تسجيل الدخول

*****************رسالة تفقدية**************

عقلي طار ونسال في الخطار*** عياني ذالخاطر عاد ليا ينوض
بيا صديق منمدة غاب علالنضار***ادرق حسو حالي منو ملظوظ
الشيخ علي تقطعت عنو لخبار***شكيتو متنوي راه مني مقيوض
مارنا في العبد لاعيب ولاعار ***واه الواحد فيحبابو ماهو محظوظ
اليوم نخس كي جملت لطيار*** ماعرفتو زهفة ولا فيوعر مقبوض
ماهوش يسال عايف قاع الدار*** يتملص فيملقاي انا ضنيتو محروض
كيدارت ليام ولى خاطرو عزبار*** والعضد ليكان من تنكارو مقروض
هب الخاطر فيجوفي قدحت نار***ذالحبيب ياناس في نومي يهوض
مزيلف حالي مرمي في سبيطار***عاد جسدي ليوم علطبة معروض
قالو ذا المسكين تقواتلو لضرار *** وانا نشوف بلعين مانقدرش ننوض
وليكان هو طبيبي يعطيني عقار***يشفيلي ضر فيدو راني مقبوض
اليوم ذهبت جرتو ردمها القبار *** موالف الفج يوصلني لكبير الحوض
واشندير مجردها لي ذاك القدار*** ومنبكري ذاشيء فيخلايقو ملحوظ
استغفر الله ياشيخ مانيش معار*** جيتك بجاه المرتل فيلوح محفوظ
ياك الدنيا ياصاحبي ليلة ونهار *** والمحبة راها قلوب امامين وحظوظ

كلمات مهداة لكل اعضاء المنتدى دون نسيان كالعادة الاديب علي قوادري واختي خليلة....وشكرا

بـــــــــــــلا تـــــــــــــعــــــــلـــــــــيق

شكرا صوفيا افهمك بارك الله فيك

قرب حبيبنا يا صاحبي يداوي لضرار ..... من شوفت العين المسقوم ينوض
سي علي نعرفو من ناس خيـــــار ......ما يفرقو على معارفو كان المفروض

نعرفو منبكري فارس قهقار *** مولا نيف ينعر على المقيوض
مايتبدا وانا درتو عني دبار *** ربي يجازيه ذا كبير الحوض
شكرا ياشاعرنا زين التعبار ***ابو اسامة جاد بحسن الملفوظ

شكرا لكما الشاعران القديران بوبكر وعبد الوهاب..
محبتي التي تعرفان..

العفو ياسيدي المحترم ادام الله حسنك ومكارم اخلاقك
بارك الله فيك