تسجيل الدخول تسجيل جديد

تسجيل الدخول

إدارة الموقع
منتديات الشروق أونلاين
إعلانات
منتديات الشروق أونلاين
تغريدات تويتر
  • ملف العضو
  • معلومات
الصورة الرمزية نسرينات الامل
نسرينات الامل
مشرفة المنتديات التعليمية
  • تاريخ التسجيل : 22-03-2013
  • الدولة : ابنة الاوراس
  • العمر : 23
  • المشاركات : 7,732
  • معدل تقييم المستوى :

    15

  • نسرينات الامل has a spectacular aura aboutنسرينات الامل has a spectacular aura about
الصورة الرمزية نسرينات الامل
نسرينات الامل
مشرفة المنتديات التعليمية
نصائح عملية لكل عروس
08-01-2018, 01:13 PM
السلام عليكم و رحمة الله و بركاته



عرائس منتدانا الجميلات



بداية مبارك لكل عروس مقبلة على الزواج ربي يتمم بخير و عقبال للبقية


هذا الموضوع سيكون مخصص لمجموعة من النصائح اتمنى ان تفيدكن و سأستعمل لغة بسيطة بعيدة عن لغة الخشب لأنه في هكذا مواضيع وحدها اللغة البسيطة من تستطيع ايصال الفكرة




على بركة الله نبدأ اول شيء التصديرة :


مع اني ضدها لكن مانيش ضد اللي راح تعتمدها يبقى العرس ليلة من العمر كل وحدة و كيفاه حابة تحتفل بها نرجعو للموضوع

بزاف يعتمدوا على التقليدي البحت و هذا اللي يخليهم يتخلاو على تصديرتهم بعد العرس يعني تبقى مطبقة فالخزانة و من جهة راح تخسر باطل و الحل اما
- ماتكثريش التقليدي ديري حاجة و تقدري تكري الباقي ولا تسلفي

- و اما تعتمدي على التقليدي العصري حاجة خفيفة و براتيك و تلبسيها من بعد في المناسبات ولا الاعراس



ثاني حاجة عدد الفساتين اللي راح تعتمديهم كنصيحة ماتكثريش لأنك راح تتعبي من جهة و راح تتوتري من جهة اخرى تقدري تعتمدي مثلا "كاراكو عاصمي بلوزة وهرانية سواري قفطان و زي امازيغي حسب ذوقك ملحفة شاوية او جبة قبايلي" يعني حاجة خفيفة ظريفة من جهة درتي تصديرتك من جهة ماخسرتيش بزاف خاصة انو الموديلات يقدامو يعني بعد سنتين على الاكثر راح تلقاي روحك تخيطي الجديد و من جهة ماتعبتيش بزاف و كانت عندك فرصة انك تستمتعي بعرسك و مايفوتك منو والو



....يتبع
شيء من العدم و كثير من السواد
-نسرين-

  • ملف العضو
  • معلومات
الصورة الرمزية نسرينات الامل
نسرينات الامل
مشرفة المنتديات التعليمية
  • تاريخ التسجيل : 22-03-2013
  • الدولة : ابنة الاوراس
  • العمر : 23
  • المشاركات : 7,732
  • معدل تقييم المستوى :

    15

  • نسرينات الامل has a spectacular aura aboutنسرينات الامل has a spectacular aura about
الصورة الرمزية نسرينات الامل
نسرينات الامل
مشرفة المنتديات التعليمية
رد: نصائح عملية لكل عروس
08-01-2018, 01:29 PM
ننتقل للتسريحة و الماكياج و الاكسسوارات



اول نصيحة كوني انت في اختيار مكياجك و تسريحتك حسب شخصيتك و ذوقك



ثاني حاجة ليماش او الشعر الاشقر مش ضروريين باه تباني عروس تقدري تكون اجمل عروس بدون ماتغيري لون شعرك و بزاف عرايس خلاو شعرهم بلونوا الطبيعي جاو خير من اللي بدلوا لون شعرهم



ثالثا التسريحة كنصيحة العروس و لاروب بلونش يبان جمالهم بتسريحة بسيطة بزاف عرايس اعتمدوا تسريحة بسيطة كانت اطلالتهم اكثر من رائعة زائد انو التسريحة البسيطة عملية اكثر في حالة التصديرة و كي تلبسي لاروب



الماكياج الصارخ و الالوان الفاقعة راح يخرجك كارثة بزاف يقولوا بصح اذا مادرتش في عرسي وقتاش ندير الجواب اذا الماكياج اللي درتيه يخبي جمالك و يبينك بصورة سيئة علاش ديريه خيري ماكياج يتناسب مع بشرتك اولا و مع تصديرتك ثانيا و حاولي يكون منسق يعني اذا اخترتي احمر شفاه صاخب و لونو صارخ حاولي انو ظلال العيون او الفاغ آ بوبياغ يكون بدرجة اقل و العكس و دائما رسم العين على حسب حجمها خاصة في استعمال الآيلاينر باه اذا عينيك كبار ما يبانوش اكبر من حجمهم



ننتقل للاكسسوارات حنا في مجتمع اذا لبست المرأة اكسسوارات لازم كل حاجة بالدوبل خاصة العروس و كأنها دير استعراض محل مجوهرات مش راهي في عرسها نصيحة وحدة اختاري الاكسسوارات حسب الموديل اللي راكي لابستيه يعني اذا معمر بزاف و شارجي ديري بوكل و خاتم و براسلي و اذا مش معمر سلسلة وحدة تكفي مش لازم ديري واش عندك كامل فالمالات في رقبتك



حاليا هذو اهم النصائح فيما يخص هذه النقطة و اذا تفكرت نزيد نحطهم



....يتبع
شيء من العدم و كثير من السواد
-نسرين-

  • ملف العضو
  • معلومات
الصورة الرمزية ام زين الدين
ام زين الدين
مشرفة منتديات الشروق
  • تاريخ التسجيل : 09-11-2008
  • الدولة : ارض الله الواسعة
  • العمر : 47
  • المشاركات : 26,029

  • وسام مسابقة الخاطرة اللغز المرتبة 1 مسابقة الطبخ 

  • معدل تقييم المستوى :

    10

  • ام زين الدين has a spectacular aura aboutام زين الدين has a spectacular aura aboutام زين الدين has a spectacular aura about
الصورة الرمزية ام زين الدين
ام زين الدين
مشرفة منتديات الشروق
  • ملف العضو
  • معلومات
الصورة الرمزية نسرينات الامل
نسرينات الامل
مشرفة المنتديات التعليمية
  • تاريخ التسجيل : 22-03-2013
  • الدولة : ابنة الاوراس
  • العمر : 23
  • المشاركات : 7,732
  • معدل تقييم المستوى :

    15

  • نسرينات الامل has a spectacular aura aboutنسرينات الامل has a spectacular aura about
الصورة الرمزية نسرينات الامل
نسرينات الامل
مشرفة المنتديات التعليمية
رد: نصائح عملية لكل عروس
08-01-2018, 02:06 PM
الموضوع الثالث هو الشورة او الجهاز كان من المفروض نبدا بيه بصح يدي مساحة كبيرة و يحتاج هدرة بزاف فقررت نبدا بأهم نقطتين تحتاجهم العروس يوم العرس اما هذا قبل العرس نبدأ على بركة الله :
اولا في حالة راح تسكني وحدك



هنا لازمك تتفاهمي مع زوجك و تشوفي واش خص في دارك باه ماتوقعيش في الحوايج يتعاودو او ماتلقايش وين تحطيهم و هنا تكوني خسرتي باطل

بعدها ديري قائمة بأهم الاشياء اللي خاصين في دارك باه كل ماتشري حاجة تنحيها من القائمة و يكون كلش تاعك مرتب ماتتخلطيش و ما ترتبكيش

فرضا انك راح تشري بونكات للصالون خيطيلوا فراش باهي بريدو تاعو و مستلزماتوو خيطيه حسب الفصل اللي تزوجتي فيه مثلا تزوجتي فالربيع هنا باه تفرشيه فالصيف و هذيك المدة راح يكون خرج موديل او قماش جديد تقدري تخيطي واحد للشتاء و الخريف و انت في بيتك يعني ماكالاه تكثري و من بعد توفي موديلات جدد ترمي القديم اما اذا فوتاي خيروا ريدو و زربية باهيين و يخرجوا معاه

اذا عندك غرفة اخرى من غير الصالون و غرفة النوم خيريلها ستيل باهي و بسيط تاع كل يوم فراش بسيط ولا زوج بحكم انوا تقعد فيها بزاف راح تضطري تغيري زربية و ريدو سامبل

غرفة النوم فراش باهي و زوج تاع دايما تبدلي فيهم طبعا دايما تخيري حسب الفصل اللي راح تتزوجي فيه و الفصل اللي بعدوا تشري عادي و انت في بيت زوجك و تجيبي حاجة جديدة لانك انت اصلا بالطريقة هذي راح توفري دراهم و تخبيهم تكملي تشري واش خصك و موديل جديد و الحوانت مش راح يغلقوا



بالنسبة للماعن و اكسسوارات الدار راح يجيبولك بزاف كادوات انت ادي الضروري سارفيس باهي للقهوة و طقم صحون ، الفناجين و الكيسان و الصحون راح تلقايهم غير هوما فلي كادوا مع الفازات و ثاني الكوفيرطات و الكواة و هذا توفير ليك ثاني الادوات الكهرومنزلية ثاني شوفي واش خص قبل ماتشري سقسي زوجك و شوفي واش تحتاجي تخدمي بيه و على هذا الاساس اشري
....يتبع




شيء من العدم و كثير من السواد
-نسرين-

التعديل الأخير تم بواسطة نسرينات الامل ; 08-01-2018 الساعة 02:10 PM
  • ملف العضو
  • معلومات
الصورة الرمزية نسرينات الامل
نسرينات الامل
مشرفة المنتديات التعليمية
  • تاريخ التسجيل : 22-03-2013
  • الدولة : ابنة الاوراس
  • العمر : 23
  • المشاركات : 7,732
  • معدل تقييم المستوى :

    15

  • نسرينات الامل has a spectacular aura aboutنسرينات الامل has a spectacular aura about
الصورة الرمزية نسرينات الامل
نسرينات الامل
مشرفة المنتديات التعليمية
رد: نصائح عملية لكل عروس
08-01-2018, 02:07 PM
اقتباس:
المشاركة الأصلية كتبت بواسطة ام زين الدين مشاهدة المشاركة
راكي واجدة يا ختي على بركة الله

هههههههههههه قبل ما ندخل في القراية
شيء من العدم و كثير من السواد
-نسرين-

  • ملف العضو
  • معلومات
الصورة الرمزية نسرينات الامل
نسرينات الامل
مشرفة المنتديات التعليمية
  • تاريخ التسجيل : 22-03-2013
  • الدولة : ابنة الاوراس
  • العمر : 23
  • المشاركات : 7,732
  • معدل تقييم المستوى :

    15

  • نسرينات الامل has a spectacular aura aboutنسرينات الامل has a spectacular aura about
الصورة الرمزية نسرينات الامل
نسرينات الامل
مشرفة المنتديات التعليمية
رد: نصائح عملية لكل عروس
08-01-2018, 02:23 PM
تابع للجهاز

في حالة انك راح تسكني في دار العايلة

احكي مع عجوزتك ، سلفتك ، او زوجك شوفي واش تحتاجي تدي خاصة من ناحية الفراش و قش الدار لانو في هذه الحالة رايحة لدار معمرة و ممكن ماتلقايش وين تحطيهم

فركزي على غرفتك و على اطلالة بسيطة تشرح النفس حتى كي تشوفيها ماتتغميش



و كنصيحة في اختيار الالوان خيري اللي يتناسب مع لون الجدران باه ماتكونش الغرفة مغمومة و تكون شرحة و حيوية تمدك بطاقة ايجابية كي تشوفيها

....يتبع
شيء من العدم و كثير من السواد
-نسرين-

مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم


الساعة الآن 07:24 AM.
Powered by vBulletin
قوانين المنتدى