تسجيل الدخول

ترفعت عن الدنس فأولاك الله المجد وأرغمه تحت أقدامك زاحفا ، في زمانك أخصب العيش ، وفاض المال ، ونشطت الحركة .
وبفضل إنجازاتك الكبيرة لشعبك ، نحن الآن على الأنترنت نتواصل ونتحدث عنك في غرفة واحدة ، بعدما عمت شبكة adsl كل ربوع الوطن الممتد ,
ونتدفأ في بيوتنا بغاز المدينة ، بعد أن عانينا طويلا مع (البرد)
هذه بعض محاسنك القريبة مني ، والتي أشعر بوجوب شكرك عليها ، فأنا أكتب من ريف بعيد عن المدينة ،
ستنتصر بإذن الله لينتصر الشعب معك ، فمازلنا بأمس الحاجة إليك :
و أسمح لي أن أقبل جبينك يا يأبي يا سيدي عبد العزيز بوتفليقة .

عيدك مبارك يا سيدي الرئيس وكل عام وأنت بخير ,
وحفظك الله من عين الحسود ، ودمت لشعبك ذخرا ومكسبا عزيزا ،
سر ولا تبالي ،
فكلنا بوتفليقة ، عيوننا معلقة في المجد ، وأقدامنا راسخة في تراب الشهداء ،
نتنفس دمائهم الزكية ، سائرون على رسمهم ،

ولن يخيب إلا العدو هنا وهناك .

لا أتفق معك اطلاقا ....البترول راه 34 دولار ....وحنا مازالت الصادرات نتاعنا 97 بالمئة محروقات ....الله يهدينا ....على العموم السيد عبد العزيز قالها هو ....لقد فشلت سياستنا وحمل الحكومة هذا الفشل ....مع العلم أن الجهاز التنفيذي في الجزائر هو الرئيس +الحكومة ....مالكم كيف تحكمون ....كل التحية أخي صاحب الموضوع

علابالكم واش راه يقولو الرايس .؟؟؟

أصنت مليح راه اللعب على ريسانا كبير .
تسمع بالفوضى الخلاقة ، و الغولا السراقة ؟؟؟؟؟
من بعد نحكيلك عليها

هادي مليحة

علابالكم واش قال الزعيم للرايس ؟؟


إيه يا الهند القديم ، وين راهم قراينك .
تعجبني يالزعيم في النظرية تاعك .
-تاعش تاع الكتاب لخضر ؟؟؟؟
- لا لا تاع الإرهاب كونتر الإرهاب .
- يا حوجي يا حوجي ، أنا خوك ماتهدرش هذا الكلام في الجمايع ،
وين علابالك بلي هذي نظريتي ، أنا عندي غير نظرية الكتاب الأخضر .
- آواه يازعيم هذي هدرة قولها للبزوز تع موحا6 ولا زين العابدين ، أنت ذاك الحشيش لخضر راك دايرو للنعاج ، باش يقولو مسكين فيلسوف .
المهم أنا مأيدك فوق اللازم ، وراك عاجبني كي راك متهلي في خاوتنا عرب دارفور موسى لهلال ورباعتو تاع الجن جاويد ،
- يا بن عمي ،،،، تحسب راك داخل لي في حياتي ، وقيلا راك تستخبر عليا ؟؟؟؟
- يا الجايح هذي هدرة السوق ،طوايشك راها عامرة بيهم التقارير تع بوكيمون و الهيومنرايتس ،غير زوق لهم شويا حقوق الإنسان باش يسكتو شويا .
- الزعيم : المهم أنا نقلك حاجة ، موس واحد يذبحنا ، أنت عس حدودك من جهة ذاك الخبيث تع المليك و أنا راني متخذ مع التشاد ، و التشقلالة تع دارفور .
المهم أنا عينيا محلا ، القاعدة راهي تتسرسب كالحنش بالستايشن ، لازم نمتنو الكوبتيرات ،
قالو تع الصين سومة مليحة .
-آواه يا زعيم الستايشن لازم لها غير الساتيليت ، أنت راك مازلت في الأسلحة التقليدية ، على بالك gprs ،،، راه الختشة كي تردح يقلك وين راهي
- أبببا صار هكذا
هيمالا ذوك السبوعة تع نصر الله زعما دارو حساباتهم مليح ، لساتيايت ؟؟؟
- أنت راك مريض ، إيران والروس والصين يخدمو في لابو واحد ، راك عارف شتاهو ؟؟
راهي حرب تموز كيما الكومبا تع النمس مع الكوبرا ، اللي وطي خوه يجيبو في البلاس .
- يا خويا الله يعطيه الصحة حمرنا وجوهنا ذاك الطفل باين عليه غازر وعامر .
- الهدرة سواردة السيد مخصوص الدعم باش يمتن ،و يعاود بنيانو ، شوف كيفاش تعاون خاوتك .
أيا نبقيك على خير
في القمة العربية الجاية
التليفون بيناتنا .
-تربح

- يا سيد الشيخ راك شت الوهابية واش عملو فينا .
واراك تشوف قوم الخدعة كي متعاونين بن سعود يشري في الطيارات للمغرب باش يقلقني ، صابوني وحدي كتافي باردين .
- آواه هذي كلمة ماتعاودهاش ، شوف يا سي عبد العزيز ، الثورة تاعكم دوخنا وسكرتنا ، وأحنا منكم نستقاتو الشهامة والرجلة ، واليوم كيكتب ربي راه عندنا النووي ، والحمد لله كاين كل خير ، تبغي الطيارات نعطيلكط تبغي الدبابات نعطيلك ، تبغي الفلايك راهم كاينين ، اللي خاصتكم كاينة ،
- يا سيد الشيخ راني عارف نيتكم زينة والنظرة تاعكم بعيدة ، أنتوما ناس شرفة وأحنا مسلمين ومكتفين ، أنا بغيت كون زعما حتى رزمة تاع صواريخ أرض أرض ولا ذوك تع بحر بحر ، راني ندعيلك صباح وعشية ، أنشا الله والله ما تنغبن ،
- شوف أدي حتى تنقهم وخلص كيما بغيت بالشيك ولا بالإيسبيس ،
والتفاصيل راه ذاك الطفل تع أحمدي نجاد راه عارف ورانا مخبرينو ،
التكل على ربي ، وربي يهون الصاعبة .
- يا سيد الشيخ شتا ،نقولك ،،،،
كون زعما نعرضك في الطعم تع سيدي بلقايد صار تجي ؟؟؟؟
- آه انا و الوقت راك عارف ماتدري وقتاش تلغى فينا ولاد الحرام راهم محوطين
- ربي محوط بيهم أنشاالله مايكون غير الخير .
- يدزو معاهم ، أنا كي يعولو نبلع هرمز ونحرق جدة والرياض ، وإسرائيل نرسل عليهم جهنمة تع صواريخ فيها كل تركة ،الجراثيم والكيمياوي والنووي ، والله والله غير المحيط نخوضو .
وندير فوقهم غمامة .
- يا لطيف .
أنا نروح همالا قبل ما تتقلع ،
أيا تبقى على خير

الرئيس: راني عارف واش راك تخمم ، راك تقول هذا كبير عليا وباغي يكلخلي .
بصح أنا نقولك حاجة ، أنتوما الروس ماعندكمش النية .
حبيبكم في الحجر ، بصح عندكم خصايل ، تبغو القليل ، وتكرهو الحقارين ،
أنا منهنا نبكيلك حتى نديلك إيشاك إي مات ،
بصح أنت واعر بزاف ، لازم معاك غير الصبر
بوتن : أنتوما العرب تحوسو غير على السلاح ، هذي هي لا فيبلاس ،والخوف يجيبكم حتى للقطب الشمالي ، هذا هو القانون تع القوة .
بصح أنت بوتفليقة راك متلفهالي ، ماعرفتك لاصاد للغرب ولا صاد للقبلة ولا صاد لينا ، كل واحد تعطيلو قوسطوه ، هذ السياسة ماقريتهاش في الكاجيبي .
صاحبك بومدين كان مبين روحو ، بصح أنت واعر بزاف ، لازم معاك غير الصبر .
الرئيس : تحوس ندخل معاك في الأوبيك تع الغز باش تضيقها على الأروبيين ،
وأنا نعرض روحي للغضب تع الناتو اللي راه غير يدور من جيهتي ،،،، عند بالك ساهلة ، وقيلا راك حاسبني بهلول كيما صدام الي دار التكلة على الريح ، ولا كاسترو اللي خليتوه في وسط الضبوعة ،
شعال مازلك ، ،،، كل واحد يدبر على حمارو ،، والزمان يوري .
بوتن : علابالي ثقتكم نقصت في الروس من الضربة تع صدام وكاستروتشاسيسكو ،
بصح علا بالي كي نوريلك الشانطيو تع صواريخ إسكندر ، ونحكيلك على الموتور الجديد تع الميغ ، نسكرك بالنشوة ، على بالي تبغو السلاح وتبلغو الجديد اللي ماشي داير في السوق .

سيدي الرئيس نحن في حي محمد بوضياف ببلدية حمام الضلعةولاية المسيلة عشنا الحقرة بأتم معانيها فطالبنا بوضع التربة البيضاء لتقلل عنا الطين للخروج من الاوحال بلطف فلم يستجب لنا ،لم نطالب بتعبيد الطريق،طالبنا بايصال الغاز وهو يمر ببضعة امتار فيقسم الحي الى قسمين مستفيد تابع لاوربا الغربية واخر محروم تابع للعالم الثالث وليس لاوربا الشرقية ،سيدي الرئيس في عهدك لم يستفد الحي حتى من الكهرباء العامة وليس من الانترنت اكثر من مئة منزل لا تستفيد بالكهرباء في سنة2008وليس في بداية الثمانينات هل من حقرة اكثر من هذا وتنتظر منا دعمك في العهدة الثالثة مئات الرسائل وجهت الى المسؤولين من رئيس المجلس البلدي الى الى السيد الوالي مرورا بالمصالح المختلفة التعمير والبناء - الطاقة والمناجم - الري ...و...وو

مشكور ...أخي