تسجيل الدخول

سلطت محكمة المسيلة، الإثنين، عقوبة ستة أشهر حبسا نافذا وغرامة مالية قدرها 10 ملايين سنتيم، في حق فتاة، قامت بنشر معلومات مغلوطة عبر مواقع التواصل الاجتماعي، حول وضعية فيروس كورونا بولاية المسيلة.
وبحسب ما أفاد به بيان صادر عن خلية الإعلام والعلاقات العامة بأمن الولاية فإنه، في إطار الجهود المبذولة من طرف قوات الشرطة في مكافحة شتى أنواع الجرائم، خاصة ما تعلق منها بالجرائم المعلوماتية، التي تتعلق بنشر الإشاعات والأخبار الكاذبة، الهادفة إلى خلق البلبلة ونشر الخوف وسط المواطنين، تمكن عناصر فرقة مكافحة الجرائم المعلوماتية، بالمصلحة الولائية للشرطة القضائية بأمن الولاية، من توقيف فتاة مشتبه فيها في العقد الثاني من العمر، قامت ببث مقطع فيديو على المباشر، عبر موقع التواصل الاجتماعي “فيسبوك”، تدعي فيه بعض المعلومات المغلوطة حول الوضعية الوبائية لفيروس كورونا بولاية المسيلة، قبل أيام قليلة، كما قامت بالتشكيك، في عدد المصابين المصرح بهم من قبل الجهات المختصة، ليتم على الفور تحديد هويتها وتوقيفها.
وفي نهاية المطاف وبعد استيفاء إجراءات التحقيق، تم إحالتها أمام وكيل الجمهورية لدى محكمة المسيلة وفق إجراءات المثول الفوري، عن تهمة العرض على أنظار الجمهور منشورات من شأنها الإضرار بالمصلحة الوطنية، متبوع بالقذف عبر مواقع التواصل الاجتماعي.

الامن تاعنا هذا وش يعرف صحا والارقام لي راهم يصرحو بيها
الدولة زعما صحيحة ؟ زعما مكش خفايا اصابات كارثية ؟
وعلاش يدورو لناس لي تعبر ع رايها ؟ ربي يهدي ما خلق

صباحوووووووووو
مهما يكن اختي الكريمة.....الانضباط هو الاساس وان كان فيه بعض الخلل
واما ان نفتح المجال لكل من هب ودب ليبث الرعب في المجتمع باخبار واهية

كما حدث بالامس عندنا ...عشرات الناس دخلت في دوامة من الرعب لمجرد اطلاق احدى الصفاحات خبر بان زوجة فلان مشكوك في اصابتها بالكورونا
80 الف ساكن دخلت في هرج ومرج لان المخلوقة حضرت جنازة ...وبعدها اصابتها نوية برد عادية... وقد اثبتت التحاليل ذلك.
تحياتي

الارقام صحيحة عمو...لانها مقياس مصداقية...واي خلل فسيهدم المعبد على من فيه

ثم اننا في حالة حرب ولا يجوز نشر الاخبار العشوائية...اخبار المقاهي والارصفة...لبث البلبلة بين الناس

شعب من بكري ماشي مربي حبيتوه يكون مربي وقت المرض
قليل وين تلقى ناس واعية وهي فئة قليلة جدا
كان من الممكن تقديم تحذير ماشي لي يجي يحبسوه عصابة
استغرقت منهم عمر كامل بش حكموهم وكي حاكموهم كل مرة
يديرولنا تمثيلية ونديب وحريد المهم كانو قادرين يديرو تحذير
يوصل التحذير ثالث لتم يُتخذ الاجراءات بالحبس وغيرو
ف بلاد من ومن يمد بروصي وتحذير ويتربى عادي

القانون واضح وصريح في كل دول العالم حول نشر الاخبار الكاذبة ...وبالتالي فهو لا يحمي المغفلين او المترصدين..... التقلاش موش في اللعب بمصائر الناس ....لو ينشر واحد خبر يخصني ...نكالو كبدتو.

السلام عليكم ورحمة الله وبركاته
يا ختي التحذير داروه كي علنو على القانون ..وكاين ناس تستغبي القانون في بالها رايحة تسلك ..
وكيما قال ربي في القرآن 【...والفتنة أشد من القتل...131】 من سورة البقرة.
ياختي ناس راهي احكمها الوسواس وناس راهي ماترقدش غير من الخوف ..حتى لو كانت الأرقام خاطئة باش ما يهولوش الحالة وما يخوفوش الناس وزيد ياك دارو الحجر باش ما تنتقلش العدوة علاش الناس ماراهيش تطبق وتستهزا بالوباء مي كي توصل للناس العزيزة عليهم لتما يحسوا بيها ويعرفوا قيمة القوانين المفروضة.

ربي نعرفوه وقت الازمات هكذا نفهم كلامك !
يستمى الموت ما ينخافش منه والمرض يتخاف منو ؟
كيفاش الاحصائيات لازم تكون كاملة لمعرفة الحقائق وناس تخاف صح تشد دارها وتبلع من فوق بصح يحبو يبينو رواحهم فحولة وماشي خايفين ع ارواحهم وأهلهم .. هيه حت انا منيش متأكدة من الاحصائيات الكاملة لي راهم يحطو فيها عكس الدول لي من ومن ونزيدك انا حياتي تقريبا اكل ف لغربة والنظام الغربي أفهم وأوسع ثقافة علم من النظام العربي تحسب حظيرة المواشي حاشى لي ما يستاهلش .. واما قضية التهويل والخوف لي مكتوبة من عند ربي أهلا وسهلا فيها ..

السلام عليكم
مانكذبش عليك راني عاودت قريت الشي اللي أنا كتبتو شحال من مرة بالصح مالقيتش الشي اللي راكي فهمتيه ولقيت باللي أولتي كلامي أو بالأحرى لم تفهمي القصد !
يا ختي رانا عايشين في بلاد وحدة ونعرفو طبيعة شعبها تقوليلي نخافو من المرض ومانخافوش من الموت ونقولك تاني باللي لوكان تدخلي لأي بيت جزايري تلقاي على الأقل شخص مريض والإمكانيات غير كافية للعلاج يعني ما يخافوش المرض يخافو الألم..وبالمعنى الأصح الموت يلاحقنا في كل دقيقة.
لماذا نعرف الله إلا في الأزمات ؟ هذا غير صحيح البتة فالشعب الجزائري شعب مؤمن ومتآخي في الأفراح وفي الأقراح .
واش بيها الدول الأخرى كيفنا كيفها كلنا بشر وهم يخافون من الموتأكثر منا..زعما يقولو متقدمين بالصح الإنسانية عندهم منعدمة ياختي يحرقو الموتى!؟
تقولي مايخبوش الإحصائيات الحقيقية ولكن مالفائدة فكل سواء ..يزعمون التقدم وينسبون فشلهم إلى بعضهم البعض.
وأخيرا أحمد الله أني عربية مسلمة ..والحمدلله أني أعلم أن لنا ربا نلجأ إليه في السراء والضراء.

الله يجيب الخير انا قريت ردك وشفت وش قصدك عادي انه انتِ ما تشوفيش وش ف راسي انا ثانيا الشعب طول عمرو يخاف من قلة المادة
والحيلة والمرض ثالثا مفروض سي تبون يدير امكانياتو ويسترجع الاموال المنهوبة ويبني مشافي ومراكز بلا ما يحرقو ولاد بلادي للخارج
يا يموتو ف وسط بحر يا يتمتعو بيهم دول ويكبرو بيهم بلا ما بلادنا تحرق العبد من ساسه رابع كل واحد ورأيه أختي ونتمنى ربي يرفع البلاء ويصلح حالنا