك خدمة وهوما الجامعيين نتاعهم ماصابوهاش..... ولا تحمل الذل نتاع ناس يقول عليك مسلم وارهابي؟.....البارح في محطة بولتون بانجلترا واحد 100 شخص قاعدين يعيطو يامسلمين ياارهابيين اخرجوا من بلادنا......تبالك تعيش في اروبا عزيز؟؟؟؟؟ الناس تبني في قيطونات في كاليفورنيا ونتا حراق رايح تلقى خدمة...تحسب فيها ساهلة......رايح اروبا والناس معلقة السيفيات في صدورهم وهازيت البارلول ويعيطو كاشي خدمة ونتا راجل وفحل رايح تحرق وماقدرتش دير مستقبلك بذراعك كيما داروه خاوتنا في الجزائر.......رايح تحرق لاروبا...روح احرق وقيل يقولولك عربي موسخ اسكت وابلعها لانك رايح تعيش في الذل.....ناس شاتية الذل وتحوس عليه....ربي يهديك واللي يرزقك في الخارج قادر على ان يرزقك هنا....لكن هي كلمات قد تخل من اذن وتخرج من اخرى لانو الشخص المعني ماعلابالو بحت واحد...حتى والديه اللي رباوه وخسروا عليه مايستاهلوش