تسجيل الدخول

ايا واش كاين واش بيكم واش هاذ الحالة واش هاذ الهم الي انزل اعليكم!!!!! ...واحد اعس في المشطة انتع اللاعبين او واحد اعس فيهم في حياتهم الخاصة او واحد قال لا ما يرقصوش او ما اغنوش ...يا جماعة لعلا حاسبين ارواحكم اشريتوهم هاذ اللاعبين من سوق العبيد ولا راهم من الورثة انتاعكم ..اشكون منكم احب الناس اتعسو الي جوابو انا احطلنا تصويرتو والتلفون انتاعو او لادريس انتاعو والباقي علينا ذرك نجبدولو الخايب انتاعو قبل لمليح ....عندنا فريق رايح لكاس العالم باش اشارك انجح الف مرحبا افشل 100 مرحبا والسلام ....بلاد الي ما عندهاش مركز تدرب فيه والناس تطلب في النتائج !!!!!!!!!!! ابلاد الي ما فيها حتى لاعب من بطولتها في فريقها الوطني تطلب في النتائج في كاس العالم !!!!!!!!!! ابلاد الي شعبها اليوم معاك او غدوة ضدك لاتفه الاسباب _ والحمد لله هاذم راهم قلال__ كلامي راه غير في الرياضة__ وعاش من عرف قدره __لن يصبح فريقنا قويا ومحترفا حتى نصبح نحن انصاره انصارا انتاع الصح في الصراء والضراء _لا ننتقد الامور الخاصة _لا نشتم_لا نفتن_نتعلم الصبر_نتعلم الروح الرياضية_نحترم بعضنا_اتحبو تعرفو وعلاه الانجليز خير منا او من حقهم اقولو بلي رايحين يقصفو علينا ?????بورتسمونث في اخر مقابلة فريقها اهبط والشعب اغني لفريقهم باسلوب رائع لانهم يعلمون ان هذا هو واجب المناصر ..اما نحنا ندخلو في التشكيلة في الحكم في المشطة في بنت عم اللاعب في الرقصة في الضحكة .المهم الصحافة مرقتها او كمل اعليها اشباه الانصار او ربي يستر .

واش اتحب نقولك الله يدينا اجمعين

ربي يهدي الي راهو يهدر ويعمي فيها ويزيد
ومشكور على الطرح

شوف ما يعجبك انت قد لا يروق لغيرك انا لا ادافع عن احد لكن المجتمع الجزائري محافظ وانت ايضا تجاوزت الحدود تقول اشباه الانصارفماذا انت افضل احترم رايك وعليك انت الاخر احترام اراء الاخرين

بعيد الشر عليكم يا صاحبي ...اهدرلي بالون نسمعك او نفهمك بصح تهدرلي شعرو او منقاشتو او رقصتو او ...هاذي لا .. هاذي عيب اهنا رانا اتعدينا حدودنا وادخلنا في الحرية انتاع الاخرين .صدقني لوكان انت شخصيا تعلم بلي ينتقدو لبستك او شعرك او هدرتك واعسوك في حياتك الخاصة والله اتروح مع الفريق الوطني

امين الله يهدينا اجمعين ... والله كاين ناس تكتب في مواضيع كي نقراها انقول الي اكتبها عندو 12 سنة في عمرو ..وانا متاكد ان هاذ الفئة راه كبيرة عندنا ....شكرا على تفهمك وعلى مرورك

لا افرض راي على احد __ اما عن ان الشعب الجزائري محافض انا معك وانا لا ارى اي دخل للاعبين او المدربين في هذا لانهم لم يسيؤو لهذا المجتمع حسب علمي وهاته الامور نتركها للخالق هو من له الحق في محاكمتنا _ نعم اقول اشباه الانصار اليوم وغدا وانا افضل منهم والحمد لله انا اناصرهم فوق البساط الاخضر وخارجه لا يهمني ما يصنعون ..في احد الايام كان الشيخ العربي التبسي رحمه الله في السوق فراى اناس ملتفون حول رجل يضرب البندير فلما جائهم شرطي فرنسي فرقهم فقال الشيخ ماذا تنتضر من اناس جمعهم بندير وفرقهم رجل واحد وعليك ان تقيس .اقرا ردي ولا اطلب منك تبنيه. شكرا

والله ضحكتيني ..مع هاذ النوع من الانصار استني كل شيئ وانا متاكد انهم لن يتفقو حتى على الجنية الزوجة القادمة لغزال كل واحد احب اجيبلو جنية يعرفها .شكرا لمرورك وكم كنت ساكون سعيدا لو كان الحال غير الحال

جزائر يا لحكاية حبي *** و يا من حملت السلام لقلبي

و يا من سكبت الجمال بروحي *** و يا من أشعت الضياء بدربي

فلولا جمالك ما صحّ َ ديني *** و ما أن عرفتُ الطريق لربي

و لولا العقيدة تغمر قلبي *** لما كنتُ أومن إلا بشعبي