الحسوة ( أكلة بسكرية خالصة)
08-03-2015, 05:27 PM
أكلة شعبية ..اقتصادية ... قاهرة للبرد
المكونات
2 حبات لفت ( خردل)
فول اخضر
حبة طماطم
3 م ك طماطم مصبرة
5 الى 6 فصوص ثوم
ملح + فلفل حار + راس الحانوت
شوية فرينة + سميد
معدنوس
فلفل اخضر حار
للتزيين
قارص + زيتون + فلفل مرقد
الطريقة
اولا نغلي الفول الاخضر مع الماء على النار حتى يطيب
(كون نطيبوه مع المرقة يكحلها) ومن بعد نصفيه
- في قدر على النار نحط كمية من الماء ونقطع حبات اللفت دوائر متوسطة ونتركها تغلي حتان تطرى شوية
- في اناء اخر نبرش الثوم
ثم نضيفلة 3 مغارف كبار زيت + التوابل ملح وفلفل حار وراس الحانوت
ثم حبة الطماطم المرحية + الطماطم المصبرة
- بعدما يطرى اللفت نضيف الى القدر الفول المطهى سابقا
-ثم نضيف خلطة التوابل والثوم والطماطم ونحرك قليل ونتركها على نار متوسطة
- نحضر 3 م ك فرينة + 3 م ك سميد
ثم نضيفلها حوالي كاس ماء دافيء ونخلط جيدا
ونضيفه الى المرقة اللي على القدر ونهدىء النار ونواصل الخلط
حتى لا تلتصق في قاع الطنجرة
ونضيف معاها فلفل اخضر حار
حتى تخثار ونطفي عليها ونضيفلها كمية المعدنوس المقطعة
للتقديم
في طبق التقديم نحط الرقاق المحضر مسبقا
ونسقيه بالمرقة وعصر القارص ضرورية مع حبات زيتون ورشة معدنوس أو كسبر (دبشة)
في طبق التقديم نحط الرقاق المحضر مسبقا
ونسقيه بالمرقة وعصر القارص ضرورية مع حبات زيتون ورشة معدنوس أو كسبر (دبشة)
.gif "10")
.gif "16")
