جار عليا الهم
01-08-2008, 07:01 PM
الشيخ عبد القادر الخالدي
جار علي الهم و كثر تشغابــــــــي ------ و تشرتل شمل كان في العز ملايم
ما نجدوني رجال عند اضطرابي ------ و بقى بــــــــي العود و العادي زادم
حبابي في المضيق ذلوا و اصحابي ------ و درق من كان في الوسع يخصل بالفم
برد حمانهـــــــا يدي نكرت جيبــي ------ حط الطرف الرواق و المبسم درمــم
شفاي على جوانحـــــــي دق طنابه ------ عطلنــــي مـــا جبرت للجوابة منجم
رديت على كيوس لكراب بكروبي ------صبيت دواء الهم في المدام و رحت عاد
كاس وراء كاس من شروقي لغروبي ------ و هديت القيل رادف القال و يشرم
عيطة من عابني و جرح في حزبي ------ و عيطة من حن لي و سلاني في الغم
و عيطة من هابني و عمد لعتابي ------ و عيطة من خاطي المسايل و تفردم
ما عرفوا علتي و لا واش سبابي ------ ما سقصاوني نعيد ما راني كاتم
و اجي لاجي و غاب طبي و طبيبي ------ شاكي باكي و طالبي و حكيمي صم
الغربة و الفراق و الشوق و حبـــي ------ و الغيظ مع خويض عقلي و الألم
راني مضيوم فوق ما يحمل قلبي ------ و علاش تزيدني بلومك يا الايم
خلي بيني و بين ربي يــــا عربي ------ لا تقهرني بلوم و انايـــــا كاظم
ماك والي لامر م العرب و لا نبي ------ تنهي و الا تحد من هو مجرم
ماك شقيقي و لا قريبي و نسيبي ------ ماك شريكي و لا و كيلي و لا عم
بويا يومًا مات خلاني حربــــي ------ و قريت على رجال قرحوا في ذا الهم
نلعب لعبي المصححه من تجريبي ------ ما نلعب لعب حد عني يتفيهم
لعبي لعبي اللي نتج لي من لعبي ------ لعب الغاشي الا قجارة و قجايم
اذا لعبـــــي مليح نلت مآربــــــي ------ و اذا لعبي قبيح سوف نتعلم
ما شفنــــا زيد زاد اديب مربـــي ------ ما شفنا عمر جاء بلا ما كتب عالم
ضابط شغالي و عاز رجالي و وجابي – و رسمت على سابقي ثلث حكايم
شوفي يا عين لم يا قلبي و خبي ------ و اسكت يافم شد لعنانك و الزم
و اذني طرشة على تسرسك الغيبي ------ تقدي النار و جنابي سالم
هذا محمود سيرتي هذا دأبي ٍ------ هذا شأني مع القضاء و الله عالم
دعني دعني يا لايمي نسرد مكتوبي ------ ماشي الا انا لتح شقفي في ذا اليم
ماذا مثلي اللي ركب زي ركوبي ------ و اداه اللج طول و مع الحال سلم
اصفى لله خير لك و اترك صوبي ------ ما تعرف يوم باش يرميك الحاكم
ذا رب خبير راه داري بك و بي ------ من شانه العفو و من شانه يرحم
باصر غاني على عيوبك و عيوبي ------ فعال لما يريد يغفر و يناقم
الهم على العباد ظاهر و مخبي ------ و الدهر غرايبي و ابن آدم ظالم
جار علي الهم و كثر تشغابــــــــي ------ و تشرتل شمل كان في العز ملايم
ما نجدوني رجال عند اضطرابي ------ و بقى بــــــــي العود و العادي زادم
حبابي في المضيق ذلوا و اصحابي ------ و درق من كان في الوسع يخصل بالفم
برد حمانهـــــــا يدي نكرت جيبــي ------ حط الطرف الرواق و المبسم درمــم
شفاي على جوانحـــــــي دق طنابه ------ عطلنــــي مـــا جبرت للجوابة منجم
رديت على كيوس لكراب بكروبي ------صبيت دواء الهم في المدام و رحت عاد
كاس وراء كاس من شروقي لغروبي ------ و هديت القيل رادف القال و يشرم
عيطة من عابني و جرح في حزبي ------ و عيطة من حن لي و سلاني في الغم
و عيطة من هابني و عمد لعتابي ------ و عيطة من خاطي المسايل و تفردم
ما عرفوا علتي و لا واش سبابي ------ ما سقصاوني نعيد ما راني كاتم
و اجي لاجي و غاب طبي و طبيبي ------ شاكي باكي و طالبي و حكيمي صم
الغربة و الفراق و الشوق و حبـــي ------ و الغيظ مع خويض عقلي و الألم
راني مضيوم فوق ما يحمل قلبي ------ و علاش تزيدني بلومك يا الايم
خلي بيني و بين ربي يــــا عربي ------ لا تقهرني بلوم و انايـــــا كاظم
ماك والي لامر م العرب و لا نبي ------ تنهي و الا تحد من هو مجرم
ماك شقيقي و لا قريبي و نسيبي ------ ماك شريكي و لا و كيلي و لا عم
بويا يومًا مات خلاني حربــــي ------ و قريت على رجال قرحوا في ذا الهم
نلعب لعبي المصححه من تجريبي ------ ما نلعب لعب حد عني يتفيهم
لعبي لعبي اللي نتج لي من لعبي ------ لعب الغاشي الا قجارة و قجايم
اذا لعبـــــي مليح نلت مآربــــــي ------ و اذا لعبي قبيح سوف نتعلم
ما شفنــــا زيد زاد اديب مربـــي ------ ما شفنا عمر جاء بلا ما كتب عالم
ضابط شغالي و عاز رجالي و وجابي – و رسمت على سابقي ثلث حكايم
شوفي يا عين لم يا قلبي و خبي ------ و اسكت يافم شد لعنانك و الزم
و اذني طرشة على تسرسك الغيبي ------ تقدي النار و جنابي سالم
هذا محمود سيرتي هذا دأبي ٍ------ هذا شأني مع القضاء و الله عالم
دعني دعني يا لايمي نسرد مكتوبي ------ ماشي الا انا لتح شقفي في ذا اليم
ماذا مثلي اللي ركب زي ركوبي ------ و اداه اللج طول و مع الحال سلم
اصفى لله خير لك و اترك صوبي ------ ما تعرف يوم باش يرميك الحاكم
ذا رب خبير راه داري بك و بي ------ من شانه العفو و من شانه يرحم
باصر غاني على عيوبك و عيوبي ------ فعال لما يريد يغفر و يناقم
الهم على العباد ظاهر و مخبي ------ و الدهر غرايبي و ابن آدم ظالم
[SIGPIC]https://scontent-mxp1-1.xx.fbcdn.net/v/t1.0-9/21032558_1535798633150991_3828048114234565275_n.jp g?_nc_cat=0&oh=fc672f4f4a3d4f1a3b6c16149c40ddf6&oe =5BA881B9?type=sigpic&userid=1506&dateline=1414496 936[/SIGPIC]
و الشعر ماذا سايبقى من أصالته
إذا تولاه نصاب و مداح
إذا تولاه نصاب و مداح
الثورة وقودها الفقراء يقودها الأغنياء و العلماء و يجني ثمارها الجبناء و العملاء
أنا " محمد مخفي "
أنا " محمد مخفي "
من مواضيعي
0 أيها الشعب
0 شهرزاد تحرق وهران…..بقلم محمد مخفي الجزائري
0 شهرزاد تحرق وهران…..بقلم محمد مخفي الجزائري
0 قم فينا.
0 يمكن لو......
0 كلمة السر...عصفورة
0 شهرزاد تحرق وهران…..بقلم محمد مخفي الجزائري
0 شهرزاد تحرق وهران…..بقلم محمد مخفي الجزائري
0 قم فينا.
0 يمكن لو......
0 كلمة السر...عصفورة
