رد: فوزكـــــم بالدزيينـــة... مـــــــــــا يغيرنيشْ و مـــــا يعنينيشْ ...//
14-01-2010, 01:22 AM
يا خويا ميرو
ما ديرش عليك
و ما نضلموش بعضانا
حتى و اذا كان البعض عندو رايو مخالف
ما نضلموهش و ما يضلمناش
علاش
مثلا اذا قلت أنا مبروك على مصر
الناس رايحين ايشوفو غير هذا الكلمات
بصح اللي ما يشوفوهش الناس
أنا و أعوذ بالله من كلمة أنا
سخرت موقعي على اليوتوب بعد ما
انضربو التاوعنا في القاهرة
و سمحت للناس بالمئات الألاف في العالم
يشوفو الاعتداء بالتفصيل و يفهموه
و حطيت في موقعي على اليوتوب فيديو
تهز عرش أل مبارك
و بعد أيام من الفيديو جاتني رسالة من
اليوتوب تقولي
Ton compte est supprimé
و لما عملت احتجاج قالولي اذا بغيت تكمل
ممكن رايح تخلص غرامة غالية
و فهمت باللي القضية وراها محاميين
و الفاهم يفهم
و فتحت مواقع جديدة و ما زلت نبهدل فيهم
بنو مصرائيل
و كي نقول بنو مصرائيل يعني عمر أديب
و أصحابو و أل مبارك
بصح مصر رانا نسالو فيها و اللي باغي يفهم
يقرا تاريخ ششنق و المعز
و اذا بغينا ندخلوهم في سباطهم لازم نهتم
بتاريخنا و نبينوه و نقراوه و نقريوه
احنا صغرنا الجزائر كي نقولو أن تاريخنا
بدا غير من الأمير عبد القادر
حتى المغرب يفتخر و يرجع بتاريخو الى
الدولة الادريسية_1000 سنة
و حنا علاش نحشمو باش نهدرو على تاريخ
الجزائر الأصيل و هي المحرك نتاع شمال افريقية في كل الحقبات
و علاش يعني نطيحو من قدرنا بالمعايرة
و الكلام
أنا مانيش نتاع الهدرة
عمر أديب أنا نعطيه بدماغ خير
من المعايرة
و علاش ذورك دورناها على بعضانا
أنا هاذا هو سلاحي
و بابا زاد في سنة 1905
و كان عندو حصان و مكحلة
و القياد من وراه في كل مكان
و دار الحبس 22 سنة
وسلك بالزهر ما بعثوهش لكاليدونيا
الجديدة لو كان ما رانيش معاكم هنا
ما لازمش نضربو بعضانا على خاطر
واحد ما يتحمل راي لاخر
و نبداو نقولو فلان مع هاذوك و فلان مع هاذاك
و هاذاك يحب بلادو 3/10 و لاخر 10
علابالكم هذي هي الفتنة اللي تشعل الحروب
و العديان هذا مايستناو
و الغاشي اللي ما يقبلش الخسارة في البالو
يروح يغرس التمر في البحر
