|
تارت تفــــــــــــــــاح من مطبخي ...
السلام عليكم ...
. . . . . . البارح صنعت تورتة التفاح ... ذوقها جميل ... الشكل ديفورما شوي ... . . . . . . . المقادير: . اولا العجينة : (مقادير خاصة بقالب لاربعة اشخاص) . . 125 غ فرينة + قرصة ملح 60 غ زبدة (حرارة الغرفة) 15 غ سكر صفار بيضة 25 غ ماء = 2.5 سل . . . . باقي المقادير: . . . 5 حبات تفاح متوسطة الحجم ملعقة كبيرة سكر ملعقة كبيرة عصير الليمون . . . . . طريقة التحضير: . . . . العجينة: . . . نضع الفرينة ثم الزبدة و السكر و باستعمال اصابع اليد نخلط الفرينة بالزبدة حتى تتشربها ... نصنع قبة بالخليط و نحفر في الوسط ... ثم نضع صفار البيضة و الماء و نخلط بسرعة حتى تتشكل العجينة ... ثم باستعمال كف اليد ندلك العجينة قليلا لكي تتشرب الزبدة و الصفار ... ثم نتركها ترتاح في الثلاجة ... . . . . . الحشو: . . . نأخذ حبتي تفاح نقشرها ... ننزع اللب ... و نقطعها قطع صغيرة ... في اناء على النار هادئة طبعا (مثلي) نضع قطع التفاح ملعقة السكر و ملعقة الليمون نخلط قليلا و نغطيها ..... اذا كان التفاح قاسي نوعا ما يمكنك اضافة ملعقة كبيرة من الماء .... لما تنضج نرحيها .... و نخليها تبرد في الثلاجة ... . . . . التزيين : . . نقشر باقي حبات التفاح ..ندهنها بالقليل من عصير الليمون لكي لا تفقد لونها ... ننزع اللب ثم نقطعها قطع طوليا متساوية سمكها حوالي 2 مم . . . . . الاعداد: . . . نأخذ العجينة نحللها بالحلال ... ثم نضعها في اناء مدهون بالقليل من الزبدة ... و باستعمال شوكة نثقبها في اماكن متفرقة ... ثم نضع الحشو .... و نزينها بقطع التفاح (يشكّل حسب الرغبة ) ... ترش عليها القليل من السكّر و القرفة ... (ماكانش عندي القرفة مرحية استعملت عود قرفة في الوسط ) . . . . . http://im36.gulfup.com/jDyFQ.jpg . . . . . . ثم ندخلها الفرن د= 200 لمدة 30 __ 35 د ... . . . . . . . http://im36.gulfup.com/JuNwG.jpg . . . . . . ذوقها رائع لكن الشكل خانني قليلا ... :10: . . . . . http://im36.gulfup.com/hAANx.jpg . . . . . . نتركها تبرد ثم نقدمها ... . . . بالصحـــا و الهنــــا :13: |
رد: تارت تفــــــــــــــــاح من مطبخي ...
امووووت انا على التفاح المحروڤْ:8:
شكلها جمييييل بصح قوليلي العجينة هي عجينة بريزي و هل طيبتي العجينة اولا ام الكل مع بعض جااااااري التطبيق رآه عندي حْبيبات تفاح:1: نطبق الوصفة خير ما نْقَزْهُم:8: |
رد: تارت تفــــــــــــــــاح من مطبخي ...
اقتباس:
. . . . تفاحي ماشي محروق هذاكـ بغونزاج ... نعم عجينة البريزي صنعتها بيديا .... :10: ... يا حياة عينيا ... لالا الكل طابوا في رحبة (مع بعض) ... شكون جارك البطريق ؟؟ :19: . . بحال عندك السنين باش تقــــــــــــــزي :5: هو يلصق فمكـ في التفاحة استحذري ... . . . |
رد: تارت تفــــــــــــــــاح من مطبخي ...
رووووووعة يا هجوووورة
هذا نشااط ولا خلي الله يباارك راني ديجا محضرة وحدة كيفها بصح ماقعدتش بااش نحطها دمت متالقة |
رد: تارت تفــــــــــــــــاح من مطبخي ...
اقتباس:
. . . . ربي يحفظك ام خيروا و يبارك فيكـ ... الحمد لله عجبتكم ... ماراحش تعبي خسارة ... . . . . |
رد: تارت تفــــــــــــــــاح من مطبخي ...
عيني عليك يا ختي تجنن بصح عندي الماندرينة تصلح في بلاصة التفاح ؟ههه تسلم دياتك سخفتينا
هكذا خير من القزان |
رد: تارت تفــــــــــــــــاح من مطبخي ...
اقتباس:
. . . . ههههه ضحكتيني ... تعرفي البارح الحشو الاول تحرقلي ... قالي زوجي استحذري في المرة الثانية راني ما نروحش نشري .... قتلوا عادي يلا كمل التفاح كاين التشين (البرتقال) ... . . . . ربي يحفظك على المرور الطيب ... جربي بالماندارين بلاك يكون عندك براءة اختراع .... . . . :15: |
رد: تارت تفــــــــــــــــاح من مطبخي ...
هههههههههههههههههههه لالا حبيبتي ما تلعبيليش بالديسار نتاع العيلة جربي انت ولما تنجح جربها بالكيوي
|
رد: تارت تفــــــــــــــــاح من مطبخي ...
اقتباس:
قاتلك برونزاج يا أم هاديل هي الحلوة مرتبة و أنيقة بصح طولت عليه شوية في الفرن و نسات تدهنها بالنباج حتى تعطيها لمعان و بريق يحبب الناس في تناولها لو كان جت من أختي هاذي كنت طبعتها في وجهها الحمد لله إلي من هاجر و هاجر بعيدة عليا و إلا كنت شبعتها معايرة ههههههههههههههه نكرها في جد جد الكوزينة |
رد: تارت تفــــــــــــــــاح من مطبخي ...
اكيد اكيد راح نجربها ساهلة و باين ماتديش الوقت
سلمت يداك طاطا تحياتي |
| الساعة الآن 09:06 AM. |
Powered by vBulletin
قوانين المنتدى