تسجيل الدخول

من نهار سرقولى سباطى نايك اير ماكس وانا نخطط باش ننتقم من سراقين السبابط عند الجوامع

رجعت للدار وجبدت سباطى القديم الزلط مانقدرش نشري سباط الجديد لازم نستنى رمضان الجاى وندير حالة في مارشي بزلابية وقلب اللوز وحشيشة الشربة ومعدنوس كى نتفكر شهر وانا تحت الشمس نعيط وندير لومبيونس


تغيضنى عمري و ايرماكس ونوض نبكى وبلاك ربي عاقبنى باسكو زلابية كان يطيبها كريمو تشيبالو جارنا ماتشي نتاع بوفاريك

بعد ثلث سنين من تقاعد جبدت سباطى القديم وبستو من راسو...يستهل بوسة باسكو انا نعفس عليه احنا نبوسو غير لى يعفس علينا لى نعفسو عليه قاع مانبوسوهش ومانعرفوش قيمتو
مالقري سباطى وليد الحرام منين ذاك يضحك في وجهى ضحكة صفرة كى نطيح في الدرج ولا نخبط رجلى في حجرة ومبعد نجري انا بيه عند كوردينى ونقولو داويه وزملو فمه
بصح سبحان الله سباطى على فراش الموت ويضحك وكل مصيبة تصيبو تلقاه يضحك ماشي كى ما انا تقرسنى ناموسا نقولها روحى ينعل دين دانغ دونج


وحاجة اخري انا ديمقراطى بصح سباطى مانخليهش قاع يعبر على روحه غير يضحك نسسدلو فمو

وصلت للجامع نحيت صباطى خطة نتاع انتقام وصل وقتها ووصل وقت باش نفارق صباطى كان المنظر مؤثر حسيتو راه يقولى ماتخلينيش وحدى في العذاب من غيرك انت انا ماعندى احباب
وانا غايس في هذا الجو الرمانسي جا طبطب صاحبي على ظهرى وسلم عليا فاكتمل المشهد المحزن

سلمت على صاحبي وقلتو روح روح ماتخسرليش الخطة
ومبعد رميت صباطى باش يثير انتباه السراق دخلو قاع مصلين وبقي واحد متاخر قتلو في قلبي توشيه دوك يا وحد الـطحان......

بصح كمل ودخل سمعت المقيم اقام الصلاة دخلت وقلبي معلق بسباطى كملنا الصلاة وقلت نخرج روطار باش نقبض السارق ولى عسلو ولي شافو وسكت الخطة ماتبدلتش كى يسرقولى هذى المرة السباط نسرق ثلاثة
ولكن المفاجاءة كى خرجت لقيت سباطى

نسيت صباطى ماكنتش فيه علامة نايك او بيما او اديداس الخطة الجاية نلصق في واحد ماركة نايك والاخر بيما ولسمان اديداس

مال هي الفائدة من هذه الحكاية...؟؟؟؟
قرأتها...بتمعن...
لحاجة الشابة في كلامك..
كي قلت حنا نبوسو غير لي يعفسو علينا مي لي نعفسو عليه ما نديرولو حتى قيمة...
وراء الكلمات هاته يا خو... معاني كثيرة...و جد مؤثرة..
مي باش تدخل تصلي و نتا مزال قلبك في صباطك هادي شويا طايحة...
تبيع زلابية بوفاريك...شحال نحبها...
نعود نجوز و نشري عليك هاكدا باش تساعدني هههههه
دمت اخي