اقتباس:
المشاركة الأصلية كتبت بواسطة نور الدين المالكي
معارضوا الربيع العربي فرصتكم أثبتوا أنكم لستم منافقين ولستم شياتين
بعضهم صدعوا رؤسنا بنظرية المؤامرة
- الربيع الـعربي "مؤامرة" برعاية قطر
- الجزيرة تـتـأمر على الشعوب العربية.
بالمقابل لا نرى هؤلاء يصرون على إجراء إنتخابات رئاسية نزيهة وعادلة
إلى هؤلاء أقول : من كان يرى في الربيع العربي مؤامرة، فهو بالضرورة يرى إلى "أسبابه" أنها أيضا مؤامرة، والسبب الرئيسي للربيع العربي هو مصادرة إرادة الشعوب.
من كان ينبذ (الربيع العربي) في الجزائر فيجب أن يدعوا بأعلى صوته
(لا للإقصاء) االذي يؤدي للربيع العربي.
(لا للتزوير) الذي يؤدي للربيع العربي.
(لا للإنقلاب على إرادة الشعب) الذي يؤدي للربيع العربي.
تنبيه : هذا لا يعني أني مع (الثورات في دول الربيع العربي) لكن بالمقابل لست منافق لأنكر على المظلومين (الشعوب) وأبرر للظالمين (الحكام)، فلو ثارت الشعوب، أول من يتحمل المسؤولية هم (الحكام) الذين صادروا إرادات الشعوب، وليست الشعوب التي طالبت بحقها
|
يا اخي المحترم انا لست من من سميتهم بالشياتين لانني لست من المطبلين للعهدة الرابعة ولا اريد ان تكون عهدة رابعة اصلا كما انني لا اامن بشيء اسمه الربيع العربي
فهذا اسمه الخراب العربي والدليل نحن نراه نصب اعيننا والشعب السوري مشتت
وغيره من من مسهم الخراب العربي
كما انني لا اتهم قطر ولا الجزيرة لانني ارا فيها اي الجزيرة قناة اخبارية تنقل اخبار لا يهمنا مصداقيتها لاننا تعودنا الاخبار الكاذبة من مئات القنوات والجرائد وووو فقط نحن نركز على الجزيرة ونريد ان نثبت انها كاذبة داعمة للخراب العربي
و ما ارجوه هو عدم جرنا الى خراب وهذا الرجاء لكل جزائري من السلطة كان او من المعارضة او الشعبي البسييييييييييط
لا اقول كفانا ما عانيناه لاكن اقول ماناش حابين نكونو كيف سوريا وليبيا ووووو فقط
هذا رائي وماش الزام لاي واحد
يا اخي احترنا والله الشارع الجزائري اصبح مقسم الى الف طائفة وكل واحد يغني بغناه
اختلط الحابل بالنابل اضحى كل امام نفسه فكل يفتيها ويرى انه او ان فكرته او مشروعه او برنامجه هو المنقض للجزائر بينما الكل يلهث وراء قطرة حليب من هذ البقرة لي مصولها الحليب حتى وصلو لدم واحد ما يخمم في البلاد كل واحد يخمم في روحو نسينا ربينا فانسانا انفسنا واش نقولو ربي يهدينا للتي هي اقوم وانا نضن ان الربيع هذا ما راح يجب غير الخراب حال السياسين لي ما يجي من وراهم اي خير
نقولك شوف خواي راني نحكي بالدارجة انا نسكن في بلاصة الرب يعلم بيها تقريبا كانت كازارنا ولا باطيو ولا مانيش عارف واش في وقت فرانسا خلاتها فرانسا وبقات على حالها
من خرجت فرانسا وفي العهدة الاولى لللرئيس بوتفليقة
بدات تتغير واليوم لو تشوف صورتها وتشوف صورتها قبل راح تكذب الا هذ البلاصة هيا ديك البلاصة وانا حكيت هذ الحكاية باه نقولك مهمى كان ما راحش نكذبو ونقولو ما كاش لي تبدل وقت بوتفليقة لا كاين امور تخدمت وكاين اموال يقولو تسرقت
المهم البصمة تاع بوتفليقة عندنا هنا حاضرة ونقولك الناس لكبار لي كانو يرقدو الماء يصب فوق روسهم اليوم راهم يشوفو في بوتفليقة عضيم من عضماء الامة
وانا قلت مارانيش شيات لاكن ما ننكرش الخير لي قسنا ولو بالقليل القليل
لاكن في المقابل ما رانيش مع العهدة الرابعة لاني ارى في بوتفليقة العيا كبر وغلب ومرض وما راح يقدر يدير والو ونزيد نقولك انا مقاطع الانتخبات منذ التسعينات وما رانيش ارهابي وهاذ الخطرة ننتاخب اكيد لي نشوف فيه خير للبلاد والعباد ونركز على ان يكون قادر وبصحتو يزورو ولا ما يزورو انا ندير لي عليا ولي على ربي على ربي
درك يا خويا ما لازمش الفتنة درك النضام يخشن راسو والشعب يخشن راسو وتنحرق البلاد شكون لي ينضر
شكون ؟؟؟؟؟؟؟؟؟؟؟؟؟؟؟؟؟؟
حصلة وحلة يا خويا احجية وما عندهاش حل
.gif "8")
