نوفمبر تاريخو ظاهرقصيدة ألقيتها في الذكرى 57 لثورة اول نوفمبر
04-11-2011, 10:27 AM
ما نعشق ســــــوى الجزائر أرض الثــــــورة والثــــوار
نوفمــــــبر عز اللي ثايــــر حــــــرر وطنــــــو بافتخار
ما لْاوراس جات البشايـــــر فجرناها امع لفجــــــــــــار
ماقبلناش الظلم الجايـــــــــر رافضــــــين الاحتقـــــــــار
واركبنا هول المخاطــــــــر وازرعناها شــــــوك او نار
بن بولعيد واصحـــابو ياسر منهــــــــم داخ الاستعمـــــار
كبرنا واباذن القـــــــــــــادر جبنا او جــــــانا الانتصـــار
رغم الشـــــدة والمناكـــــــر والحلف اللي جا جـــرجـــار
والســـــلك اللي بنا دايـــــر واعســاكر لبجــــر بيجــــار
واتحزمنا امـــــدن وامداشر للجـــــــهاد هانت لعمـــــار
اسقيناها بالدم الخــــــــــاثر وافدينا بنت الاحــــــــــــرار
مــــــاذا من دول اتــــــآزر واتناصـــــر من كل اقطـــار
واتساند في الشعب الصـــابر جرايد صحــــــف واخبـــــار
واسلحة مِؤن واذخـــــــــاير واتجيـــنا من كل امصــــار
والراية باهلالها نايـــــــــــر واتوحـــــدنا ابذا الشعــــــار
سبع اسنين والحــرب الداير ما جاب امعانا حصـــــــــــار
خاضــــــــوها ابطال مغاور في الحروب ظـهروا شطــار
أوساريس متبقي حـــــــــاير لاكوســـت والاستــــكبــــــار
معركة الجرف او ثامـــــــر او فيهم صار اللي مـــا صـار
كبـــــــــــرنا واباذن القادر جبنا او جانا الانتصـــــــــــار
نوفمبــــــر تاريخو ظـــاهر لا جاحد منا نكـــــــــــــــار
ارحمــــهم وانت يا غـــافر ذوك الشهـــــداء لبـــــــــرار
بن شعبان ذا اسم الشـــاعر جاب اكلامو باختصــــــــــار.
canadjibb@yahoo
مواضيع العضو مشاركات العضو
من مواضيعي 0 مكتوب
0 نوفمبر تاريخو ظاهرقصيدة ألقيتها في الذكرى 57 لثورة اول نوفمبر
0 انت يا شروق
0 جابتني امرا (شعر شعبي)
0 وقت الشدة(شعر شعبي)
0 ذيك الغرسة (شعر شعبي)