تسجيل الدخول

اللهم امين

1- قاطع الدم باشر بالهم
2- ما تخافش من الشبعان إذا جاع خاف من الجيعان إذا شبع
3- اعمل براي والديك إذا ما ربحتش تسلك على خير
4- الهنا دايما و البلا ساعات
5- شمس النبات مكحلت البنات و لو محجوبات
6- راحو سنيا باه ناكل اللذات و راحو ماليا باه نخلف النقمات
7- مول الخير دواه الخير
8- عيشة و باندو في الطريق يتقاودو
9- يقتل الميت و يمشي في جنازتو
10- زوج دربات في الراس يوجعو
11- المعاونة تغلب الصيد
12- على آخر سبولة قطع صبعو
13- العين الصحيحة ما تدمع

1- المحبة طيح على عود يابس
2- القلب و ما يريد
3- كل خنفوس عند أمه غزال
4- عند المغرب ناد دفاري يلعب
5- الزين ما عمر دار
6- لي راح و ولى واش من بنة خلى
7- الطير الحر ما يتخبطش و إذا طار ما يهبطش
8- ملي كويتو ما ريتو
9- ما نمن بخيرك حتى نبدلك بغيرك
10- المزود الرقيق واش يهز من دقيق

1- دربتين في الراس يوجعو
2- لبهى و قلة الدفى
3- عجبك رخسو طيش نصو
4- اجيني يا الهم و لا نجي ليك
5- الدين مسود الخدين و لو كانوا دراهمين
6- ياكل في الغلة و يسب في الملة
7- ياكل في القوت و يسنى في الموت
8- لي ماعندوش الاحباب يزوروه القطوطة و الكلاب ياكلوه "أكرمكم الله "
9- كي شاب علقولو الكتاب
10- أعطيني الهنا نضمن الغنا




إلى مجموعة أخرى بإذن الله
دمتم في رعاية الله و حفظه

1- خرجان السيف عار و ردانو عارين
2- كون ما الشياطين كون الناس أم عايشين سلاطن
3- العطشان لا تصفرلو
4- كيد النسا كيدين و من كيدهم جيت هارب ينعتولك الذهب و يحزمولك بالعقارب
5- لي يحكم في الصحيح ما يطيح
6- يفنى مال جدي و تبقى الصنعة في يدي
7- فرخ البط عوام
8- خير الناس ردو و لا عدو
9- الزلقة بفلقة و الطيحة بروح
10- لي عندو لسانو يركب حصانو
11- لي عندو مالو بنت الباي تنهدالو
12- في خاطر الأحباب دمي نسمح فيه
13- اللسان الطويل سلاك المحان
14- الدربة لي متقتلكش تقويك
15- لي يحب الورد يحمل شوكو

1- من كحل يمسح الطبالة راحو
2- بنات العز يقعدو للدز
3- واش يدير الميت في يد غسالو
4- لي دارها بيديه يحلها بسنيه
5- لي قلبو على حبيبو يحوس عليه و يجيبو
6- كلش بالسيف غير المحبة بالكيف
7- شاف حبابو نسى صحابو
8- لي يحسب وحدو تشيطلو
9- لي نقول عليه موسى يظهر فرعون
10- لي عدا و فات يقدر يرجع ولا نبقى بكيتي نتوجع
11- أقفل باب دارك و متخونش جارك
12- يدوب الثلج و يبان المرج
13- يد وحدة ما تصفق
14- حبابو عشرة و مات بالحسرة
15- البابور لي كترو رياسو يغرق

اللهم آمين و يرحم موتى جميع المسلمين
و فيكي بارك الله أختاه أسعدني مرورك العطر

ايه معليش احفظيهم و متنسايش راني نستظهرلك