حلويات متنوعة بمناسبة نجاح اختاي
16-07-2012, 12:52 AM
كيف حال الجميع اشتقت لكم لدي مدة طويلة لم اكتب موضوع في المنتدى
لذا احببت ان اعود بهذا الموضوع خاصة انه تزامن مع نجاح اختاي في شهادة البكالوريا والمتوسط فلا تخيلوا الفرحة التي كانت باليت والاجواء ربي مايرحم احد من فرحة النجاح اتمى التوفيق لجميع التلاميذ والطلبة وان شاء الله تكون بيتوكم كلها مليئة بالافراح
فاردت ان اشارككم فرحة هذا النجاح واضع لكم الحلويات التي حضرناها بهذه المناسبة
ا هدي هذه الحلويات لكل من مر منا
لي حب يشرب القهوة
كما اني جربت حلوة الياسمينة لكني جربتها بلونين لام خير الدين اتمنى ان تعطيني
رايها
وجربنا طريقة تقطيع البقلاوة لام سامي
ولي حب يشرب الشاي
les tartes
la pate sucré
المقادير
500غ فرينة
250غ فلوريال
200غ سكر قلاص
ملعقة صغيرة خميرة نوارة
لافاني
2حبات بيض
طريقة التحضير
نضع اولا المارغرين مع السكر مع لافاني
خلطهم جيدا حتى يدخل السكر مع المارغرين
تم نضيف البيض حبة بحبة
تم نضيف الفرينة والخميرة
نترك العجينة ترتاح لمدة صف ساعة
مقادير la crème
250غ كاوكاو مرحي بقشوره
250غ مرغرين فلوريال
250غ سكر
100غ فرينة
4الى 5حبات البيض
اولا نخلط الفرينة مع الكاوكاو تم نضع الخليط جانبا
نضع المارغرين مع السكر نخلطهم جيدا بالباتور
تم نضيف البيض حبة بحبة ونضربوهم مليح حتى يصبح الخليط ابيض
تم نضيف الخليط (فرينة والكاوكاو) الذي وضعناه جانبا
نرش الفرينة في المكان لي رايحين نخدموا فيه نضع العجينة ونحلوها بالحلال وفي كل مرة نرشها بالفرينة باش ماتعبناش او ماتلصقش تم ندوروا العجينة على الحلال تاعنا
و نضع القوالب بعد مانكونوا رشيناهم بالفرينة باش مايلصقولكش كي يطيبوا او يتنحاولك بسهولة اما اذا كنت معتادة طيبي بالقوالب او مايلصقولكش فلاداعي لان ترشيهم بالفرينة
تم نعيد وضع العجينة فوق القوالب وناخد شوية من العجينة ونضغط به على جوانب القالب باش ماتهبطش العجية ويكون القالب تم نضع الحلال نجوزوا الحلال فوقها باش تجينا سهلة
تم نملؤها la crème الي حضرناه من قبل
تم نضع كاوكاو افيلي
تم نزينها ببعض السكر قلاص وهي الان جاهزة للتقديم
ساكمل طريقة تحضير بقية الحلويات فابقوا في المتابعة
صمتي: لا يعني رضاي ...! وصبـري:لا يعني اهمالي ..! وابتسامتي: لا تعني قبولي .....! وطلبـي: لا يعني حاجتي ...! وغيابي: لا يعني غفلتي ...! ... ... ... ...وحـذري: لا يعني خوفي ....! وسؤالي: لا يعني جهلي ......! وخطئي: لا يعني غبائي ....! و تسامحي: لا يعني عجزي ..! معظمها جسور .... أعبرها لأصل إلى القمه -