تسجيل الدخول

*****************مفارقة الشعر********************

قلت اليوم نقيل الشعر نخطيه***ماشلي ياعياي بالكلام وترتابو
قلت اليوم للجبابين بيدي نديه***في ثوب الحزن نلمدلو شبابو
نديرو فيحفرة ندفنو ونغطيه ***لوماقش الخلق مانلوح عنو ترابو
ياضيمي بظفر نحفرلو فيه *** درتلو الشاهدة وعلقت كتابو
غير انا ليقيضان ونبكي عليه *** شعري وحداني ماعندو احبابو
في العز والدلال كنت مربيه *** حتى يتعدل وكلمات فمو يرطابو
نلقم فيلكلام بحناني حاضيه *** خايفلو من مكر الدهر واعطابو
ماضنيت اليوم حقو مايسوفيه*** ويبقى مكدس زيو مل شبابو
تهاطلت مزون رابت من عينيه*** منطول بكاه خدودو راهم طابو
الروح جابية والمنايا مساميه*** لاطمعة فيلحياة وعضادو رابو
شعري ولد فيبر ماعرفو فيه***ماعطاوه قيمة ولادارولو حسابو
قاشي مكار واش نسميه ***نعت نقايل مافاد تملاخو وتطبابو
قلت ندفنو من همو نهنيه *** ماشلو بتدفار لازمني نريح جنابو
ويترك ذالبر جملة باهليه *** وينسى ذالوطن يروح يغفل بابو
شعري ضركة علاخير نبقيه ***ياك ربي ميشاو لعقاب داير عقابو‏

راااائعة أخي
داام قلمك







تقبّل مروري المتواضع
من القلب

ومرورك الاروع اختي لانه سيكون اخر مرور ....ادام الله تالقك وابداعك ومزيدا من النجاحات انشاء الله
واني من اشد الفرحين لك بالفوز ....اطال الله في عمرك وادام فرحك ....وثبت قلمك على الابداع والرقي انشاءالله....اختي جلنار تقبلي مني فائق الاحترام والتقدير...دمت للمنتدى وفية...سلام

لما سيكون آخر مرور
هل نويت الرحيل

باذن الله اختي سيكون ذلك ...اعتني بنفسك اختي ...وبارك لك الرب فيها تسعين انشاءالله
....شكرا

جميلة هي حروفك
ولكن لما عليك دوما الهروب من
موهبتك؟
واصل ولا تحرمنا طلاتك بوبكر

والاجمل وجودك اختي المتعالية....انا لم اهرب منها ولكنني هربت بها ...لحمايتها طبعا
وكيما يقولو بدا المراح ترتاح....وكاين مثل يمشي ويقول ..المحلوبة حليب والمعصورة دم.....

شفت اليوم نظرة في الملحون***وشفت اليوم وجوه تتماحص
وشفت اليوم الرحلة عني تهون***وماشلي بزعاف ماني ناقص
الشاهد علينا ربنا مولا الكون *** وليدار الشينة لاوين يتملص

.....دمت في رعاية الله وحفظه اختي المحترمة

من متتبعيك إن شاء الله

شكرا لك وللاسف ليتك كنت حينها....اتمنى لك دوام الصحة والعافية....كما اتمنى لك دوام الراحة والتالق في هذا المنتدى....لم يسعفنا الحظ للتعارف وتبادل الخبرات ...نتمناه في لقاءات اخرىواماكن اخرى انشاءالله...على كل شكرا جزيلا دمت في رعاية الله وحفظه

السلام عليكم أخي نقولك كيما قال الباجي ربي يرحموا:

حبيت نقول و ما صبت ما نقول .. . و ماخلاونا الـنـاس و ما لقينا ما نقولو ... قالو قلنا و قول مايشابه قول .. . الشعراء في كل بحر يجولو .. .تارا فيهم كثير يقولو ما يفعلو .. . يداعاو بالطب و كثيرهم معلول .. . و عيطة كي مثلهم مازلو يقولو .. . القول الفاسد كالقصب مافيه سبول .. . ما عندو ماعنى قليل من يسمعلو .. . القول لمسڨم عيروه اهل العقول .. . كالقصب الحر فيه سكر حلو .. . الله يرحم بن خلوف و المغراوي كلامهم معقول .. . الكلام في وقتو دوا .. . للي فهملو !! .. . يطمع فالقلوب بالذكر المعدول .. . والعبد صلاة النبي ربحو راس مالو .. . و مالقيت حتى قول كيف القول المنزول .. . لي نزل من عند الرّب على رسولو .. . يهدر على اللّولا و الاخرة عرض و طــول .. . و يهدر على كل فصل بمثولو .. . او بعد داك القــول مالقينا مــانقولو

يا أخي لكل زمان ناسو
ولكل مكان أهلوا
و لكل ميدان أهل الاختصاص