السلام عليكم ورحمة الله وبركاته
الفرق بين الفطير والشخشوخة
لهما نفس مكونات العجينة،لكن طريقة العجن مختلفة:
فالشخشوخة أثناء العجن نقوم بتقطيع العجينة والدلك معا ،لكن الفطير نعجن براحة اليد جيدا.
عجينة الفطير تكون طرية (ماشي ناشفة) بينما الشخشوخة تكون متماسكة أكثر (ناشفة).
بعد الإنتهاء من تحضير عجينة الفطير نقطعوها كريات متساوية بحجم (مندرين) ونبخوها مليح بالزيت ونغطوها ونخلوها ترتاح.
*طريقة الطهي: نطرح عجينة الفطير ونبسطوها مليح(صعيبة شوية..) ثم نضعها فوق الطاجين اللي بخيناه بالزيت ونزيدو نبخوها بالزيت.
ونفتتوها باليد.
ولكن الشخشوخة نطرح العجينة بالمشينة نتاع(الرشتة،البقلاوة) فالرقم6 أو أننا نطرحها باليد (رقيقة جدا) ثم نضعها مباشرة فوق الطاجين(دون بخ الزيت) ومباشرة وهي سخونة نكسروها بواسطة سيار الشخشوخة، وطريقة أخرى هي أننا نطرح العجينة بواسطة المشينة نتاع الرشتة ونعرضها للهواء وحين تجف(تولي يابسة) نكسرها باليد أو بسيار الشخوخة.
-*أثناء التحضير: الفطير نفوروه مرة واحدة،بينما الشخشوخة نفوروها ونعاودوها.
ـ*طريقة الحفظ:بالنسبة للفطير يحفظ في الثلاجة إلى حين الإستعمال، ولكن الشخشوخة نفوروها مرة وحدة ومن ثم نتركها تجفف في الهواء لمدة أيام(مثل الكسكس)وتحفظ إلى حين الإستعمال.
وعلابالي كامل تعرفوها ولكن التسمية تختلف.
تحياتي ..وشكرا
التعديل الأخير تم بواسطة Ayate.dz ; 07-01-2018 الساعة 07:34 PM