تسجيل الدخول

قلب يائس .
طول الليل و أنا نتساءل
واش راني ندير فهاذ لحياة
قولولي كيفاش نعمل
وقلبي راهو مات
كيفاش نعيش و أنا فاقدة الأمل
عاونوني بشي كلمات
ضافت بيّا الدّنيا كامل
و ظلامو عليّا اليامات
لوقتاش قلبي يحمل
هاد الهم و هاد الكيّات
أحلامي كامل تتعطل
وتتخسّر كيما جات
و أنا نشوف بعيني و نحمل
قسوة و ظلم هاد لحياة
قلبي صبر حتى مل
و مادا بيه ينسى لّي فات
مادا بيه يلقى الحل
و يلقى الفرحة اذا بقات
حابا فرحتي تكمل
كيما كامل هاد لبنات
حابا صاحب عليا يسأل
يحوّس عليّا إدا كاش مصيبة صرات
متمنيا دعوة عليّا تشعل
أضواوي في الّليالي الضالمات
و إدا ربي كتب و جعل
حياتي كامل إمتحانات
ما عليّا غير نقبل
نعيشها كيما راهي و فرااااااااااات
:6::6::6::6:دمعة حزين

يا أختي لا تفقدي الأمل مدام في نفسك الروح تسري وفي عروقك الدم يجري، هذي الدنيا دُوَارَة اليوم حال وغدوى حال، وسبحان مـُـقـَـلـِّـب الأحوال، هذا ابتلاء وإمتحان لك في هذه الدنيا يا أختي فالصبر هو الحل الأول ولا تفقدي الأمل في الله لأنه هو الذي ابتلاك كما هو الذي سبحانه بجلالته وكرمه يفرج عليك الهم والكرب والغم والحزن، أهديك هذه الكللمات:

لا تقطعي لياس *** ربي رحمتوا واسعة
قلوبنا جميع معاك يا بنت الناس *** من خدودنا سايلة الدمعة
شربا تقريب من واحد الكاس *** وحاس بيك وبد الوجعة
صعيب إذا راب الساس *** واش من الشي اللي يحبس الخلعة
يا ما جاز على هذ الراس *** سنين فاتوا بسرعة
واليوم راني لباس *** ودوايا نـْجـَدَّدُوا كل جمعة
دوايا كان الصبر لرب الناس *** خوذي منوا جـُرعـَة
مع الأيام ترجعي لـَبـَاس *** يبرى الجرح وتزول الوجعة
وتقولي واش فات على هذ الراس *** رجع ماضي بلا رجعة

يا أختي بإذن الله تفوتي هذ الشدة و تعاودي تولي للدنيا وتقولي يا محلاها
أخوك في الله محمد رضا ( عين طاية)

كلمات جميلة شكرا لك الاخت أنا نعطيك كلمات في موضوع جديد نتمنى تعجبك

ادعو الله ان يفرج عنك
لك رب كبير سميع بصير فاشكه همك وتقربي منه بفعل الخير والقران والصلاة والاستغفار فهو ان شاء الله سيفرج عنك بكثير من السعادة والاشياء الجميلة التي لم تكوني تتوقعينها ابدا في حياتك فالمهم هو ان لا تياسي مهما حصل بل زيدي من تقربك من الله

يعطيك الصّحة يا خويا ربي ينورك...أختك من رويبة