أنا ...اعتزلت الغرام
14-01-2009, 05:27 PM
" شوف شوف شوف..ياحبيبي شوف "
كتير بتكون مسكين لو فكرت انو في شي ببلاش ...
وللمزيد من التنور بلاش بتعني مجانا بلغة الاستعمار الام..(يعني بالعربي الفصيح) ...
واكيد مش مقصود فيها بلاش يلي بقولوها اخوانا المصريين " بلاش تشمت غيري فيا "
بواقعنا هاد... الشغلة الوحيدة يلي ببلاش هي الضحك " ضحكت الدنيا واخيرا لاقيناك "
بس مش كل الضحك عادة بكون ببلاش لانو بقولو من يضحك اخيرا يضحك كثيرا...
وبالتالي لحتى تضحك اخيرا المفروض انك تكون دافع ....والضحك يلي ببلاش
هو يلي بالاول " اول مرة تحب يا قلبي "..
ومع ذلك ..في حال ورود نكتة بايخة لا تقصر بالضحك عليها لانو الضحك عليها
هو من نوع الضحك اولا " ضحكني بكيني " ويعني بالنهاية مش حرزانة تعمل مشكلة
مشان ضحكة بايخة..
واكتر من النكت البايخة بواقعنا المرير ما بتلاقي....
يعني خود مثلا شعب بامو وابوه بضل بيحكي عن النضافة وعن الايمان وبتلاقي بنفس الوقت
شوارع هالشعب معباية زبالة... وبعد كل هالحكي بقولولك ...وعلى شو عم ياخد راتبو هالزبال
" حملوني المكنسة واطلعت زبال " انو يعني اذا ماكانت هي النكتة البايخة فشو هي لكان؟؟
خود مثلا التاجر الفلاني يلي بيلعن ابو سلاف الاقتصاد الامريكي وبيصرع راسنا يوميا
عالفضائيات بدعواتو المستجابة عن انهيار الاقتصاد الامريكي وهو بالنهاية كل رصيدو
موجود ببنوك نيويورك وول ستريت " يا حبيبي حبك حيرني وحيرني حبك " يعني اذا
هي مش نكتة بايخة ..شو هي النكتة البايخة؟؟؟
خود مثلا كمان " افرض مثلا مثلا يعني " رئيس بلدية مدينة كبيرة بدولة
إقليمية مسؤول عن الحشمة لدى النساء بالبلد ...بيلقطوه بأحد الفنادق الخمس نجوم
على إيقاع الجاز " صار بدك ضابط إيقاع خمس نجوم " ومعو اكتر من
اربع نسوان بسرير واحد ...انو دخلك هي شو ؟؟؟؟ مش نكتة بايخة؟؟؟
خود مثلا " خود الدبلة وطلقني " واحد من الكهنة لحيتو بتطلع شي متر ونص
بيصرع راسنا يوميا بسماحة الاديان وحرية المعتقد وفتاوى الفول والحمص
ونصب الساتالايتات على قبب المساجد وبالنهاية بتلاقيه بضمن حوارو عم يحكي
بالمش منيح عن طايفة تانية " يا زمان الطائفية "وطبعا هو ضمنا بقول لحالو
كل يوم " مش فارقة معاي" ... ما بعرف ..بس بظن انو هي كمان نكتة بايخة...
والا شو هي لكان ؟؟؟
اذا بدك خود مثللا كمان .. بلد " هي بلد ..لا مش بلد " رفعت سعر البنزين والمازوت
مشان ما يصير تهريب منها للدول المجاورة بايام كان برميل النفط ب148 دولار...
وبعد ما صار برميل النفط ب52 دولار ونزلت اسعارو بكل دول العالم ما عادت فارق
ة معها قصة التهريب " مش قصة هي مش قصة "وخبت النفط على اسعارو الجديدة
وعم تستخدم اسلوب الاشاعات لترضي مواطنيها.... انو هي شو ؟؟؟ مش نكتة بايخة؟؟؟
تخيل مثلا سيارة موديل ال1965 نازلة بعجقة هالمدينة ووقفها قطاع الطرق
يلي بسموهن شرطة ..وحاطين ببالهن انو يخالفو صاحبها بعدم وضع حزام الامان
في حال ما كان حاطط الحزام ..وبتغير مواصفات المركبة اذا حاططو..لانو كل سيارات
الموديل السابق ذكرو اجت بدون حزام أمان " وهالسيارة مش عم تمشي "
يعني بعتقد لحد هون وضحت الفكرة عن اصول النكتة البايخة ... ولا شو ؟؟؟
بظن بعد هالحكي انو قمة النكت البايخة هو انو تكون فنانة مرموقة وبتنحسب على اسم
الفنانين الكبار عم بتعيش قصة حب ومحبة وسلام وروعة وامل وحرقة ولوعة
و بتصرع راسنا يوميا هي وعم تقول عن حالها
" انا ...اعتزلت الغرام "
يا حرام .
كتير بتكون مسكين لو فكرت انو في شي ببلاش ...
وللمزيد من التنور بلاش بتعني مجانا بلغة الاستعمار الام..(يعني بالعربي الفصيح) ...
واكيد مش مقصود فيها بلاش يلي بقولوها اخوانا المصريين " بلاش تشمت غيري فيا "
بواقعنا هاد... الشغلة الوحيدة يلي ببلاش هي الضحك " ضحكت الدنيا واخيرا لاقيناك "
بس مش كل الضحك عادة بكون ببلاش لانو بقولو من يضحك اخيرا يضحك كثيرا...
وبالتالي لحتى تضحك اخيرا المفروض انك تكون دافع ....والضحك يلي ببلاش
هو يلي بالاول " اول مرة تحب يا قلبي "..
ومع ذلك ..في حال ورود نكتة بايخة لا تقصر بالضحك عليها لانو الضحك عليها
هو من نوع الضحك اولا " ضحكني بكيني " ويعني بالنهاية مش حرزانة تعمل مشكلة
مشان ضحكة بايخة..
واكتر من النكت البايخة بواقعنا المرير ما بتلاقي....
يعني خود مثلا شعب بامو وابوه بضل بيحكي عن النضافة وعن الايمان وبتلاقي بنفس الوقت
شوارع هالشعب معباية زبالة... وبعد كل هالحكي بقولولك ...وعلى شو عم ياخد راتبو هالزبال
" حملوني المكنسة واطلعت زبال " انو يعني اذا ماكانت هي النكتة البايخة فشو هي لكان؟؟
خود مثلا التاجر الفلاني يلي بيلعن ابو سلاف الاقتصاد الامريكي وبيصرع راسنا يوميا
عالفضائيات بدعواتو المستجابة عن انهيار الاقتصاد الامريكي وهو بالنهاية كل رصيدو
موجود ببنوك نيويورك وول ستريت " يا حبيبي حبك حيرني وحيرني حبك " يعني اذا
هي مش نكتة بايخة ..شو هي النكتة البايخة؟؟؟
خود مثلا كمان " افرض مثلا مثلا يعني " رئيس بلدية مدينة كبيرة بدولة
إقليمية مسؤول عن الحشمة لدى النساء بالبلد ...بيلقطوه بأحد الفنادق الخمس نجوم
على إيقاع الجاز " صار بدك ضابط إيقاع خمس نجوم " ومعو اكتر من
اربع نسوان بسرير واحد ...انو دخلك هي شو ؟؟؟؟ مش نكتة بايخة؟؟؟
خود مثلا " خود الدبلة وطلقني " واحد من الكهنة لحيتو بتطلع شي متر ونص
بيصرع راسنا يوميا بسماحة الاديان وحرية المعتقد وفتاوى الفول والحمص
ونصب الساتالايتات على قبب المساجد وبالنهاية بتلاقيه بضمن حوارو عم يحكي
بالمش منيح عن طايفة تانية " يا زمان الطائفية "وطبعا هو ضمنا بقول لحالو
كل يوم " مش فارقة معاي" ... ما بعرف ..بس بظن انو هي كمان نكتة بايخة...
والا شو هي لكان ؟؟؟
اذا بدك خود مثللا كمان .. بلد " هي بلد ..لا مش بلد " رفعت سعر البنزين والمازوت
مشان ما يصير تهريب منها للدول المجاورة بايام كان برميل النفط ب148 دولار...
وبعد ما صار برميل النفط ب52 دولار ونزلت اسعارو بكل دول العالم ما عادت فارق
ة معها قصة التهريب " مش قصة هي مش قصة "وخبت النفط على اسعارو الجديدة
وعم تستخدم اسلوب الاشاعات لترضي مواطنيها.... انو هي شو ؟؟؟ مش نكتة بايخة؟؟؟
تخيل مثلا سيارة موديل ال1965 نازلة بعجقة هالمدينة ووقفها قطاع الطرق
يلي بسموهن شرطة ..وحاطين ببالهن انو يخالفو صاحبها بعدم وضع حزام الامان
في حال ما كان حاطط الحزام ..وبتغير مواصفات المركبة اذا حاططو..لانو كل سيارات
الموديل السابق ذكرو اجت بدون حزام أمان " وهالسيارة مش عم تمشي "
يعني بعتقد لحد هون وضحت الفكرة عن اصول النكتة البايخة ... ولا شو ؟؟؟
بظن بعد هالحكي انو قمة النكت البايخة هو انو تكون فنانة مرموقة وبتنحسب على اسم
الفنانين الكبار عم بتعيش قصة حب ومحبة وسلام وروعة وامل وحرقة ولوعة
و بتصرع راسنا يوميا هي وعم تقول عن حالها
" انا ...اعتزلت الغرام "
يا حرام .
