تسجيل الدخول

كا مايتعلق بلعراس و لعرائس شكون طيب القطو و حتى شكون كلاه واش لبست لعروس و و اش من سيارة راحت كل هذا في منتدى احكيلي واش صرة في العرس حصريا لي بنات منتدى الشروق ارجو المشركة و شكرا

مشكورة على الطرح حبيبتي ميرا
ندخل ديراكت فالموضوع بلا منحوم وندور ونخليكم تملو
اليوم لعراس ماعادوش كيما بكري يعني التراديسيونال ميقزيزتيش كامل
بارايقزومبل خرجات قاوية لعريس يدخل للدار يلبس الخاتم للعروس يقطع معاها لاطارت وزيد
يوكللها وتوكلو يشربلها وتشربلو
و يكملوها بشطحة مع بعض اهاه
؟؟؟
هاذي من الضروريات ؟ ياو علاه رانا فلالجيري ولا فالماريكان؟
ادخل لبس الخاتم واخرج وعلاه عليك هاذ الشي كامل
يا سيدي ماعليش
و نهار الكورتاج زعما يجيو يدوها يدخل العريس يخرجها ويركبو مع بعض في طوموبيل *طاكسي لعروس*
يروحو زعما يحوسو ويصورو لعروس زعما متحجبا تخرج بلافوال و تركب بلاه وتصور منحياتو ....
مع الجيش والشعب لي يحبسو فالطريق يتفرجو*كانو جامي شافو عروس وعريس*
و العرسان يقعدو يتمشو قدام الملا*عرض ازياء* باه يصوروم زعما ممممم علاه عليك ادي عروستك وقلع صح ماقلتش متصوروش مي كومام شوي تخمام هاذيك لي راك تسوج بيها راهي مرتك ولا ؟؟ نو؟؟
و الله شطحات كل عام يخرجو بيهم


مليح لي كاينا كوبي كولي ولا راني توخذت ههههههههههههه

ايا ازرع تحصد

هاذي في خاطرك ميرا ههههههههه

ايه ياامال وش قلتي كامل صواب وخلي الاختلاط والغناء يعني يبداو حياتهم بالمنكر

الله يهدينا لي عودة راني ناكل دوك

واش رايكم في لعراس اللي يديروهم اف لاصال

عندك الحق اختي في الاعوام الاخير ولينا انشوفوووووو لعروس مكشوف في الشارع و ناس كمل اتشوفها زمان كنت لعروس متبنش شهر قبل العرس و شهر بعد العرس

هههههههههههههههههههههه شكرا سجود

ختتيتو انا نحب لعراس تع السطوح والباش الله الله وخلي لومبيونص تع الدربوووووكة بصح راحو هادوك ليمات

يا البنات انا شت بزاف عراس وحتا روحت لي سال وشت العراس تما تلقا وحدة متحجبة صدقوني واش من الميني واش من اللبسة والكاميرا مان نورمال يشوف فيها وهيا تقولو تحشم ولا والله غير تشطح قدامو معلابهاش قاع بالناس ولا بالعايلة تاعها والعجب يماها تشوف فيها وتشجع فيها روحي ادناي لهيه هكدا بيني روحك باش يخطبوك روحي من هاذيك الجيهة كاين ثما هاذيك العجوزة تديك لوليدها
وصدقوني كاينا وحدة ماشي متحجبا كانت مسطورة وراسها مرفدتوش وحتا مشطحتش في العرس تلبس الحجاب الشرعي وكي تدخل لسال الله يسطر حتا كي يدخلو الرجال يعني اهل العريس او العروسة ميلبسوش الخيمارات واش رايكم في كلامي ??