تسجيل الدخول

أسمع يا من راك جاهل متجبر=وحاسب روحك راك عالي في لبراج
يا من راك اليوم عنا متكبر=ولا تستعجل هاك مني ذي الميساج
أنتايا مسكين حالك متدهور=فوق الروحك راه ظهرك مال اعواج
مادرتش الخير في نفسك تحقر=أنت غاني وتبان في صفة محتاج
تحكيلي عن دنيتك وأنت في الشر=ما اديت الفرض لسع ماكش حاج
اتحدثني عا السبع إذا كان ازهر=والمعزة من ويكتا دارت كوراج
ابن الهامة ما يشابه الطثر الحر=ماضي المخلب مايكودو فرخ دجاج
والراجل يكون وازن كي يهدر=في المجمع ماهوش في الهدرة مجماج
العبد إذا كان ماعندوش السر=تعافوا رحالة وحتى سكان الفيلاج
قدّر روحك في المجالس تِتْقدّر=وشد لسانك على الحديث لي يعواج
ولسانك ذا راه لحمة ويكس=وديما حاذر لا دير للعبد إحراج
راه حساب كبير غدوة في المحشر=واتاول خليك من هذا التهراج
والمسلم ناهيه ربي ما يحقر=يرحم خوه يعاونوا إذا كان احتاج
وإنت مالك بيبه زاهي متفخر=وتضحك على الفقير ياواحد السوفاج
واللي خلقوا خالقك توب استغفر=وقادر من ذي العز يردك محتاج
والدنيا بالاك تامنها تتغر=وعلى راسك مايتمش ذاك التاج
لابد من ذا الكبر وتزيد اتحدر=وأنا راني مانيش نا وياك انتاج
غافل في الدنيا الوقت عليك يمر=وأنت عودك على اليُبْس زايد يعواج
أنقول الله يهديك والمولى قادر=ويرحمنا بجاه صاحب المعراج

بقلم/الشاعر عبد القادر بن لبقع
الادريسية 10جوان 2012-07-
20رجب 1433

1. الادريسة ليست مدينة الشعر فحسب حتى الفن السابع موحود

بارك الله فيك ستارلينا على الاضافة منذ
شهر زارني الممثلون قصد كتابة سيناريو فيلم قصير ونحن نشتغل عليه..
شكرا جزيلا.

انت تكتب كذلك السيناريوهات للافلام ما شاء الله استاذ هذه موهبة جديدة لم تحدثنا عنها

ما شــــــــــــاء الله يا شـــــــــيخ

بارك الله فيك

فعلا موسوعة ربي يبارك ويزيد ويخليه ذخر للمنتدى

الله يحفظكم جميعا ويحفظ صديقي الاستاذ حمبراوي لتشجيعه الدائم ووقوفه جنبي فهو موسوعس الاطلاع وأنا استفيد منه كثيرا..