تسجيل الدخول

السلام عليكم و رحمة الله تعالى و بركاته
نحكيلكم حكاية مع احلامي بالشعر الطويل
وحد النهار ندت الصباح و امنيتي ان يكون شعري طوييييييل كالهنديات احم احم المهم بديت نبدل من فيديو لفيديو و لقيتهم يتفقو على وصفة الثوم مع زيت الزيتون المهم درتها في شعري و الفاجعة الكبرى بعد ما غسلتو ماراحتش ريحة الثوم
غسلتو 20 مرة بلا فايدة و درك عندي 10 ايام كي يكون شايح تروح الريحة و كي نغسلو تعاود ترجع ندمت ندما مريرا على الامنية .
و درك لي جربت الثوم في شعرها من قبل تقولي قداه تقعد الريحة في شعري و لي عندها حل لهادي الريحة تجري تقولهولي و ربي يجازيها خير جزاء .




في انتظاركم حبيباتي

ههههههههههه والله غير دخلت على جال موضوعك رغم انو قرايتي متراكمة امونة شوفي الريحة طول باه تروح ثلاث اشهر على الاغلب مي نتيجتو مليحة بشهادة اللي جربوه انا مالقيتش وقت باه نجربو راني ندير غير في ماسك لوريال كيميائي كنصيحة برك تبعي الطبيعي اذا مافادش ما يضرش و الثوم بزاااف بزاف اللي قالوا مليحة المشكل فالريحة برك طول باه تروح

إيمانو انا عكسك احب الشعر القصير،،، لكن من قال لك ان الثوم يطول الشعر ؟؟؟؟ انا استعمله مرة في الأسبوع من اجل التساقط،،، لشعري يتساقط بسبب الأنيميا ،،، ذهبت لطبيب الجلد و اعطاني ادوية تحسن شعري كثيرااااا و اصبح باروكة،،، لكن بمجرد توقفي عن الدواء يرجع يتساقط،،، حتى جربت زيت الزيتون و الثوم و الحمد لله جابت نتيجة،،، لكن لا توجد رائحة ابدااااا ،،،،، اغسل بشمبوان ثم بلسم ،،، ثم ماسك و اتركه 10 دقائق ،،، انا استعمل كولكسيون نتاع gliss ،، العلبة البنفسجية،،، و الله الماسك يخلي رائحة شعرك تهبببببل

اما اذا اردتي ان يطول شعرك و يرجع حريييير،،، فإليك الوصفة و المداومة ،،، مرة أسبوعيا ،،،، خذي اربع ملاعق حنة ورقية ،،، ماشي الكميائية،،، يعني اشري الاوراق و دڤيهم و زيدي اربع ملاعق سدر مطحون و اربع ملاعق مايوناز و زيت زيتون،،، و افردي الوصفة على طول شعرك و غطي شعرك بكيس بلاستيكي و بوندانة،،، و خليها اربع ساعات،،، و اغسلي،،، و رديلي خبر،،، من اول مرة تحسي و كانو درتي الكيراتين لشعرك ،،، اذا كان شعرك اسود،،، رايح يرجع لون يهبببببل،،،، ربي يرزقك ابن الحلال

مرة كنت ادردش مع صديقات خليجيات و تكلمنا عن الشعر و العناية به،،، الكل يستعمل الثوم و زيت الارڤان من اجل تطويل الشعر و قالولي انهم بعد الغسيل يبخرون شعرهم بالمبخرة ،،، و يشطفون شعورهم بمغلى المعدنوس و القرنفل لانه يمتص رائحة الثوم،،،،،جيت نعاندهم خفت نشوط شعري *_^

شكرا حبيبتي كي دخلتي على جالي
يااااااا ويلي كان قعدت الريحة 3 اشهر اكيييد تجيني حالة اكتئاب لاني مغرومة برائحة الشامبو واش راح يصبرني
راني مقتنعة بلي الثوم مفيد على قد ما شكرو فيه بصح هدي تجربة مستحيل نعاودها .
تسلمي على الرد حبيبتي

ربي يشفيك حبيبتي و يحميك و يحمي شعرك
بالنسبة لموضوع الثوم مع زيت زيتون شفتها في يوتيوب قالو يولي شعرك طويل كي تاع الهنديات
المهم بإذن الله نجرب الماسك gliss و نخبرك بالنتيجة و ادعيلي تروحلي الريحة
بالنسبة لابن الحلال عندي اكتر من عام و انا في دارو طاطاتي
ربي يحفظك غاليتي

ههههههههههههههههه انا تاني لقيت في النت هادي لحكاية تاع استعمال البخور بصح خفت نديرها .
جربيها طاطاتي و علميني في الطريقة

شكرا جزيييييلا عمو ابو اسامة ساتفرج على الفيديوهات عساني اجد حلا .
و شكرا على التعديل الصورة معبرة جدا جدا

السلام عليكم و رحمة الله تعالى و بركاته
سأكمل سرد تجربتي مع الثوم إلى أن اتخلص من الرائحة نهائيا لتستفيد كل من مرت بمثل حالتي مستقبلا و رجاءا من المشرفين من قرأ تعليقي يعدل لي العنوان :
"يا نساء المنتدى أنجدووووني ... رائحة الثوم في شعري"

بعد ما مر 14 يوم من وضع الثوم استعملت مغلى المعدنوس على شعري و تركت اوراقه ايضا فوق شعري وتركته لمدة ساعة ثم غسلت شعري.
في اليوم 15 وضعت النيسكافيه لمدة 10 دقائق و غسلته والنتيجة خفت الرائحة بنسبة كبيرة و الحمد لله لا انكر انها مازالت قليلا عندما يكون شعري مبلل اما بعد تنشيفه فتبقى فقط رائحة الشامبو مع العلم اني استعملت النيسكافيه في الايام الاولى لكن دون جدوى.
اذا جربت شيئا آخر سأخبركن بنتيجته حتما.
دمتم سالمين