عندي ليكم وصاية !!
... ديرو بالكم معايا !!
لا يغركم زين الوجه فالمرايا !!
لي ينفع هو زين القلوب وصفاء النوايا !!
عنداكم تمشيو فهاد الزمن ضحايا !!
يدور الزمان وتندمو وتولِّيو شفايا !!
يضحك عليكم هذا وهذاك وترجعو قصة ورواية !!
الرجلة ماشي هي التدخين !!
كل ساعة تعمّْر الطفَّاية !!
فين غادي يا هاد الدري فين !!
تابع البنات هادي نسرين وهادي مايا !!
حافظ گاع الأغاني وأسماء اللاعبين !!
والعقل ما فيه حتى شي آية !!
ونتي يا البنت يا لي عرِّيتي الرجلين !!
و لبستي صاية !!
باش هذا يقول ليك تبارك الله على الزين !!
خرجتي الطريق وربحتي سخط الوالدين !!
شوهتي بينا ووطيحتي الرَّاية !!
الوالدين وصَّا عليهم الدِّين !!
والله قال راه رضاهم مع رضايا !!
كون رطب مع واليديك وحنين !!
والا نرضو تعامل معاهم بعناية !!
شي نهار يموتو ونصدقو نادمين !!
حتى يفوت الفوت عاد نفهمو الحكاية !!
نكونو اوفياء ونكونو مخلصين !!
ماشي بحال لي يضحك فوجهي ويهضر ورايا !!
و إلا كنتي نت وشي حد مخاصمين !!
خلِّي أسرارو عندك وبلا ما دير بيهم دِعاية !!
القيامة قربات وحنا مازال غافلين !!
كلشي ماشي لديك الدَّار تا حد مايبقا هنايا !!
سامح وصافح راه كلنا راحلين !!
وقرا هاد الوصايا مزيان وإلا مافهمتيش عاود القراية !!
.gif "10")
.gif "2")
.gif "19")
.gif "8")
