تسجيل الدخول

تزوجت حمارا ........!!

قالو لي : مبروك .

قلت : بارك لله فيكم .

"سعديه " لم تكن حمارا بالمعني الاحترافي للكلمه .

للحق كانت شياله للحمل وطاعتها عمياء .

روحي يا سعديه ..حاضر

تعالي يا سعديه ..حاضر

"عايزه اروح النادي مره معاك.. يا سي عبده ؟ " قالتها سعديه .

ملحوظه هامه " سي عبده ده.. يبقي أنا "

جاء ردي : روحي يا سعديه .

"سعديه " في النادي ..كلمه هنا واخري ... هناك

انجمع شمل سعديه ببعض عضوات النادي

,تليفونك كام يا سعديه هانم ..تليفونك كام يا مني هانم ..وانتي يا زيزي هانم ...

.واشتعل سلكك التليفون

,اصبحت سعديه عضوه في شله هوانم النادي .

تمر الايام و"حاضر" التي كنت اسمعها تحولت الي "ماشي "..

ثم تطورت الي "صمت"

قلت لنفسي أضبط الامور قبل الانفلات

..وبصوت جمعت فيه قوتي وشجاعتي ناديت.بصوت الرعد .... : يا سعديييـيـــيه ؟

حضرت سعديه..وقد اجابت علي بنظره معناها.... " نعم يا اسمك ايه "

كان الشرر يتطاير من عينيها ..وقد وضعت كلتا بديها في خصرها

ووقفت علي ساق واحده

ترمقني بترقب وتنمر الافتراس

قلت بهدوء وسكينه... وكل عظمه من عظامي ترتجف

م م كن....... اش رب ش ااا ي

واعترف لاول مره ...بالرعايه الصحيه الفاءقه

في غرفه العنايه المركزه .